Dr. Rüedu tweetet - Churzriime - Gedanke-Schnipsel (2021-9)

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wag

22.12.2021 - 31.12.2021

I mine Stärne steit Dass i de Stärne steit Dass alles was i de Stärne steit Blibt wies isch oder vergheit

*. *. *. *. *

Ar Kassä statt bim Self Scänning

Macht s'Kömerle Spass u macht doch Sinn

Statt der Tschob vum Personal zum gliiche Priis sälber mache

Lieber mit de fründleche Lüüt ar Kasse spässle, lache

*. *. *. *. *

Es chunnt wies chunnt

Wülls scho immer so isch gsi S‘git Sache die chasch besser mache Wurum nid chli meh fröhlech si und lache Probiere das was guet isch viel meh z‘gseh A jedem Tag es bitzli meh

*. *. *. *. *

Säg JA Zu meh Solidarität (statt Egoismus) Säg JA Zu me Zämeschtah und zämeha (statt mit em Chopf dür d Wand wöue ga) Säg JA Zum me wöue Verschtah, lose was Sach isch (statt bhoupte u nacheplappere) Säg JA Zum wöue zäme vorwärts ga - 2022 !

*. *. *. *. *

Me seit ja hie und da: du bisch e rächte Tropf Gits de ou linggi Tröpf Me seit öppe mau: mir mache Negu mit Chöpf U wie heissi die arme ohni Chopf Frage über Frage wo mi und di nid würde plage Wenn i nid so vieu Seich würd frage

*. *. *. *. *

*. *. *. *. *

Ha wöue tue so wie wenn nüt so wär Wies anderi verzelle U ha de gmerkt so geit das nid, isch viel z‘schwär Ha probiert, ha würklech welle

*. *. *. *. *

Chum mir gäbe Wuet u Hass kei Chance

Chum mir tüe e so wie mir’s früecher scho mau chönne hei

Chum mir löh üs jez nid la verdriesse

Chum mir tüe doch eifach nume probiere das jez z'gniesse

Wo me cha gniesse i däre shwäre Zyt

*. *. *. *. *

I cha nid jedere und jedem wo mi Wäg chrützt der Vortritt gäh I wott aber ou nid jedem unbedingt der Vortritt näh Wär git cha ou übercho U de hei beidi öppis dervo

*. *. *. *. *

Der Himmel grännet Räge Träne U trotzdäm schmöckt me d Wiehnacht guet Das macht allne wo jez gärn dusse wäre Ume neue Muet Denn … das wüsse mir ja alli S Wätter isch mau so und mau chli anders Aber immer wieder chunnts de guet

*. *. *. *. *

S schmöckt nach Alltag, dinn wie duss S schmöckt nachme schtink normale Tag, wo ni nid weiss ob är mi mag und ig ihn o Oder ischs würklech Wiehnacht vor der Tür, wo hüt zu mir is Huus wott cho

ALLI Rüedu - Tweets

Rüedu uf Twitter

www.twitter.com/@RVuBaern

Dr. Rüedu tweetet - Churzriime - Gedanke-Schnipsel (2021-8)

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wag

14.12.2021 - 21.12.2021

Warum

Warum chnüpfe mir S‘Glück so oft a Bedingige

Warum

Warum chöi mir Glück nid eifach denn näh wes passiert

Warum

Warum hei mir mängisch e chli Müeh am Glück vu de andere

Aber

Aber zum Glück isch Glück eifach nume Glück

Ab und zue für di, ab und zue für mi

Ab und zue für üs beid

—————————-

Du meinsch

Mit Glüehwy göngs besser verbi

Die Vorwiehnachtszyt

Du alleini i der Stadt

Der Iichoufszettel i der Hand

Wo aufs druffe steit

Wes i de Gasse Liechtli schneit

U Zyt eifach nid so schnäu vergeit

U Du Schiss hesch, dass aus uf di Chopf dir gheit

--------------------------------------

D'Gsellschaft heig e Schpaut

Chaut

D'Regierig heig e Schpaut

Chaut

D'Mönschheit heit e Schpaut

Chaut

Dä cheibe Schpaut isch doch scho geng e Schpaut für gar mängs gsi

u jez söu är plötzlech tschued a gar mängem si

Wie si Zyte früecher doch no angersch, villicht besser gsi

---------------------------------------------

D'Schtilli vur Stadt hüllt d'Strasse i

I gloub i ga ga lige u dänke e chli a di

E letschte Schluck feine Tee us däre Tasse

I Gedanke villicht no Tag chli zäme fasse

---------------------------------------------

Langsam

Schleppt sich d'Nacht dervo

Langsam

Versuecht der neu Tag füre z'cho

Langsam

Wird us Chelti s'bitzli warm

Langsam

-------------------------------------------------

S'git - grad ou jez i däne chalte Tage

Geng no Lüt die wüsse nid wie Maske trage

I wär da im Fall - dir dörfet cho und ruehig frage

wie me so Maske richtig tuet trage

---------------------------------------------

Wenn's mit Vernunft und Verstand z'Änd zue geit

Wenn Sache wo no vor guet zwöi Jahr

Richtig si gsi und jez sig das alls nümm wahr und verbi

Es Wirus het sich i d'Hirni vus paarne Lüt i bisse

Andri meine gar, s'heig däne jez regelrächt is Hirni gsch.....

-----------------------------------------------------------

Wenn d'Jahr vergöh wächslet hüfig nur e Zahl

Denn vieles blibt wie's isch, das isch normau

Wenn d'Mönsche wünsche am Afang vumne neue Jahr

Wüsse sie genau, dass das äbe nur e Wunsch isch gsi

Ob fromm löh mir jez mau la schtah, dänke üs derbi

Dä Mönsch wird imne Jahr nid witer si

ALLI Rüedu - Tweets

Rüedu uf Twitter

www.twitter.com/@RVuBaern

Dr. Rüedu tweetet - Churzriime - Gedanke-Schnipsel (2021-7)

 Dr. Rüedu tweetet - Churzriime - Gedanke-Schnipsel - Usschnitte us Songtegschte (2021-7)

08.12.2021 - 13.12.2021

https://digital-malen.blogspot.com

D Lieder us em Radio Töne alli zäme fad u grad e so Als chäme sie vu irgendwo Nume nid vum Härz. Es isch e so

*  *  *  *  *  *  **  *  *  *  *  *  *

Es schneielet u beielet Der Winter chlopfet a Ab ad Wermi oder use i Schnee Gemäss Meteo blibts e so oder s chunnt no meh Schöne Sunntig

*  *  *  *  *  *  **  *  *  *  *  *  *

Hüt het d Sunne füregluegt Das isch so schön, das tuet so guet Has gnosse u bi voller Freude gsi Und auä nid der einzig gsi Das zum Thema „Es git no so viel schöni gueti Sache“ Wo eifach Freud und ganz viel neue Muet tüe mache Sötte schwierigi Zyte cho Doch da dervo …

*  *  *  *  *  *  **  *  *  *  *  *  *

Der Kanton häbt e Regle uf Sie gilt aber geng no gemäss Bundesrächt Im Kanton A darfsch das u dieses nid I diesem ischs grad umgekehrt Die meischte tüe drum was sie wei Wüll sie nid alles wüsse chöi We‘s so witer geit, liebe Schwyz Isch das e Schuss is eigne Chnöi

*  *  *  *  *  *  **  *  *  *  *  *  *

Ga no gschnäu nidsi ad Aare Ga eine la fahre U wes de nümm so schtinke tuet De fass i ume neue Muet Dass i nach es paar Schritt no mau Doch da derfo es angers mau Oder villicht löh mir das jez so la si Einisch isch Schluss de söu me zfriede si

ALLI Rüedu - Tweets

Rüedu uf Twitter

www.twitter.com/@RVuBaern

Dr. Rüedu tweetet - Churzriime - Gedanke-Schnipsel (2021-6)

Dr. Rüedu tweetet - Churzriime - Gedanke-Schnipsel - Usschnitte us Songtegschte (2021-6)

04.12.2021 - 8.12.2021

Vor em Schpitua loufe sie hin un här

Es paar si bedrückt u anderi tüe so aus wnn gar nüt wär

S chönnt auso ou guet u gärn vor emne Warehuus si

Wo die einte guet druf und die andres truurig si

*  *  *  *  *  *  **  *  *  *  *  *  *

Der Kanton Bärn

I weiss das ghört är auä jez grad gar nid gärn

Isch punkto Unterschtützig und Support i däne

schwäre Corona Zyte nid grad bi de Lüt

Würd kei Priis für die "Leischtige" übercho

Isch haut eifach SCHNEGGetämpo

*  *  *  *  *  *  **  *  *  *  *  *  *

Warum?

Warum chöi mir nümm schtriite, chäre, zangge ?

Chuum isch me sich nid einig gits es Gränn vu wäge Schpaltig !

Schrttite isch guet, tuet guet !

Eifach geng mit Stil und Niveau

*  *  *  *  *  *  **  *  *  *  *  *  *

Üse Bundesrat in Bärn

Macht viel guet +" anders schlächt

Eis der vo wär, är delegiert viel und cheibe gärn

Wüll är meint so macht ärs aune rächt

Eigeverantwortigung ad Kantön

Die reagiere ihrersits mit Klön

Eigeverantwortig a üs BürgerInne

Teu chöis (guet) u andri fö afa schtööne

>>>> TRIAGE !

*  *  *  *  *  *  **  *  *  *  *  *  *

Die schwigendi Mehrheit het chli es Problem.

Wüll sie eigentlech nume eis guet beherrscht:

SCHWIGE

U das wiederum isch i däne verruckte Zyte mängisch gar nid guet

Wüll die Luute und Wüetige dermit viel z viel Ufmerksamkeit überchöme, wo ihne eigentlech nid zueschteit

*  *  *  *  *  *  **  *  *  *  *  *  *

Wenn öpper e Diskussion so aafaht: "I verschtah di ja scho (e chli), aber ...

Denn frag i mi, ob ör/sie de erscht oder der zwöit Teil gschider wägglah hätti.

*  *  *  *  *  *  **  *  *  *  *  *  *

Dr Bundesrat fragt d Kantön. Die frage Gmeinde. U die frage d BürgerInne. U de aues zrügg u Wuche spöter merkt dr Bundesrat das es z spät isch. Statt eifach z entscheide. Punkt. Fertig.

*  *  *  *  *  *  **  *  *  *  *  *  *

Es isch aues fang richtig schlimm seit der Herr Grimm

Ja ja es wird geng nume schlimmerli meint da d'Frou Zimmerli

*  *  *  *  *  *  **  *  *  *  *  *  *

Mängisch bi ni zmiz i däm Aquarium

Mängisch sitz i vorne dra

Mängisch cha ni beid Site gseh, mängisch beidi nid verschtah

Frag mi: wei sie beid das würklech e so ha oder söu i's eifach so la schtah

ALLI Rüedu - Tweets

Rüedu uf Twitter

www.twitter.com/@RVuBaern

 

Dr. Rüedu tweetet - Churzriime - Gedanke-Schnipsel (2021-5)

 Dr. Rüedu tweetet - Churzriime - Gedanke-Schnipsel - Usschnitte us Songtegschte (2021-5)

01.12.2021 - 3.12.2021

https://digital-malen.blogspot.com

Isch‘s oft zitierte BUUCHGFÜEHL immer der richtig Ratgäber ? Ou i ganz schwierige Zyte ? Ou denn, wenn der Chopf andersch würd entscheide ? Oder ou denn, wenn‘s eigene Buuchgfüehl plötzlech z‘egoistisch wird für de Räschte vur Gsellschaft ?

*. *. * *. *. *. *

Ok oK

Neue Versuech:

Wenn du seisch, du heigsch s‘Rächt di z‘infiziere

hesch nid outomatisch s‘Rächt, anderi z‘infiziere

Kapiert ?!

*. *. * *. *. *. *

I bi lideschaftleche Masketräger Dört wo‘s sie bruucht Oder eifach so zum Usgliich für alli die Wo bim Thema ganz fräch säge - Ig nie Wobi i das, wenn i ganz ehrlech bi Nid ganz verschtah, nid ganz verschtah, nid ganz …

*. *. * *. *. *. *

Vieu vu däne wo klage dass mir gschpaute sige Würde ja gärn öppis dergäge unternäh, Wenn disi Site ou gliicher Meinig wär Ja denn, nur denn wärs gar nümme e so schwär Enand e bitzi necher z‘cho

*. *. * *. *. *. *

Der Mittag isch verbi Gnue gässe - isch es lecker gsi ? I weiss das geit mi eigentlech gar nüt a Nimmt mi glich wunder, tra ri … tra??

*. *. * *. *. *. *

E Morge viel z süess so wie Zuckerwatte D Sunne no teuf, das git e länge Schatte D Nacht plamped no geng e chli hin u chli här U tuet e so aus wenn si geng no die Schtercheri wär

*. *. * *. *. *. *

D Hemmli si glettet D Hose o S git Lüt die frage: was hesch du dervo Im Usang gsehs die meischte nid Eifach e so oder isch es der Nid

*. *. * *. *. *. *

Wär sich nur mit Gliichgsinnte umgit Mönsche wie Meinige Verpasst die anderi Häufti vum Läbe

*. *. * *. *. *. *

We sich de aui Länder gägesitig uf die Schwarzi Lischte gsetzt hei De chöi mir die Blockade ou eifach grad wieder üfhäbe usi frei U de die ganz Wäut id Quarantäne schicke Oder uf de Mond ufe spicke Mir sötte aui wenn das geit U luege dass ou de Humor üs nid ganz vergeit

*. *. * *. *. *. *

Chumm mir gö zäme ab id Höhli Chli Winterschlaf und e chli Wöhli E grosse Chemp vor der Tür De het sich sicher kene derfür Üs zwöi i üsne Tröim cho z‘schtöre Oder üses Schnarche z‘ghöre

*. *. * *. *. *. *

I weiss nid so rächt was i grad ha ? Aber mir isch irgendwie grad nid so violett zmuet !

*. *. * *. *. *. *

So. U jez e Frag id Rundi: Wär hieuft ? Ufzeue was gägewärtig aues schön isch, Guet Funktioniert, fägt, Luscht macht, Schpass macht. Gheimtipp: Es gits tatsächlech no - jedi Wett !

ALLI Rüedu - Tweets

Rüedu uf Twitter

www.twitter.com/@RVuBaern

Dr. Rüedu tweetet - Churzriime - Gedanke-Schnipsel (2021-4)

 Dr. Rüedu tweetet - Churzriime - Gedanke-Schnipsel - Usschnitte us Songtegschte (2021-4) 

26.11.2021 - 30.11.2021

SO-LI-DA-RI-TÄT schiint am usstärbe z‘si I gibe aber nid uf Es isch NIE z‘schpät Für Solidarität

____________________________

Mängisch ischs haut scho eifach eifach Wenn me auem wo grad nid so tuet Eifach Schpautig seit Hei mir nid ou scho früecher gschritte Polteret und en anger d‘Meinig gseit Isch wäg däm de aues vergheit Wenn Fründschafte höre gits Platz für neui Es mues doch nid aues uf immer si

____________________________

Dr Kantönli Geischt geit mir uf e Geischt Der Kantönli Geischt geit mir uf e Sack Hie darfsch das u dört söusch das Was genau sit wenn und wo Het keine richtig mit übercho Wo nid gsamte Tamedia Zytigs Sortimänt i Briefchaschte het becho

____________________________

Bärestarch wie nume der Bär cha si S fallt mir grad kei zwöiti Ziele derzue i Drum la ni das jez so la si

____________________________

Alleini isch mangisch fasch wie z‘zwöit

Wed vorem Schpiegu schteisch U dini innri Schtimm di fragt Wohäre geisch ?

____________________________

S‘isch chälter vor der Tür Dinne brönnt es Cherzeliecht Und villicht ou zmitts im Härz Zum Witergäh a Nächscht

____________________________

Mängisch ischs eifach es guets Gfüehl zur Mehrheit z‘ghöre.

____________________________

I ha grad chli Freud dass i Freud ha drann Dass d‘Demokratie ou das mau wieder zeigt het Zu was sie im Stand isch Klari Verhältnis bi höcher Schtimmbeteiligung Merci a die Schwiz wo ni gärn ha Zäme geits

____________________________

Ächti Demokrate u Schwizer meine: Dürehäbe statt düreträie ! Zäme geits !

____________________________

Ächti Demokrate wärde s‘Ergäbnis hüt akzeptiere Ächti Schwizer wärde s‘Ergäbnis hüt akzeptiere Die wo scho jetz liire vu wäge Bschiss Hei doch eifach nume Schiss Dass sie sälber meh und meh Ineflüge uf Manipulation und so … und das tuet weh !

____________________________

Uus schnuufe Ii schnuufe Uus schnuufe Ii schnuufe Es chunnt wies chunnt Es chunnt scho guet Ja ? JA !

____________________________

Pferde Wurm Mittel und Globuli Sind no nie gueti Heilmittel gsi Gäg serig übli, schtrubi Vire Da nützt ou gar keis Liire Mir sötte jez eifach zämeschtah Wei leider nid alli so verschtah

____________________________

#Ny heisst jetzt #Omikron #OmikronVariante Doch was solls … #Massnahmen sind so oder so gefordert und zwar subito. Ob das den „Skeptikern“, #Wutbürgern und #Impfgegner. Passt oder nicht ! Und eingehalten müssen sie werden. Schauen wir ganz gut drauf!

____________________________

Wuetbürgertum und Hischterie Si no nie guete Ratgäber gsi Dänk doch mau da drüber nah Villicht gsehsch ou Du das i

____________________________

D‘Impfgägner die hei huere Schiss Dass sie verlüüre - und das alles ohni Bschiss I dänke aber - ehrlech und ganz ohni Kohl Würde sie gwinne im Fau - es wär ne ou nid wou Denn s‘git i däre schwäre Zyt S‘paar id Irri gleiteti, die sueche nume eis u das heisst Stritt

____________________________

Ross Wurm Mittel und Globuli Sölle schiints erfolgriich si Eifach dra gloube u de geit alls verbi D Houptssch gäg die wo Impfe schimpfe u chönne si

____________________________

Würd gärn hütt Abe oder viellicht ou morn, Gäg das Virus u di neu Variante ä Demo mache Bi aber ziemli sicher leider Gottes Dass i der einzig wirde si Wüll - so seit me - alli andre gäge Bundesrat sölle si S Volk bruucht offebar e Sündebock i däne schlimme Zyte

____________________________

Es isch wies isch u s‘isch gäng scho e chli so gsi Nach em Bläck Freidei chunnt der Bläck Sunndei Denn irgend öpper wird denn müesse realisiere Dass me i Demokratie ou mues chönne verliere !

____________________________

Im Bundeshuus, hinter verschlossne Türe Tüe d‘Bundesrät hirne und schtudiere Was fürs Volk wohl s‘Beschte wär Doch vor de Wahle vum Bundesrat Das verschtöh mir allI guet - hei sie nur ei Rat parat MAU LUEGE Denn am eufte Dezämber - so ou i diesem Jahr MAU LUEGE

____________________________

Eh ja üse Bundesrat Früecher Entscheidigsfreudig u geng parat Sache bim Name z‘nenne Überzügt geng meh und meh oj je mine Mit Verschieberlis vu diesem, däm u gäng no meh Aber würd i gärn e andre gseh ? Mängisch ischs besser mit däm wott hesch z‘kutschiere U weniger schtudiere

ALLI Rüedu - Tweets

Rüedu uf Twitter

www.twitter.com/@RVuBaern