Es isch wies isch - Gedichtartigi Gedanke us der Quarantäne

Es isch e so wies isch

Wües e so isch wies isch

Ob Du derfür, dergäge oder (nid) iiverschtande bisch

Es isch e so wies isch

Wües e so isch wies äbe jez grad isch

Es nützt nüüt z‘töupele u z‘schtämpfele

Oder gar schrubs Züüg afau gloube u verzelle

Wüll s‘hets niemer, gar niemer so welle

Nid d‘Regierig, nid d‘Behörde

Nid d‘Pharma, Dökter oder der Billy Geits

Denn es isch e so wies grad isch

Wües e so und eifach nid andersch isch

Plädoyer für e chli meh Geduld

Und e Versuech, us däre Situation s‘Beschte z‘mache

Versueche statt hüüle und gränne trotz allem chli z‘Lache

Gschribe uns der Covid/Corona Quarantäne Wiehnacht/Neujahr

U we Du das öppe andersch gsehsch - de frag d‘Chinese

Beschti Neujahrswünsch

  

 >>>>> Zur virtuellen Neujahrskarte <<<<<

Bis im neuen Jahr 2021 !

Quelle Foto:  http://bit.ly/3bDLlH8

Ängu - Gedicht

 Irgendwo redt e Ängu mit sich säuber

Oder mit sim chline Änguschind

Oder är schteit da u redt chli mit der Wand

Nur das är e Schtimm i sire Nechi ghört

I däre Wält wo ganz viel Mönsche lide i ihrer Not

Wo‘s Mönsche git voll vu Unsicherheit und Angscht

Und är als Änge chum me nache ma e chli ga z‘hälfe

Und kene merkt, dass ou Ängle ab und zue

Chli Nechi, Liebi bruuche und hin und wieder ou chli Rueh

Oder eifach mau e liebi Schtimm, wo zuene redt, denn isches nümm so schlimm

Und viellicht merksch Du, dass du säuber mau

für öpper viellicht ou mau so ne liebe Ängu chönntisch si

Einsam sii - Gedicht

Einsam si chasch ou mit Tinder und das nid minder

Einsam si chasch ou mit Parship - ou hoppla - oh shit

Einsam si chasch ou mit oder ohni Blues

im Zug, im Tram, ir Beiz oder ou im Warehuus

Gäge s‘einsam si hilft viel aber viellicht ou das

Häb di sälber gärn wenn einsam bisch

Versöhn di mit der Wält so wie sie isch wüll SIE so isch

Aber DU mit dir so wie de bisch ziemli z‘friede bisch

S‘liit nid usse irgendwo, der Platz vom Glück bisch DU

I säges dir, gloub mir‘s - es chönnt so si, es isch e so

Und wenn s‘Glück di de gfunde het

Wär weiss, bisch scho bald mit dim Schatz im .......

Der Roseschtruuch - Gedicht

 Di Rosestruuch schmöckt so fein

Fiin und zart het är mi aube am Morge id Arme gno

Wenn d‘Sunne mit üs zwöi ufgschtande isch

Der Kaffee het gwarfet mit sim feine Duft uf em Schtubetisch

U der Kater ganz gmüetlech zu üs zwöi häre gschliche isch

Jez isch aus ganz anders - irgendwie

Doch s‘Schönschte isch dass du geng no da u bimer bisch

U keine vu üs zwöi eifach so verschwunde isch

Der Kaffee schmöckt immer so fein und d‘Sunne strahlt immer no für üs zwöi

U s‘het immer no so viel Sache und so viel gueti Zyt wo mir üs dra freue chöi

Und i weiss das mir beide das wöi

Und chöi

Und s‘zäme si im Härz stattfindt

Und nid ane bestimmte Ort bunde isch

Ou wenn dä no lang ir Erinnrig isch

U dert e schöne Platz wird ha

Wo mir ab und zu zäme chöi häre gah

Zum no mau schmöcke

Wie fein dä Duft vu dam Roseschrtuuch isch

Ou wes nur als Gedankereis für üs zwöi isch

Aui zäme - Gedicht

 

Aui zäme hätte gärn öpper zum chli zäme si

Viellicht am Tag, viellicht ir Nacht

Viellicht nur so oder viellicht für gang

Aui zäme tröime Tröim

Vu Nechi, Vertroue und däre Zyt

Wo me dervo träumt dass sie eim no blibt