Aktualisiert: 2022-04-28
Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte - Schnitzelbänk zur Unzyt - Sinnigs und Unsinnigs eifach vur Läbere wag
S Wätter isch prächtig, s Wätter isch schön
Verbi das Gjammer, verbi das Klön
D Lüt wei wieder lache u fröhlech si
Es stört sie nume dä Putin u si Chrieg derbi
*. *. *. *. *. *. *. *. *
Has bis jez no nid ganz chönne begriife
Wie me der Putin sött chönne verschtah
U Du ?
*. *. *. *. *. *. *. *. *
Die wo sich no vor es paarne Jährli
Als Verträter und Verteidiger vur Demokratie
Gfüehlt hei und am rächte Rand vur Gsellschaft tanze
Si die wo genau jez äbe die Demokratie tüe gfährde
Was früecher mau chli links tiggt het geit jez mit gfährleche Rächte unschiniert is Bett
*. *. *. *. *. *. *. *. *
Corona isch offiziell verbi und het ou süsch viel vu däm (damals berächtigte) Schrecke verlore (2).
Drum e Frag: tüet dir no d‘Händ wäsche (ab und zue u derz wos sichs ghört) ?
Auso i gseh uf vielne Herretoilette … auso i säge nüt !
*. *. *. *. *. *. *. *. *
Hoffentlech chunnt uf üsem Twitter
Nach däm Chouf vum Musk jez nid es Fake News Gwitter
Das wär für e Teil vur Wält doch ziemlich schitter
U lide würd, das wüsse mir wohl alli
D‘Wahrheit
*. *. *. *. *. *. *. *. *
Gheit d Wält chli us de Fuege
Dänke die einte u chöi nid gnue luege
Was i Zyttige u Internet schteit bevor die Wält zergheit
Andri choufe Fuetter u Waffe u si bereit
Serigs het d‘Wält scho x mal gha u lue … sie schteit
Für Di u für mi, me mir alli wei, bisch ou du bereit ?
*. *. *. *. *. *. *. *. *
Du, i gschpühre der Früehlig
Ou im Winter wenn‘s schneit
U das meischtens wäg dir
Du, i gschpühre der Früehlig
Ou im Summer bi gröschter Hitz
U das meischtens mit dir
U danke dir mini Früehligsfrou
*. *. *. *. *. *. *. *. *
Ou für ne Pensionär
Wär d Wuche ohni Wiikänd chli läär
S würde ihm doch genau die zwöi Täg fähle
Won är früecher brucht het nach 5 Tag Büez und sich quäle
Zum de nächhär wieder fit u munter uf der Arbeit si
*. *. *. *. *. *. *. *. *
Liebi Lüt, i säges hie völlig unschiniert
D‘Franzose hei öppis bessers als d’ Le Pen verdient
Der Nationalismus wo drückt i vielne Länder
Ab i Chübel dermit oder hopp übers Gländer
I gloube d Nechi zu däm Wladimir
Isch gar nid guet - gloubet mir
Z‘Bärn hei viel BärnerInne ihre Samschtig Märit gärn
Drum chöme d‘Buure vu nach und ou färn
Ihri feine früsche Ware cho präsentiere
Derwil im Bundeshuus tüe s’paar grad no chli regiere
Und alli si so froh, glücklech u eifach z‘fride
Dass die Trychle still si u für immer schwige
*. *. *. *. *. *. *. *. *
Oschter Sunntig steit vor der Tür
Der Häsu höpperlet fiin u het sich nid derfür
Die Sunntigsrueh scho so früeh ga z‘störe
Drum tuet är Eier u Schoggihase - äbe wie scho gseit
Liislig i nes Näschtli legge
U s‘Huehn tuet sider scho wieder fliisig neui Eier legge
*. *. *. *. *. *. *. *. *
Du chasch no lang täupele u bocke
Em Gotthard Tunnel isches gliich we du vor drann blibsch hocke
*. *. *. *. *. *. *. *. *
Wo ni hüt verwachet bi
ha ni dänkt es blibt derbi
Oschtere wär es bsinnlechs Fescht
für alli die wo no chöi bsinnlech si
Und viel andri findes nume toll
mit vielne andre i däre Blächlawine z’si
u andri hei drum nume Fröid
wie lang die andre wieder mal gschouet si
Hey das wärde ou diesmal schöne Oschtere für alli si
u weisch, si gö ou diesmal sicher gschnäll verbi
*. *. *. *. *. *. *. *. *
Nüt het für ewig
Nid mau ewig isch ewig
Wüe no kene vu üs dert hinde bi däm Ewig u zrügg isch gsi
U so het ou üsi Liebi
De mau e andri Wändig gnoh
Wo aui Versüech u aus Knorz irgendwo im Sand blibe lige si gsi
*. *. *. *. *. *. *. *. *
Wenn s Nachhär chunnt
Isch alles andersch als dervor
Wenn d Gwohnheit kei Platz me het
U s Nöie no neu u kei Gwohnheit isch
Denn weisch dass das e Name het
Veränderig
*. *. *. *. *. *. *. *. *
Salmonellen in Ferrero Kinder-Schoggi
I gloub i fa gli afa schpinne
Säge doch so s paar Ober EsoterikerInne
Wüll das Infos us de Mainstriim Medie sölle si
Sig das ganz andersch u so chönns nid si,
chli Dräck heig no keim Chindli gschadt
*. *. *. *. *. *. *. *. *
Wunsch ad Wuetbürger, Schwurbler, Querdänker:
I wünschti mir, das chasch mir gloube
Dass viel meh Mönsche chönnte chli meh glücklech si
Weisch nid geng nume wüetig, fruschtriert u toube
Bi eifach sicher es wär vielne so viel wöhler derbi
*. *. *. *. *. *. *. *. *
Hudelwätter - Kuschelwätter
Potz Donnerwätter
*. *. *. *. *. *. *. *. *
Es pöpperlet fiin a mis Fänschter
Grad so wie wenn der Räge wetti zu mir ine cho
I las eifach chli la pöpperle und chlopfe
E si ja nume Rägetropfe
*. *. *. *. *. *. *. *. *
I stolpere mängisch i der Nacht
Wie das mänge ander halt ou so macht
I stolpere mängisch düre Tag
Ha de aube s Gfüehl dass är mi nid so mag
*. *. *. *. *. *. *. *. *
Eigentlech würd ig am #Bundesrat #Berset gärn mau merci säge für si guet Job wo är gmacht het.
Het är eifentlech üs aune wo gfouget hei scho mau merci gseit. Unverblüehmt u offiziell ?
*. *. *. *. *. *. *. *. *
S‘schöne bi üs ir Schwiz u ar Demokratie
Isch … mir müesse üs nid immer über alles einig si
Wenn jez aber so es paar Russe Trolle us em volle
schöpfe u offebar nümm wei wüsse
Zu welem Teil i däm Chrieg si wei ghöre mit guetem Gwüsse
Wo die eigentlech häre ghöre ohni andri zstöre
*. *. *. *. *. *. *. *. *
Eier tütsche
Das isch scho gli
I befürchte nur, dass die gröschte Eier
wärde untütscht si
*. *. *. *. *. *. *. *. *
Chrieg, mit richtige Opfer u Tote
U dennoch gits die Putin Fans
Chrieg, ou vum Abe schpät bis i Morge höre sie nid uf mit morde
U dennoch gits die Putin Fans
Ir Ukraine knallts - richtig
U hie es paarne is Hirni - ou richtig
*. *. *. *. *. *. *. *. *
In Italie loufe jez aui wo öppis uf sech hei so deppert mit Hochwasser Hose ume. Tschiins u schick. Dünn oder dick. Sicher äbe so tüür wie Löcher i de Tschiins. Aber ou hie - i mache e grosse Boge drum.
Ines paar Mönet - d‘Hose wieder dunde. Auso d‘Hosebei !
