Dr. Rüedu tweetet - Churzriime - Gedanke-Schnipsel (2022-09)

Aktualisiert: 27. September 2022

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wäg

Dr. Rüedu dänkt - schribt - teilt - kommentiert

Uf Twitter - nur für Di www.twitter.com/@RVuBaern 

D’Corona Zahle gö leider wieder chli opsi

Dass es ganz verbi sig isch auä  e fromme Wunsch gsi

Vieli chöi das so näh u mit Fassig trage

U würde ou jez ume Massnahme mittrage

Die paar unverbesserleche Wüetige i üser schöne Schwiz

Chöis nid la ruehi - das isch kei Witz

Witzpoldi

--------------------------------

Ha hüt ume mau Wösch glättet

I mache das gärn, ou we nime Ma bi

Loufe gärn i schöne Chleider ume

Nid gäng aber immer wieder

Bsunders wenn i ir Schtadt bi

U die churzärmlige Hemmli si jezt hinder grütscht

U die wärmere dörfe wieder vore si - im Schaft

--------------------------------

D’Abschtimmig über d’AHV (Räntealtererhöhig) zeigt wieder mau

und das sehr genau

Dass eigentlech s’Interässe a üser Zuekunft 49 % vu allne Schtimmberächtigte

amne chline Ort isch

U drum nüt anders übrig blibt - de Gwinner u de Verlüürer

Dass es genau so isch wies äbe isch

Knapp !

--------------------------------

Lüt wo vu au däne zum Teil schlächte Nachrichte überforderet si

Die chönnte ja eifach probiere, all die Nachrichte nid allzu z’persönlech näh

Git e chli meh Dischtanz zu allem u macht s’Läbe es chlises bitzeli agnämer

--------------------------------

We mir s’Wort Chrieg ghöre

De meine mir immer wüll’s halt geng so isch gsi

Das sig wiit wäg, das göng de scho alleini verbi

I wett da nüt böses heruf beschwöre

Aber wiit isch diesmal ziemlich nach

U plötzlech isch alles was kennt hesch ziemlech andersch

als es du gärn wettsch ha

--------------------------------

Mir tüe die arme Viecher leid

Die Rind, die Säu u au die Hüehner

Für es paar Fränkli z‘spare hei vieli nei gseit

Lieber billigs Fleisch statt weniger Tierleid

Chas würklech nid verstah

De tüe mir halt vu däm Grüsel Fleisch chli Abstand ha

Lieber weniger derfür guet !

--------------------------------

Hüt gits bi mir e Pischi Party

Vermuetlech vum Morge bis am Abe

Eifach chli si u ume plämperle

Gniesse so wies isch

Der Mäntig chunnt scho gli

U de ischs mit schönem Nüt tue ume verbi

--------------------------------

Oh du mis gliebte Italie - mis

s’isch z’befürchte dass du so rächts wirsch si

dass mir vermuetlech ziemli schlächt wird si

i hoffe eifach nume eis für di - es mögi verbi ga u zwar gli

--------------------------------

S’wird ou dieses Wuchenändi e so si

Dass die wo gö ga schtimme wärde mitbeschtimme

Und alli andre wo nid hei wölle

D’Schnurre halte sölle

Wenn pöpis nid grad so sött loufe

Wie sie’s gärn hätte gha

--------------------------------

Hei ! I wott hei !

Dänke viel, säge viel, rüefe viel

U het ou scho dr E.T. gseit

Nume wüsse vieli nümm wo das isch

--------------------------------

Has eigentlech für mi wöue bhaute

Ou die nächscht Abstimmig wird d‘Schwiz nid schpaute

Üsi bewährti Demokratie

Wird ou am „Tag danach“ no eini si

--------------------------------

I fahre gäge d‘Bärge zue

Ne nei, ha vu der Stadt no lang nid gnue

S‘isch äbe eifach wunderbar

Mau chi dieses und mau chli das

wües hie bi üs fasch überau

So vieu schöns zum luege u zum gniesse het

--------------------------------

Interessant wie vieu Lüt jez wei Winnetou Filme luegu obwohl sie der Winnetou no nie möge hei ! 

Interessant dass es e Jung Partei git wo sich bim Fernseh für dä Film iisetze, obwohl sie das Fernseh wei abschaffe !

Oh #JSVP oh weh wh weh

--------------------------------

Elefante fiire u tanze

Nilpferd häbe sich der Ranze

Vor luter Freud

Party im Zoo

und alli si froh

Ischs nid anderscht sondern genau e so

--------------------------------

Lue a, lue a

Chli Warnig vor em Strom spare

Chli Warnig vor em Blackout

Angscht vor Dunkelheit u chaut

U alli wei jez plötzlech Sunnekollektore uf jedem Dach

Hätt me nid sit 20 Jahr Zyt gha

Henu; Houptsach jez packe mir‘s u tüe afa !

U löh d‘Gägner i der Chelti stah

--------------------------------

Mir isch‘s am Mäntig glich dass Mäntig isch

Wüll jede Wuchetag halt mau chli guet u mau gar nid isch

Mir isch‘s am Sunntig glich dass Sunntig isch

Oder viellicht doch nid, wüe denn der Tatort Abe isch

Aber mir isch nid glich mit wäm i zäme bi

Vum Mäntig bis zu nächschte Sunntig

--------------------------------

Ha träumt dass sich die liebi Queen

Das eigentlech alles ganz anders vorgschtellt het

Alles e chli ruehiger

We de scho i Himu chunnsch

U s’Läbe lang Tam-Tam hesch gha

Sölls doch dört viel liiser u gmächlecher zue u här ga

Dass das uf däre Wält niemer wott u cha verschtah ?

--------------------------------

I cha di grad nid hei tue

U gliich - ha di auä scho mau gseh

Wie däm o isch

Schön dass du da bisch

Wo du bisch

--------------------------------

Nach somne Rägetag

Frag i mi

Was i no mag ?

Viellicht wieder mau vor Glotze hocke

E Krimi oder Triller oder zwöi ?

Luege ob die Giele u Modi das geng no chöi

De Böse s‘Handwärch legge

Die guete Ändi gits meischtens nur im Film

U das isch - schlimm

--------------------------------

Mir kenne’s us der Chemie. Gwüssni Gmisch si üsserscht explosiv u zerschtörerisch. Ou ir (Gsellschafts)Politik.

CoronaGägner, Wuetbürger, Rächtsextremi, Esoteriker, Verschwörer, Schwurbler

Die tüe enand nid guet u üs aune erscht rächt nid! Ufpasse !

--------------------------------

Die Grüene würde gschider wieder eifach nume grüen si

So wie das mau gsi isch u jez offebar e chli verbi

5G, Verschwörerli u Schwurblertum

Am beschte eifach mide u e Boge drum

--------------------------------

Wenn i die Nacht aleini ga ga liege

U s‘paar Sache vu däm Tag da i de Tröim la la liege

Gseh i viellicht dis Gsicht vor mine Ouge

Gschpühre di Schnuuf uf miner Hut

Guet Nacht - schlaf teuf u fescht

--------------------------------

I ha gmeint dass i nie serigs da mues schribe:

Früecher isch vieles besser gsi, früecher isch vieles andersch gsi

Früecher hei mir - im Rahme vu üsere Demokratie

Eifach mau chli andri Meinig gha

Hüt si mir wäg jedem Sch********ck grad sofort gschpaute

Das isch ja nümm zum ushaute

--------------------------------

Für vieu Lüt gits offebar nume 

Aues wird besser

Aber. Viellicht isch bau scho vieu wes heisst

Aues blibt wie nes isch

--------------------------------

Hesch’s o scho ghört

gäu es isch ja unerhört

me chas chuum gloube

i bi jez richtig toube

i mas eifach nümme ghöre

u lose gliich geng häre

u das faht mi langsam afa schtöre

--------------------------------

s’chöme scho chli herteri Zyte uf üs zue

verbi mit aus la schliife u vu gar nütem het me gnue

I gloube es wärde alli die wo sich chöi aapasse

neu usrichte u viellicht mau uf dieses oder eis verzichte

am beschte über d’Rundi cho

--------------------------------

Mir - als Gsellschaft - si ja scho alli chli verwöhnt gsi

Meischtens alles meh als im Überfluss

Chuum mau müesse s’Füfi umtreie u ou vu de Weggli nume gnue

U jez plötzlech isch aues e chli andersch

U einigi dreie schier chli oder gar voll im Rote

Heis no nid tschegget - wo üse Wäg jez härefüehrt

--------------------------------

I weis nid wie

Weis nid wieso 

Weis nume; es isch haut so

--------------------------------

Vu rächts här brodlets u chöcherlets grad ziemli schtrub

Mit müesse jez ganz guet ufpasse was da es paar ganz ganz Gfährlechi wei mit üs azettle

Mir sötte üs - als schwigendi Mehrheit - viellicht nümm aus so eifach la gfalle

Was meinsch ?

--------------------------------

D’Wält isch grad scho chli us de Fuege

Gits viel Lüt wo das meine, we ni so ume luege

Hei mir verlehrt mit strube Situatione richtig umzgah

Hei mir verlehrt üs däm wo isch z’schtelle statt eifach umezschtah

Zämeschtah statt Ego-Trip - eifach chli meh mitenand

--------------------------------

Mi Wecker und i hei e ziemli agschpannti Beziehig im Momänt, ämu sit i immer guet 10 Minute vor ihm erwache. Ok, i stelle ne ou erscht uf die haubi zähni.

--------------------------------

D’Wält isch grad scho chli us de Fuege

Gits viel Lüt wo das meine, we ni so ume luege

Hei mir verlehrt mit strube Situatione richtig umzgah

Hei mir verlehrt üs däm wo isch z’schtelle statt eifach umezschtah

Zämeschtah statt Ego-Trip - eifach chli meh mitenand

--------------------------------

Vu rächts här brodlets u chöcherlets grad ziemli schtrub

Mit müesse jez ganz guet ufpasse was da es paar ganz ganz Gfährlechi wei mit üs azettle

Mir sötte üs - als schwigendi Mehrheit - viellicht nümm aus so eifach la gfalle

Was meinsch ?

--------------------------------

Me mues nid mau linggs si

Um gägewärtig u zuekünftig

Ziemli Angscht z‘ha vor de Rächte

U das ziemli zünftig

--------------------------------

Es isch schön, e gueti Tageszyttig z‘ha.

Eini wi eim geng chli uf em loufende het.

Ou wenn me nid immer mit allem iiverschtande isch.

Aber sie ghört halt doch irgenwie zu eim !

--------------------------------

Basierend auf einem Netzfund:

U plötzlech isch me im Auter, wo me sich vure Party mues erhole, wo me gar nid derbi isch gsi.

--------------------------------

Schtrom no. 25

Strom - kei Strom - Strom - kei Strom

U mir merke villicht, wie sehr mir abhängig si dervo

U chönnte üs frage - isches schlächt oder guet e so

Bruuche mir würklech all die Dinger

Für üses Hirni, de Mage und üsi Finger

Wird’s geng e chli besser oder eher schlimmer?

meh ähnlechs ...

https://huet-ha-ni.blogspot.com/2022/08/dr-ruedu-tweetet-u-dank-chli-uber-die.html

--------------------------------

Es isch e Tag

Es isch e Tag wie jede andre o

U glich frag i mi, isch das würklech so ?

Was miech i a däm Tag ohni Di ?

--------------------------------

Wenn d‘Energiewändi söll e Wändi si

Denn ghört derzue, ja so wird das si

Ändlech über es paar Schätte z'springe

Neui Idee entwickle, chli ume schpinne

Alti Zöpf über Bord und d‘Iischtelli ändere

Uf alli Decher ghöre Solar Aalage

Ändlech ou dört e chli meh wage

--------------------------------

Der Wuetbürger tuet aus oder ämu vieu

Zum immer wieder zgrächtem wüetig si

Gäge die da obe - u är merkt nid derbi

Dass mir alli e chline Bitz vu däne da obe si

Mir alli wähle oder ou nid - wär guet oder schlächt zue üs luege tuet

U das isch so richtig u guet - Demokratie

--------------------------------

Wenn du am Abe spät würsch Strichli mache, was schlächt u was guet isch gsi …

U zum Schluss chiemsch dass vieu meh isch schlächt gsi

Denn lisisch z‘viel oder s‘Falsche

So u nid andersch wird das si

I blibe derbi

--------------------------------

Die wo nume flueche, lärme und eifach nid wei spare

(i rede vum Strom und vum Gas)

Chöi ja zeige dass sis ou irgendwo und irgendwie no druuf hei

Spare bim jammere u blöd ume stürme

Spare macht üs aune gwüss kei Freud

Aber wie denn bi Corona, mir chöi ZÄME (!) strübers verhindere

--------------------------------

Si eigentlech Influäncer Mönsche wo anderi Influeäncer leike, zum sich gegesitig es paar „fetti“ Wärbeufträg z‘sichere. Wartet nume ab, i bi nid der einzig wo das so gseht

--------------------------------

Nächschte Demo Schlachtruef ?

„Mir hei gnue, löht üs in Rueh !“

Gmeint si natürlech all  die Wuetbürger, Impfgägner, Rächtsbürger, Schwurbler

--------------------------------

Die nächscht Abschtimmig schteit vor der Tür

Die einte si dergäge, andri si derfür

Die meischte wüsse ou nach däm Urnegang

Wies guet wär mit em Umgang mitenang

Andri chöi d‘Ergänis nid demokratisch akzeptiere

Wüll sie nid gleht hei ou mal chönne z‘verliere

Drum - Sit trotzdem nätt mitenang

--------------------------------

S‘isch Spätsummer

Es schmöckt überall derna

S‘Liecht het wie ne andri Farb becho

Scho gli isch es de wieder überall so wit

Wenn‘s herbschtelet - denn chunnt scho bald die andri Zyt

--------------------------------

Es bruucht nid viel zum glücklech si

Viellicht nur gseh u gniesse was me alles het

Nid voll Nid zum Nachbar schiele zum gseh was me alles wett

Wenn me dä Nachbar wär wo usse glitzeret u glänzt u inne völlig läär

--------------------------------

Wülls immer wieder Lüt git wo chli viel reklamiere, motze u irgendwie eifach unzfride si:

I ha i mim Läbe scho s’einte u angere erläbt, so dass i jez froh und sehr dankbar bi, dass s’meischte so isch wie’s isch !

--------------------------------

Da gits jez so s’paar Männer die meine

dass all die Froue i de Pornos froh u glücklech si

Da mues i euch aber schtarch entgäge ha

S’hei ächt nid alli so viel Freude dra

Gloubet amne erfahrne riife Ma

Wo als „Synchronstöhner“ teufe Iiblick i das „Bisness“ het gha

--------------------------------

Schtromlücke no. 22

Am Abe nach em Ässe und nach em Träning

(uf em Houmträner)

Hurtig hurtig u ganz gschwing

ab id Thermo Liibli und Unterhose

U de no chli SRF eis zwöi drü us em Batterie Radio lose

meh .... https://huet-ha-ni.blogspot.com/2022/08/dr-ruedu-tweetet-u-dank-chli-uber-die.html

--------------------------------

Der Ougschte isch jeze de verbi

Är isch e schöne Ougschte gsi

Chli warm u troche ab und zue

Da dervor het d’Natur grad ziemli gnue

E mau e schöne Landräge vür Stadt u Land

Zum vorbereite uf e Herbscht i schönem Gwand

Alli Tweets vum Ouguscht 2022

ALLI Rüedu - Tweets

Rüedu uf Twitter

www.twitter.com/@RVuBaern

Dr. Rüedu tweetet u dänk chli über die mögleche Stromproblem im kommende Winter nache / #Stromlücke #Stromengpässe / Nr. 1 bis 29

Aktualisiert: 24. Oktober 2022

e Serie, süferli und i lockerer Folg mit Gedanke, Bemerkige, Tipps und Kritik zu de akündigte mögleche Stromproblem im Winter 2022/23

Mau bitter ärnscht u mau mit me Ougezwinkerli

Gedanken, Spinnerein und wilde Fantasien was alles geschehen könnte und was nicht. Mal ernst, mal schmunzelnd, mal zynisch, mal Humorvoll. Anregung, sich vielleicht wieder mal bewusst zu werden, was heute alles selbstverständlich ist und dass viele unter uns eigentlich das Bewusstsein und die Dankbarkeit dafür leider völlig verloren haben. Und wie der überhandnehmende Egoismus die Solidarität zu verdrängen scheint. Wie schon in der Pandemie.

ALLI Rüedu - Tweets und Monets-Gedanke

Dr. Rüedu dänkt - schribt - teilt - kommentiert

Uf Twitter - nur für Di

www.twitter.com/@RVuBaern

Frag/Bemerkig zur Schtromlücke No. 32

We de nid wosch im Chaute hocke

S’git da sogenannti warmi Bett Socke

Wüll d’Wermi mues vu unde cho

so hesch du viel viel meh dervo

Frag zur Schtromlücke No. 31

Hätt me nid scho lang chönne Schtrassebelüchtig inschtalliere

Wo nume denn lüchtet wenn sie bruucht wird 

(Bewegigsmälder) ?

Me hätt chönne aber nid wölle

Schtromlücke no. 30

Viellicht söttsch mau prüefe

Weli Date (*) dir wichtig si

und ob die nid nur i de Cloud abgleit si

Lokal isch ou hie mängisch e guete Ratgäber

(*) Föteli, Musig, Dokumänt, Tabälle ...

Schtromlücke no. 29

D‘Sunne oder Fänschter Schtore

Dunde oder doch lieber dobe

Wenn‘s ke Schtrom me sötti ha

U Kurble isch am Fänschter keini dra

Denn wird‘s ir Nacht plötzlech Tag

Und am Tag so dunkel wie ir Nacht

https://news-medien.blogspot.com/2022/10/blackout-ein-paar-fragen-im-zusammenhang.html

Schtromlücke no. 28

Me mues - bi Gott - keis schlächts Gwüsse ha

We me wott spare u viellicht scho jez afa

Es git i allem u jedem - das sig e so

Guets u schöns - umdas blibt o so

Schtromlücke no. 27

Mi Houmträner steit im Schtübli scho bereit

Bi Cherzeschiin u Musig usem Batterie Radio

wird de wohl ganz ganz wenig Schtimmig ufe cho

Oder süsch haut de nume gnue müed u ab i Thermo Schlafsack

Schtromlücke no. 26

I gloube, das das Elektrische Grät, wo me

ruehig cha druf verzichte, zum Strom spare,

der Loubbläser isch. Gäu ?

Schtrom no. 25

Strom - kei Strom - Strom - kei Strom

U mir merke villicht, wie sehr mir abhängig si dervo

U chönnte üs frage - isches schlächt oder guet e so

Bruuche mir würklech all die Dinger

Für üses Hirni, de Mage und üsi Finger

Wird’s geng e chli besser oder eher schlimmer?

Schtromlücke no. 24

Der Bundesrat isch jez mit Stromschpartipps parat

So chöi alli wo wei scho früeh gnueg lehre

wie me sich gäge Problem chönnt wehre

Schtromlücke no. 23

Alli die wo wei spare mit Strom und Energie

wülls wahrschiinlech kei andri Möglechkeit wird gäh

chönnte - we si wei - und es söll serig gäh

das bereits jez e chli i Agriff näh

Was me kennt macht de chli weniger weh

sött das denn würklech gscheh

Schtromlücke no. 22

Am Abe nach em Ässe und nach em Träning

(uf em Houmträner)

Hurtig hurtig u ganz gschwing

ab id Thermo Liibli und Unterhose

U de no chli SRF eis zwöi drü us em Batterie Radio lose

Schtromlücke no. 21

I ha ämu scho mau s’Camping Gas Chocherli vum Eschtrich gholt

faus i de wett i dunkler Nacht

es warms Fondue ufsetze für mi u d’Nachbare

Sie chöi nächhär wieder hei - mit em Gschtank blib i allei

Schtromlücke no. 20

Viellicht chöi die Solarlämpli vu Balkon und vum Garte

dir chli es Liechtli id Schtube bringe

Die gönge schints ou im Winter

Schtromlücke no. 19

Tue gschider jez scho mau überprüefe, was die vu dim Fitness Club de aues so wei mache,

wenn outomatische Türe oder s’Zuegangssyschtem prötzlech nümme wei.

Du wosch ja de ou wieder e mau hei.

Schtromlücke no. 18

Mir wüsses ja aui no nid so gnau

Aber eis chöi mir anäh - dieses mau

Es chunnt auö scho öppis uf ü zue

Dehei viellicht meh als gwünscht ziemli Rueh

Drum tue doch mau bim Nachbar pöpperle

s’Lütti wird drum auä nümme ga

Chli zäme si u es Teeli oder Wiili ha

Chli jammere und enand verschtah

Schtromlücke no. 17

Sötti das mit däne Heiz-, Gas- u Stromproblem würklech e ärnschti Sach wärde … i gloube ga mi chli la schlau mache, was das mit däm Winterschlaf so uf sich het. Cha nüüt schade.

Schtromlücke no. 16

Zwöi drü Frage:

Bruuche mir de im Winter am Abe würklech alli Strassebelüchtige ?

Bruuche mir de im Winter am Abe würklech alli die Schoufänschter Belüchtige

Auä schon nid ? oder ?

Schtromlücke no. 15

I ha jez aagfange chaut z‘düschele. Ohni Kohl. Cha nech säge, das isch kuuhl imjedem Sinn u macht Sinn. Abhärte für e chalte Winter.

Schtromlücke no. 14

Wenn jez gwüssni Digitalisierigs-Euforiker plötzlech müesse feschtstelle, dass e chli BARGÄLD sicher wird vu grossem Nutze si, wenn de s’einte oder andere Zahligs-Chäschtli eifach nümme wott !

Ou mit Twint chönnts de plötzlech heisse: Twint oder dis Handy oder

der Handymaschte spinnt.

Schtromlücke no. 13

Was chasch u wosch no alles im Tiefchüehler lagere wo mau tief chüehlt u mau eifach so vor sich häre steit ? Oder wär Iigmachts bau ume gschider ?

Schtromlücke no. 12

Du muesch de scho guet überlegge, ob die elektrische Fänschterschtore dunde oder dobe wosch ha - ohni Kurble

Schtromlücke no. 11

Isch wäge Schtrommangu usfaue

Schtromlücke no. 10

S’wärde villicht nümm alli zur gliiche Zyt meh chönne warm dusche.

Drum üebsch am beschte scho jez:

1. mit weniger loufendem Wasser

2. Weniger warm tuets ou

https://news-medien.blogspot.com/2022/10/blackout-ein-paar-fragen-im-zusammenhang.html

Schtromlücke no. 9

Du chasch ohni Strom am Abe spät oder ir teufe Nacht ou Radio lose, wenn du e Batterie betribene chline hesch

u falls der Sänder de no Strom het

Kei Angscht, är wird ha !

Schtromlücke no. 8

Was chönnt me amne Abe ohni Strom und mit nur Cherzeliecht mache:

- schmüsele

- enand massiere

- enand Gschichte verzelle

- enand vu früecher verzelle

- Gschichte erfinde

Schtromlücke no. 7

Was chönnt me amne Abe ohni Strom und mit nur Cherzeliecht mache:

- Es Buech läse bi Cherzeschiin

- Spieli mache

- akustischi Inschtrumänt spiele

- Workout, Fitnessüebige

- früeh ga schlafe

Schtromlücke no. 6

Energie spare das isch agseit.

Energie dehei, Energie unterwägs, Energie im Business-

U aui die wo nume eis chöi nämlech mekkere und Schuld zuewise, die sötte vor auem mit däre „Energie“ chli sparsam si.

Schtromlücke no. 5

Da tüe Politiker vu linggs bis rächts das wo sie am beschte chöi: sich gägesitig d‘Schuld zueschiebe

Aber MIR alli andre tüe üs überlege, wie und wo mir sälber chli chöi spare. Geit doch!

Schtromlücke no. 4

Wüsse mir no, wär wenn Vortritt het

Wenn a der Ample ar Chrüzig der Strom wäg isch

Schtromlücke no. 3

Wo bisch de lieber we der Strom wäg geit ?

Vor em Lade u chasch nid ine ga coufe u zahle

Oder im Lade u chasch choufe, nümme zahle (oder nume no bar) aber nümme use

Schtromlücke no. 2

We der Strom wäg isch

Bisch froh we de no guet z‘Fuess im Schtägehuus u nid im Lift stecke blibe bisch

Schtromlücke no. 1

Was nützt‘s dir dis Handy mit Solarstrom z‘lade

Wed Antenne i der Stadt nid göh

ALLI Rüedu - Tweets und Monets-Gedanke

Dr. Rüedu dänkt - schribt - teilt - kommentiert

Uf Twitter - nur für Di

www.twitter.com/@RVuBaern