Aktualisiert: 30. August 2022
Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte - Schnitzelbänk zur Unzyt - Sinnigs und Unsinnigs eifach vur Läbere wäg
Dr. Rüedu dänkt - schribt - teilt - kommentiert
Uf Twitter - nur für Di
Hesch Musig im Ohr
Hesch Musig im Härz
Hesch Musig i de Bei
De geits dir guet
füehlsch di nid allei
* * * * * * * * *
So richtig schön, so richtig wohl
Ischs mir ohni Droge und Alkohol
S‘Läbe wird so richtig klar
Kei Schleier, kei Flucht … eifach wahr
D‘Musig erfüllt
Jede Tag vu neu
* * * * * * * * *
Grad näbe mir im Reschtorant
Sitzt e Ma
Viel zerbrächlecher als är wetti si
Wie wenn är nid richtig i sini Form würd passe
* * * * * * * * *
S‘Schwingfescht isch jez verbi
Für vieli ischs eifach schön u Hammer gsi
Anderi si eifach nume froh es isch e so
Dass neui andri Theme ir Zyttig chöi cho
S‘Bier isch jez sicher usegschwitzt oder ou süsch gange
Was blibt isch s‘Bild vum Muni und e chli plange
* * * * * * * * *
I chume usere Generation, wo der Winnetou e grosse Held u nes Vorbild gsi isch u ou eine vu mine grosse Helde.
Das het sich über Generatione ghäbt.
U drum tue ni haut a däre Schteu jez mau gredi use motze u säge. Dä Winnetou, dä lah ni mir nid la näh ! Vu niemerem.
* * * * * * * * *
I ha jez e Pille gfunde wo mi vor de Pille schützt wo vor em Stress schützt. Chli Stress isch scho rächt vürne Räntner. Süsch pennsch no im Schtah.
* * * * * * * * *
Mängisch mues me ou öppis mache wo chli verpönt isch - ämu ig.
I ga gärn i Zoo. Ir Schwyz und ou süsch u anderswo.
* * * * * * * * *
Die Lingge Grüene tüe ja immer wieder lutschtarch säge
die vur SVP sige zwenig kritisch im eigete Lager u das sig dernäbe
Doch was i jez da gseh - oh je oh je
was da im Lager vu de Lingge sälbscht isch gscheh
E Brasserie, ReggaeBänd, Konzärt wo känzlet wärde
überau nüt aus nume Schärbe
... seit eine, wo mit de ganz Rächte de öppe gar nüt am Huet het
* * * * * * * * *
I der Corona Pandemie hei ganz viel Lüt Umarmige sehr vermisst
Jez nach der Pandemie si einige d’Umarmig vu anderne ziemlich gliich
Jez, wo me chönnt.
Nid aui hei mit däre Erfahrigsphase chönne guet abschliesse u si leider immer no im Näbu vu Verschwörige gfange blibe hange.
* * * * * * * * *
Wär pouschtet hie es schöns Chatze Bildli ?
I meine das de seriös - im Fau
Macht mir aube scho no chli Freud
Merci, da isch uf Twitter einiges a Bildli zäme cho
* * * * * * * * *
I sitze grad im Zug
Keine wo z’lut telefoniert
Keine wo e schtinkende Döner isst
Nid z’heiss - nid z’chalt
Ha würklech gar nüt z’meckere u stänkere
Ghört me sälte - gäll - aber jez ghörsch es halt
* * * * * * * * *
Het chürzlech öpper - wo nid mit allem wo ni so tue schribe iiverstande isch - gfragt:
Hesch z’viel Zyt zum schriberle ?
I ha gmeint - hesch z’viel Zyt zum läserle !
* * * * * * * * *
Massetierhaltig
Hei (gwüssni) Buure verlehrt „was und wär Chunde si“ ?
D’Wahrheit vu allem isch oft ir Mitti - irgendwo
Aber bi teune Extreme (uf beidne Site) isch das viel z'oft
nid e so
Alli wo no a d'Demokratie tüe gloube
gö ga abschtimme und akzeptiere der Entscheid
u alli andere müesse ou
* * * * * * * * *
Sit der Berset jez - persönlech - gäg das 5G i sim Wohnort isch
meine s’paar Impfgägner, Schwurbler u Esoteriker im Chor
dä Maa heig halt doch verborgnigi gueti Züg
u das de nid nume ir Luft und im Flugzüg
* * * * * * * * *
Chumm - mir mache useme ganz gwöhnleche Tag
Eifach mau e verruckte Tag
Chumm - mir mache useme ganz gwöhnleche Tag
Eifach mau e ganz spezielle Tag
Für Di und mi und aui andre ou
* * * * * * * * *
Mis Sofa gliicht amne schlafende Tier
Wenn‘s dunkel isch und nur der Schiin vum Huus näbe dra
Mir der Wäg zeigt zur Chüelschranktür
Und i es nächtlechs Schnouserli tue sueche
Zum Glück kei Schnaps, zum Glück kei Bier
U trotzdäm schlaf i de witer wie nes Murmeltier
* * * * * * * * *
Wenn jungi Mönsche anderi jungi Mönsche wäge ihrer Frisur oder der Musig wo sie spiele wei afaa erzieh; denn het d’Erziehig - ämu vu de einte - öppis fausches erreicht !
Fröhlechs Unwohlsii allersits
* * * * * * * * *
Nüüt muess sii und aues isch möglech !
Das wünsch i dir für hüt
* * * * * * * * *
Me darf doch wou no öppe e Solaralag uf jedem Dach ir Schwiz fordere … u das tifig u subito !
Ämu bi aune Neuboute !
Und ou "Dänk mau schützer" - hopp über d‘Büecher
* * * * * * * * *
Chumm lah üs eifach chli glücklech u chli z‘friede si
Mit oder ohni Dreadlocks, mit oder ohni Kiff oder Wii
Ir Lorraine, in Züri oder Bärn
Uf em Land oder ire grosse Stadt
Aber eis - weisch gwüssni neui Intoleranz - die ha ni langsam eifach satt !
Gäu
* * * * * * * * *
Weles si eigentlech die schönere Wünsch.
Die erfüllte oder die unerfüllte ?
* * * * * * * * *
Ma sich no öpper vu euch a Johannes Mario Simmel erinnere, oder viellicht meh a sini Büecher. Ou das isch dazumal e riese Spalterei gsi. Die einte heis gärn gläse u die andere heis verurteilt ohni je eis vu däne Büecher gläse z’ha.
Es isch hüt mängisch ou chli so wie dazumal.
* * * * * * * * *
I liebe mis Land
Chume immer gärn wieder hei
Ha gueti Gfüehl ir Stadt und uf em Land
Aber öppis ma ni eifach nümme gseh
S‘paar Deppe mit Schwizerfähnli, Trychlu und em Sprüchli Liberte
* * * * * * * * *
I ha scho bau nümm gwüsst wie Donner geit !
U Blitze !
Hei Donner no mau … das tuet so guet.
Der Ärde, de Fälder, de Tier, de Mönsche
* * * * * * * * *
Umfrag uf Twitter
* * * * * * * * *
Oh wie si d’Bärge so rot
oh wie si Gletscher bald tot
scho bau, wenn mir nid bau tüe luege u handle
für ne gueti läbeswärti Zuekunft für üsi Chind u Änkel
Oh du mis schöne Schwizerland
i hoffe, mir fahre di nid no meh gäg d’Wand
s’Klima schreit u mängs vergheit
* * * * * * * * *
Es isch immer no sehr heiss
D Trocheheit macht sich no immer meh breit
U gliich - seit üsi Frou Sommaruga
Wüll fasch no niemer - so lang no dä Summer da
Dra dänke tuet dass de ou dä Winter de mal chunnt
Wo früre u spare s’grosse Thema wärde si
Und i meinti, das Thema chunnt - es chunnt scho gli
* * * * * * * * *
Mängisch bi ou i emchli e Jammeri
Denn Jammere tuet eifach guet
Wenn süsch nüt richtig hälfe wot
Mit Jammere geit wieder guet u das ganz flott
* * * * * * * * *
I wünschti mir - i säge das ganz ehrlech
Vu gwüssne Lüt chli meh dänke bim dänke
Isch doch nid z’viel verlangt
Bim dänke ??
* * * * * * * * *
Wenn du a die Guete gloubsch
U das isch guet
De muesch ou die Böse kenne
Um z‘gseh wär die Guete si
* * * * * * * * *
Wenn d'Wälle tanze
wenn der Wind fiin striicht
wenn der Räge di nid stört
und s'schön wird i dir inn
wenn schwarz-wiis plötzlech farbig wird
und d'Farbe strahle und diner Begleiter si ….
* * * * * * * * *
Ha vori grad chli Musig glost
Die isch so schön und öffnet mi
Dass i viel Guets und schöni Gfüehl
Cha teuf i mi ine la
I nenne das Momänte voller Glück
(Die neui CD vum Herbert Pixner Project - Schian!)
* * * * * * * * *
Es isch z‘befürchte
Dass die Lüüt, wo scho während der Pandemie
Nid hei wölle zämeschtah und zämeha
Das ou i däne kommende Zyte wos fählt ar Energie
Leider ou wieder so und nid andersch wei ha
Offebar fählts e chli a Empathie und Solidarität
I meinti … es wäri no nid z‘schpät ?
* * * * * * * * *
D Sunne schiint
Es Windli weiht
Irgendwo wit hinde e Güggel wo chräit
Uf der Wiese Chüe wo uf em Trochene stöh
U warte bis der Buur ihne z‘Fuetter us em Silo bringt
U irgend eini meint liislig: die Wält die spinnt
Was wäre mir ächt wenn der Mönsch nid so verdammi mönschlech gsi wär ?
* * * * * * * * *
E neue Morge - e neue Tag
I hoffe sehr, dass är die mag
Viel schöni Schtunde, gueti Gedanke
e mal es Lächle oder e liebe Blick
als Begleiter
* * * * * * * * *
Wes eim fasch e chli überforderet mit aune Mönsche, ou de schtrub andersch dänkende, guet uszcho, de isch Zyt riif für ne Trennig. Cha sehr erliechternd si.
* * * * * * * * *
S‘schöne a Mönsche wo über d‘Lügepress härzieh isch
Dass die äbe gliich dert drinne läse tüe
Süsch chönnte sie ja nid u hätte Müeh
Meckere u alles besser welle wüsse
U wär weiss, viellicht chläbt de gliich der eint oder ander Bitz
S‘schöne isch - sie läse
* * * * * * * * *
Ha vori im Lade s’letschte Cherzli kouft
s’isch jez uf em Eschtrich, wos vor Hitz verlouft
* * * * * * * * *
D‘Solidarität - so schiints - chunnt immer z‘spät
Sigs ir Pandemie, im Klimaschutz, Gottfriedtutz
oder ir Energiekrise wo söll cho
Ha langsam gnue vu däne Egomane, ha würklech gnue !
* * * * * * * * *
Blick Lässrinne u Läser wärde morn alli Läde stürme und Cherze und Holz hamschtere … hoffentlech het mini Pangsionskasse Cherzli Aktie
* * * * * * * * *
S‘isch cli chüehler worde für üs alli
Drum d‘Wandersocke ad DFüess
Und ab ga gniesse
* * * * * * * * *
Isch der Begriff Guetmönsch es Schimpfwort oder es Lob ?
Gits Guetmönsche nume wües ou Schlächtmönsche git ?
Möge Guetmönsche Schlächtmönsche ?
Möge Schlächtmönsche Guetmönsche ?
Guet gits Mönsche.
* * * * * * * * *
Es sött jez de ändlech mau öpper entscheide.
Aui luege der ander a u kene weiss wär dä öpper isch.
Bis eine seit: Es isch öppe de zyt für de fürabe.
* * * * * * * * *
Wär plouderet da gäng vu wäge Spaltig überall ?
Die vur Stadt wüsses, die vum Land o, sowieso
S‘söll bitte bitte bitteschön cho schiffe
(Näbe mir tuet grad eine uf em Perron kiffe)
* * * * * * * * *
Es ISCH heiss !
Das darf de wou no gseit si
ohni grad als linggs grüene Meckerer verurteilt z’wärde
Süsch gang mau zu de Buure u frag die !
* * * * * * * * *
Has ume mau probiert.
Ha däm Selfscanning Outomat im Lade mau chli us mim Läbe verzellt.
Isch scho no grad chli eisitig gsi - üsi Beziehig.
Aber i gibe no nid uf.
* * * * * * * * *
S Grosi Pelosi ghört auä nümme e so guet
Was sie da bietet isch Irrsinn u nid öppe Muet
Sie het e Drache wölle chuzele, reize oder so
We das nume guet chunnt, hoffe mir alli u si de froh
We sie wieder deheime u chli besonnener worde isch !! Fertig
* * * * * * * * *
S’isch so zwüsche sächs u siebe am Morge
S’Kaffee duftet irgendwie chli vor si häre
I scrolle chli jez grad dür d’Onlein Press u sueche
E gueti Nachricht zum Tag, für dass är guet afaht und
ohne dass i ume nume mues vor mi häre flueche
I sueche no u sueche no- mälde mi de wieder
* * * * * * * * *
I weiss, dass alles so wies isch gsi
Nümm zrügg chunnt - es isch verbi
S einzige wo mir jez no blibt - so wott is ha
Bilder vu schöner Zyt wo mir hei zäme gha
* * * * * * * * *
Du luegsch mi a - i luege zrügg
Zwöi schüchi Blicke wo sich berüehre
Wo wird üs das ächt häre füehre
* * * * * * * * *
Reise isch mängisch schön u mängisch guet
Doch imne gwüssne Alter ischs doch fürs einte oder andere Grosi
Viel besser dehei … das isch doch so, gäuet Frau Pelosi
* * * * * * * * *
Us em Radio sümslet wieder mal so Volksverträglechi Musig
Vielne schiint das z‘gfalle aber mi tüechts gruusig
Drum dreit jez e gueti Schibe i mim CD Player
Ou wenn sie scho mängisch für mi dreit het
U plötzlech chunnt guete Luun i Ruum
* * * * * * * * *
Der erscht Ouguscht isch jez verbi
Diesmal ischs in Bärn viiiel schtiller u schöner gsi
I hoffe fescht das mir das nächschts Jahr de ou wieder chöi
Ou ohni Hitzewälle, Wassermangel u trochnigs Heu
* * * * * * * * *
Längwilig isch dass es längwilig isch
* * * * * * * * *
I bhoupte jez mau
S‘git fasch nüt eifachers aus eifach häre z’stah u bhoupte
S‘git nume öppis wo no eifacher isch
Z‘merke dass nid jede Bhoupti eine isch
Wo‘s gross mit der Wahrheit het
Da druuf, liebi Lüt, jedi Wett
* * * * * * * * *
S‘git jet Lüt, die choufe Elektroöfeli wäg
de befürchtete Energieproblem
Wie söue die funktioniere wes Stromängpäss söu gäh ?
S‘git jez Lüt, die meine, ihri Ölheizig tües sie de
bi Stromproblem rettä … wie geit e Ölheizig (Brönner) ohni Strom ?
Spare wird wohl für alli agseit si
