Wüsse die, dass mir‘s wüsse, dass sie‘s wüsse -- und anderi bärndütschi Tegschte für di zäme bigelet

meh Bärn-Fotos

D'Natur isch froh isch ändlech e chli Räge cho D'Ärde wird gäng trochener D'Ärde wird gäng chli wärmer S'geit zwar alles ziemlich langsam aber trotzdäm viel viel z'schnäll

Es stört mi scho chli dass du störsch weisch ganz genau dass du grad nid hie häre ghörsch

Die einte si arm, die andre rich doch i eim da si mir alli glich mir sehne üs e chli nach Liebi nach öpprem wo eim eifach gärn het mir sueche alli e chli Wärmi und e Hand wo üs ganz fescht hebt denn wenn mes brucht, wenn's nötig isch und i dänke dass du das bisch

Hass - wohär chunsch du ? Hass - wohäre geisch ? Hass - vu was ernährsch du di ? Hass - merksch nid, ohni di viel mehr Spass ?

Da gits all die Gfahre für üs Mönsche. Dr Klimawandel wandlet z'schnäll, di Chriegi überall + die mächtige Männer wo da derzue viel z'mächtig si. Die KI wo üsi Arbeitsplätz tuet bedrohe, wo üs ch überwache überall. Doch z'schlimmschte isch, dass es viel z'viel Mönsche git wo's gar nid interessiert

Wüsse die, dass mir‘s wüsse, dass sie‘s wüsse ?

  
i ha Freud

i ha eifach nur Freud

i ha Freud ar Freud

Läck het das guet ta Fitness, Sauna trallala I gspühre wieder überau all die Müskeli - nid normau I gloub i gange morn grad no nes mau

u gäng wie gäng ...

Wär sich nur mit Gliichgsinnte umgit Mönsche wie Meinige Verpasst die anderi Häufti vum Läbe

Tue mir doch uf Bluesky folge - i freue mi

https://bsky.app/profile/drruedubaern.bsky.social

 

I ma dis Lächle - i ma dis Strahle u anderi Gedanke in Gedichtform

 

I ma dis Lächle

I ma dis Strahle

I ma dini Fründlechkeit

I ma dis Lüchte

Du - liebe neue Tag

wo mi empfaht jez grad

Du bisch so wärtfrei

Du bisch so offe

Aber i weiss, dass scho ganz gli

bim erschte Läse vu all däne News - de isch das de leider furt u verbi

* * * * * * * *

z viel Bier z viel Wii z viel Kafi mit oder ohni Schnaps --- meh Tee meh viel meh meh Wasser mit oder ohni Blöterli --- meh Freud schmärzfrei und ohne Droge vum Morge früeh bis früeh am Abe

* * * * * * * *

S'hei einigi vur SVP gmeint der Trump sig guet für d'Schweiz Wurum gits geng no Lüt wo meine d'SVP sig guet für d'Schwiz ?

* * * * * * * *

i lose wieder mau Nachrichte u dänke u dänke u dänke doch sie lose niid uf mi

* * * * * * * *

Mir stöh i der Schlange mir stöh u stöh u stöh u plange wüsse zwar nid genau uf was wüll die einte so u die andre andersch Houptsach mir stöh und plange

* * * * * * * *

Dürestarte statt warte eifach nümm so ume plämperle i weiss du packsch es i weiss du bringsch es i weiss dass ou du weisch dass i weiss

* * * * * * * *

Chumm mir lösle zu dir oder zu mir oder löh mir's viellicht gschider no la si --- Chum mir luege wo's üs häre tribt Du hesch schmunzelnd gmeint es isch nie z'spät --- Viellicht isch es jez so wit Du und i

* * * * * * * *

Wär realisiert u akzeptiert, dass är nid alli Mönsche cha gärn ha Merkt de ou, dass es sicher besser isch, wenn eim nid alli Lüt gär hei Macht irgendwie frei

* * * * * * * *

Wär hützutags vor em Bundeshuus demonstrativ Hellebarde treit Heit vu vielem kei Ahnig und merkt nid, wohär der Wind i däne Tage weiht

* * * * * * * *

I sött ändlech mau lehre, mir bi mine Sälbschtgesprächbchli besser zue z‘lose.

* * * * * * * *

I sitze wieder mau im Zug u fahre Zug um Zug nach Zug, Olte oder so Houptsach z‘fride u froh was ja i däne strube Tage nid sälbschtverständlich isch liit eim ja dieses oder eis übel uf em Mage

* * * * * * * *

Die ewig Geschtrige verharre ire Zyt wo nieme so wird si wie si isch gsi wo sie no schön u guet isch gsi

* * * * * * * *

So cha das nümme witerga. Wär söll das verstah? Jez isch de gnue Heu dunde. I has ja scho immer gseit. Es söll ändlech öpper öppis mache. --- I mache jez e Pouse.

* * * * * * * *

D'Abstimmig die isch jez verbi Das isch wieder mau schöne e Zanggerei gsi Die einte hei wöue der SRF ihri Flüge stutze Die andere si klar degäge gsi D'SVP het ou hie eine uf e Decku übercho doch leider hei sie ou diesmal no nid gnue dervo Si die eifach so fruschtriert u ohni Zfrideheit ?

* * * * * * * *

Bi grad irgendwo im Irgendwo bi nid e mau so unwohl so I schwäbe ab mit mim Dänke Gedanke wo nid so guet cha länke Sie spiele grad wie wild mit mir irgendwo zwüsche dir und mir

Tue mir doch uf Bluesky folge - i freue mi

https://bsky.app/profile/drruedubaern.bsky.social

Februar 2026

D'Fasnacht isch verbi sie isch ou das Jahr eifach schön gsi s'het trummlet, es het pfiffe Dank Schnitzelbank hei mir begriffe Wo's chlemmt u brönnt u happeret uf däre Wält wo mängisch nume no so klapperet Jez tüe mit wieder es Jährli warte bis sie s'nächscht Jahr de wider startet

I ma

I ma mi no genau bsinne

wo shoppe lädele gsi isch

Het ou gfägt

Häb e gueti Zyt uf däre Wält. Gniess das wo dir Freud macht u tue niemerem weh. Schänk Freud u Liebi. Schänk Glück u Lache. Irgend einisch chunnts wieder zrügg zu dir uf irgend e gueti Art.

I ha Lüt gärn wo Lüt gärn hei. I ha Lüt gärn wo anderi Lüt ou gärn hei. U nid nume sich. Ou wenn das ou wichtig u richtig isch. I ha mi ou gärn.

I gloube nid gärn a Sache nume wüe sie eim wei Angscht mache dass we me nid dra gloubt e andere Wäg söu vor eim ligge. I gloube nid gärn a ne Gloube wo uf Angscht basiert. I gloube nid gärn a ne Gloube nume wüew i i däm Teil vor Wält gebore worde bi. Das isch Zuefall u der Wunsch vu mine Eltere.

Mir Schwizer heis luschtig Mir Schwizer heis schön Chöi vier mal ad Urne u jede Sunntig id Chile Doch bi beidem gilt leider das wüsse mir all s'het gäng weniger wo wei si blibe lieber dehei im Internet oder süsch irgendwo

Sie jamme lut, sie jammere viel doch lieber jammere als plötzlech ganz still So wüsse mir alli wies usgseht bim Volch so wüsse die obe wenn sie stosse dr Dolch Jammere cha guet tue ar Seel Jammere cha hälfe i der Not Wichtig isch immer dass da öpper isch wo zuelost und häre luegt

Mir sötte meh Liebi mache Mir sötte meh Liebi schänke Mir sötte üs meh häbe u strichle Mir sötte üs meh zuelose oder Gschichte verzelle Mir sötte üs meh gärn ha Alli andere aber ou sich sälber Ja das sötte mir

Mir läbe ire Zyt da si die schlimmschte Tröim ir Nacht ganz harmlos gägeüber all däm was der Tag üs bringt

Es liit mängs schief und im Arge uf däre Wält, grad jez - da muesch nümm lang warte Pass eifach uf dass du nid uf jede Schissdräck inegheisch KI und Fake News nage a üsem Verstand u chöme derhär i Tüüfels Gwand Pass eifach uf - nimm e teufe Schnuf Blib gsund im Körper und im Chopf S'chunnt scho guet

Alt Kontrol Del i probiere‘s no mau u hoffe dass dä boot das tuet wo für d‘Wält, für di, für mi guet u nützlech wär i ha drum s‘Gfüehl dass süsch d‘Bire bald erlöscht mit dir u mit mir ou we mit zwöi das so nid wei

so chas eifach nümme witer ga

Es schneielet es beielet d‘Wält wird wieder still i gniesse das die grossi Rueh ha vu däne schlächte Nius so d‘Nase voll I luege zwar nid eifach wäg I bruche eifach e chli Stille und ou e chli Friede derzue ab und zue

S‘isch ume e Tag ume E länge Tag der ganz lieb läng Tag Rächt wenig Zyt für ne Pouse zum verschnuufe S‘einte Bigeli isch chliner worde U s‘andere chunnt e morn Morge dra Dervor ne e guete schöne Troum Är darf jez cho - i bi parat

s‘isch irgenwie so härzig s‘isch irgenwie so süess Sie loufe mit der Zahlpischtole hinder ihrem Charre Brav tippend, scannend, pipsend und guet erzoge düre Lade Sie si so stolz sie hei so Freud dass sie jetzt a der Selfscan Kasse Chöi istah, warte u de sälber tippe ganz sälber und ohni Fähler

vor Glück tüe sie jetzt ou so lächle wie die us der türre TV Reklame dass alli gseh was sie jez sälber chöi dass alli gseh wie ou sie‘s jez sälber chöi Guet erzoge u gan glücklech Ir Migros oder ou im Coop, bim Aldi oder ou bim Lidl

Tue mir doch uf Bluesky folge - i freue mi

https://bsky.app/profile/drruedubaern.bsky.social

 

Bärner Foto Blogs - Bärn Fotografie - Mattenhof Foto Blog

 Stadt Bärn Foto Blog

Stadt Bern Fotografie Blog

https://bern-diesunddas.blogspot.com/

Mattehof Quartier Bärn Fotoblog

Mattenhof Quartier Bern Fotografie Blog

https://mattenhofbern.blogspot.com/

Tue mir doch uf Bluesky folge - i freue mi

https://bsky.app/profile/drruedubaern.bsky.social

Januar 2026

Mi störts nid was d'Lüt über mi säge

we das wo sie säge das isch

wo i würd säge

wenn i eine wär wo so Sache über mi würd säge

********************

chum mir gö

chum mir gö wieder

chum mir gö wieder mau

chum mir gö wieder mau ztanz

weisch

weisch so

weisch so wie

weisch so wie denn

gäu du weisch ?

***********************

s isch nid zum de bi si

wed gsehsch wie viel Lüt dass es nümme stört

we plotzlech viel z viel Lüt de bi si

bi däne verlognige rächte sektirerische Homo Hasser

**********************

Es Schüümli Schnee

im Mittelland

hei mir hie scho lang nüm gseh

Die meischte Lüt hei Freud u würde dervo gärn no meh gseh

Dass der Schneema länger häbt als s'Abloufdarum vu däm Chueche dört

Drum ga ni hopp hopp hopp u gniesse die Süssigkeit

u freue mi dass es e chli schneit

**************************

Mir sotte de Walliser Behörde u Profiteure sehr rasch viel meh u viel

besser uf d'Finger luege. ja das sött me !

***************************

liebi Lüt

i wünsche us

im nachschte Jahr

e Wält mit meh Liebi

Verständnis, Toleranz u Akzeptanz

weniger Hass, Fake, Gier u süsch so Glier

Meh Verantwortig für die Wält und nächschti Generatione

i weiss es, das isch es, das würd sich lohne

auso ? auso !!

*******************************

ir Migros hüt Morge, bir Wälle Bärn

Unflexibel, schnippisch, Chunde unfründlech

ha dänkt: liebi Migros - kes Wunder

**********************************

Ha mi grad gfragt

Wurum dass Mönsche hüt

am Heilige Abe

id Stadt gö

zum sich ufrege

wüll's offebar Lüt git

wo hüt id Stadt gö

sich ga ufrege

wüll's so viel Lüt git

wo no es Gschänkli ga choufe

oder eifach luege

wie sich anderi ufrege

*******************************

dr Avatar isch fürwahr

BOMBastisch fantastisch

Git dir z'Gfüel ire Wält voll Leid

dass die Guete chôi gwinne

ou wenn die Böse eifach nur bös si und immer meh tue spinne

Heili Wält im Chino für drü Stund

u nachhär drü vier Tag kei Tagesschou und News

prima gäg da „daily shit" u gäg der Blues

*****************************

Sie schmeisse Bombe mit Drohne gäg Alti, Froue u Chind

Im Name vu Gott, Allah Mammon und blinder Machtgeilheit

Chuum redt me dervo, mache mir i üser heile Wält Ouge u Ohre zue

gschwind

Öppis dergäge tue sölle die doch alli andere - mir hei anders z'tüe - si

nid bereit

ou nid zur Wiehnachtszyt

**************************

Tue mir doch uf Bluesky folge - i freue mi

https://bsky.app/profile/drruedubaern.bsky.social