S‘git Mönsch – aber zum Glück nid allzu vieli – wo ir aktuelle Corona Krise total überforderet si, eigentlech so wie mir aui, aber äbe zuesätzlech no ire ganz schpezielle Art und Wiis.
Das si äbe die Lüt, wo sich nümm mit üsere freie und hervorragende Press und Meinigsvielfalt tüe usenandersetze, sondern sich vieu lieber die unzählige schräge und abschtruse Videos vu däne vielne Corona–Lügner, Corona-Verharmloser u Verschwörigstheoretiker tüe ine zieh.
U wüeu die Videos oft so total dernäbe, agriffig u völlig erschtunke und erloge si, wärde sie ab und zue vu de Server vu däne Firmene wägputzt. Delete seit dem däm uf Neudütsch.
U jez jammere die Fanatiker eine obe abe, dass das e Iigriff id Mönscherächt, Meinigsvielfalt und Meinigsfreiheit sig. Chutzemischt u völlig fausch. Es isch keis Mönscherächt, dass jede u jedi grad was sie wei chöi uf die Dienschte ufelade. Youtube und Facebook si Firmene, wo Dienschtleisxhtige wärbefina ziert u choschtelos tüe zur Verfüegig schtelle. U es si die Firmene, wo nach ihre Grundsätz tüe beschtimme, was druf darf u was nid. U jede u jedi vu üs het irgend wenn mau JA klickt bir Beschtätigung vu de Regle wo gäute. Die meischte heis zwar nid gläse, aber jez motze, das geit de scho ?
Drum hei die Warnige wie „sofort teile, bevor d‘Internet Zensur chunnt“ kei Bode under de Füess u si eifach e chli es unnötigs Gschwafu u Gliir. Das geit ja uf kei Chuehut ufe.
Aber ... wär luegt scho serigi Videos ... im Ärnscht ?
U no öppis. Serigi Videos richte sich geng a die sogenannte Freidänker u Lüt wo sälbschtschtändig u frei sölle chönne dänke. Grad no mau Chutzemischt. Da wärde eim die „freie Gedanke“ oft uf sehr schezielli Art iitrichteret u alles andere vertüüflet. Fasch chli wie Hirneösch, irgendwie. Oder sektirerisch, irgendwie. Ämu schräg einewäg !
U no öppis. Serigi Videos richte sich geng a die sogenannte Freidänker u Lüt wo sälbschtschtändig u frei sölle chönne dänke. Grad no mau Chutzemischt. Da wärde eim die „freie Gedanke“ oft uf sehr schezielli Art iitrichteret u alles andere vertüüflet. Fasch chli wie Hirneösch, irgendwie. Oder sektirerisch, irgendwie. Ämu schräg einewäg !
Alli Corona–Gedanke vum Rüedu
Empfählig:
Usgsuechti Artikel us der Press zum Thema Corona und drum herum
