Corona Gedanke u Tipps vum Rüedu – Teil–7 – Drüedriisg und drü (33+3) ... [1]

S‘gäb schiints Lüt wo‘s deheime chum ushalte. Wüe me ja söu – und das unbedingt – deheime blibe. S‘git Lüt, wo enand nid necher chöme, wie das doch jetzt e grossi Möglechkeit wär, sondern wo sich veritabel afö uf e Wecker und ufs Gäder göh.

Drum hie 33+3 Sache, wo Du deheime chasch mache und eifach o Freud u Schpass chöi mache. Es isch nid guet, nume a das z‘dänke wo grad nid oder nümm möglech u guet isch. Vieu vu de Vorschläg chasch z‘zwöit, mit mehrere Lüt aber/oder ou ganz alleini mache.

Wichtig isch ... es söu Fröid mache ! Oder es söu eifach guet tue und befreie und d’Gedanke e chli ine andri Richtig länke !

— Spieli mache

— Rätsel und Chrüzworträtsel löse

— Sudoku löse

— Zeichnige mache

— Mandala male

— Büecher läse (einigi es zwöits mal oder sogar meh und alli koufte wo no nie aaglängt hesch)

— Büecher läse (neui vum Schwizer Versandhuus oder eBooks)

— Büecher usmischte für de nächscht Gang zur Broki, wes de ume wieder geit

— wieder meh Zytige läse (am beschte Qualitätsjournalismus wie z.B. „Der Bund, NZZ oder Tagi etc. und eher nid Bick und 20min) als Papierusgab oder ePaper im Internet

— alti Briefe läse, wo du früecher mau hesch übercho

— Gueti TV Filme ufnäh u de am Fernseh denn aluege, wenn Di Uyt und Luscht hesch

— alti oder neui DVD aaluege und no einischnso richtig Freud ha

— e gueti Serie ufem Fernseh, bi Netflix oder ab DVD

— Musig lose (CD, Streaming oder Radio (aber das umfe Sänder ohni sinnloses Rede Geplätscher und bla bla bla

— Musig mache

— dis Inschtrumänt besser lehre kenne, usprobiere und immer wieder üebe

— singe ... ou wenn meinsch Du chönnisch nid ! Singe tuet der Seel guet so wie Musig generell !

— Karaoke singe mit Lieder us em Internet oder mit Apps

— schreie, möögge, brüele (tuet guet) 

— lache, lache, lache ... zäme ... alleini ... zäme ... alleini ... am Telefon

— Witze läse u Freud ha ... nid nume vu Hamschter u Füdiputzpapier ... die si langsam nume no blöd und ifauslos repetierend längwilig

— Witze teile, Witze verzelle ... der Wand, em Nachbar, em Mitbewohler, em Huustier

— truurig si ... zuelah dass du truurig bisch ... la fliesse, denn geits furt ... e chli

— Angscht ha ... zäme Angscht ha ... d’Angscht zuelah ... alleini Angscht ha ... rede über‘s Angscht ha oder ufschribe was du füehlsch wenn du Angscht hesch

— Fitness uf em Hometrainer, uf em Trampolin, mit Hantle oder am Teraband

— Fitness alleini mit dim Körper (es git hunderti vu Aleitige u Apps zu Fitness und Dehnigsüebige „zu Hause“ im Internet

— Meditiere

— Yoga, Thai Chi oder Chi Gong etc.

— Autogens Training oder Mental Training Üebige

— Atmigsüebige .... schnuufe, schnuufe, schnuufe ... am beschte zerscht mau richtig uus ... i schnufe tuets de vu säuber
— Konzentrationstraining (chasch im Internet google)
— Gedächtnistraining (Internet oder Apps)
— Jasse üebe und schpiele (mit Fründe, Familie oder mit App)

We Du nüt gfunde hesch wo di aaschpricht ... viellicht nume ganz wenig  ... de bisch auä e Längwiler ... oder öppe nid ?

Was unbedingt NID SÖTTSCH MACHE:

— Verharmlosigs Videos aaluege (s‘meischte isch eifach nume Brunz u Bschiiss u tuet nüt anders als verunsichere, ou wenn dir vorgloge wird, es tües di beruhige)

— Verschwörigs–Theorie–Gschichtli läse u gloube (die si scho immer chli verloge gsi und nüt anders als unnütz)

— d‘News vu der Sensationspress (Blick, 20min etc.) läse

Scho bau findsch e Fortsezig und wieder ume 33+3 Tipps  vum Rüedu

Häbets guet ! ... heit nech gärn ! ... blibet gsund !



Meh Tipps: https://huet-ha-ni.blogspot.com/2020/04/corona-gedanke-u-tipps-vum-ruedu-teil8.html

Alli Corona–Gedanke vum Rüedu

https://huet-ha-ni.blogspot.com/search/label/Corona%20Gedanke

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Corona Gedanke vum Rüedu – Teil–6 –Vu Kondänsschtreife und Majotube

Hesch di scho mau gachtet ... es het würklech (fasch) keini Kondänsstreife geh am blaue Himu. So wies hütt zu tags ou fang schwierig isch, Kondänsmieuch i de Läde z‘übercho. Und wurum das ? Nid öppe wüe wägem Virus fasch keiner Mönsche me flüge und nid öppe wüe ganz vieu Länder ihri Gränze gschlosse hei. Nei ... wüeu jez die Mächtige vu däre Wäut ihri ganze Gift uf die wehrlose Milliarde vu Mönsche via Flugzüg (Schtichwort Chemtrails (*)) fertig abeglah hei. S‘Wärch isch vollbracht u es paar tuusig Idiote uf däre Wäut gloube dä Seich.

Aber i de soziale Medie tummle und fummle nid nume Mönsche a däm Hirngeschpinscht ume. Da wird ou (und tragischerwiis) ärnschthaft behouptet, dass d‘Elite vu däre Wäut (auso wahrschiinlech aui Regierigschefs, aui Parteibosse u aui Wirtschaftshäuptlinge) zäme u im auergheimschte e Pakt gschlosse hei, wie me i Zuekunft d‘Mönschheit cha kontrolliere, manipuliere, chneble und so irgendwie als gfüegigi Sklave oder Huustier halte.

Und es paar ganz gschidi luege de Videos im Youtube und tüe di mit unheimlichem Fliss verteile. Eile mit Langweile. 

Hey Lüt, heit dir no nie dra dänkt, dass eues Misstroue gägeüber Schtaat, der Press, de Experte, de Ärzt, de Virologe eifach nume chli überhäblech ohni Aaspruch uf Überhäblechkeit isch. Oder isch es öppe eifach Angscht, ohni zue z‘gäh dass du eifach e riesegrossi Angscht hesch.

Grad vori bhouptet so ne Gschide, er heigi ghöhrt, dass zwüsche em 1. April und 15. April s‘Internet abgschtellt wärdi u scho jez aues zensuriert wärdi und Posts vu de Weise sofort glöscht wärdi. Klar ... das würd i ou, wenn i der Scheff vum Internet wär.

Da cha ni nume eis säge. Grad geschter – wo ni im Garte gsässe bi – si es paar Sänf– und Majo–Tube über mi gfloge. Das isch wahr ... ohni Kohl. U eini vu däne het grad uf de Gartetisch gschisse. U dert drin isch es chlises Zetteli gsi und uf däm isch gschtande, dass aui Mäudige vu flügende Sänftube nume Mischt u Verschwörig sige. Has is Facebook ta ... isch immer no da ... der Herr Facebook het mir sogar hösxhtpersönlexh gschribe i chönn no jede Mischt schribe ...  bis zum erschte April, und denn luege mir wär denn no was gloube will.

(*) https://de.m.wikipedia.org/wiki/Chemtrail

Alli Corona–Gedanke vum Rüedu

https://huet-ha-ni.blogspot.com/search/label/Corona%20Gedanke

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Corona Gedanke vum Rüedu – Teil–5 – Jung gäge alt

Jung gäge alt !? Kei Angscht ... i mache hie nid uf Hetzi oder Sensations–Schissi. Im gliiche ... oder ämu fasch im gliiche ... Atemzug säg i ou Alt gäge Jung !?

Im Momänt wo Solidarität gfragt wär gits leider scho e Buschele vu Lüt, wo im andere s‘Übel gseh. Uf die einti wie uf die andri Site. Und nume dört u niene andersch. Da wird scho fasch piinlech u chli hilf– und konzeptlos .... aber eigentlech nur härzlos ! ... Mitteilige uf Facebook und Co. gmacht, wo (nur zum Biischieu) detailliert beschribe wird, wie so ne aute Sack umegwagelet isch uf der Schtrass, e Velofahrer het müesse uswiiche und dadermit es Outo e Voubrämsi het müesse mache. U viellicht isch die Gschicht no witer gange aber z‘längwilig und z’komisch schräg, um a däre Schtell s‘Arächt z‘übercho, no witers zitiert wärde z‘dörfe. Denn ... au das hätt ou ohni Virus chönne passiere und het nüüüt aber ou gar nüüt mit der gägewärtige Situation z‘tüe, ussert dass es paar eifach a priori die Alte tüe vertüüfle. Dä Datteri het villicht nume wöe iichoufe, wües a sim Ort no kei Alternative git. Und hätte mir dä Virus nid, so hätti niemer, aber ou gar niemer so ne komischi Story gschribe u ghoffet, das vieu Lüt das tüe leike.

Das isch erschreckend ... erschreckend gfüehlslos. Sorry Lüt, wär het die ganze Chöle es Läbe lang erfachaffet, wo jez der Bundesrat dank gueter Finanzpolitik cha verteile ... für die Jüngere unter üüs. Weisch ! Wär ? Die aute Seck.

Und villicht tue ni mi wiederhole. Aber es hei jetzt grad aui Lüt doch eifach nume e huere Schiss i de Hose. Aui ! Die einte finde d‘Lösig eifach da drinn, dass sie sich es Findbild sueche u nume das tüe gseh, wo däm Findbild entspricht und aues andere tüe usblände.

Schön wärs, wenn mir aui üs mau tüe Gedanke mache, was s‘Wort MIR für ne schöni neui Bedütig chönnt übercho. MIR wei ZÄME e Lösig finde. I wünsche mir das. Und Du ?

PS: me seit ja, dass i de Zoos teune Tier scho fasch chli längwilig wärdi ohni Mönsche. U de Mösche, vor auem de ganz Junge ou, wüe si nümme i Zoo chöi gah. De gäbs ja als Alternative folgendes: die Alte tuet me iischperre und immer zwüsche 12.00 und 16.00 dörfe si ufe Balkon oder zum offene Fänschter schta u chli winke. Als Zooersatz für die ganz Chliine.

Und de giz no die ganz fiese Sürmle und Lumpe. Die wo älteri Lüt und Polizisxhte äxtra aspeue. Ja die, die sött me eifach eifach uf e Mond ufe schpicke ... nei ... dä isch no vieu zweni wit wäg !

U die wo jez ufbegehre u säge, I sig eisitig ... wartet nume ... scho sehr glii chunnt eine wo heisst „Alt gäge jung“

Isch Dir ou scho ufgfalle, dass i de letschte Tag

immer am Morgem am Mittag und am Abe d‘Chileglogge

tüe lüütte. Los mau häre. Das si eigentlech schöne Kläng, wo üs wei guet tue.

Alli Corona–Gedanke vum Rüedu

https://huet-ha-ni.blogspot.com/search/label/Corona%20Gedanke

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Corona Gedanke vum Rüedu – Teil–4 — Vu Hamschter wo der Schiisser hei

Es isch ruehiger worde. Nid nume uf der Gass vu fasch jedere Schtadt oder jedem Dorf ir Schwiz und i fasch allne Nachbarländer ou. Es isch sit zwöi drü Tag e Schtilli da, e sältsami Schtilli. E Rueh isch a d‘Schtell vur Hektik, Gschäftigkeit, Närvosität und viellicht ou Anscht u Panik cho.

U es isch ruehiger worde zum Thema Hamschterchöif und WC–Papier. D‘Witze göh de ganz Humorvolle und Repetierer langsam uus. Die würklech witzige und ou die nume plumpe, fasch gar chli blöde. S‘Uslache vu däne Lüt, wo mau chli meh kouft hei aus süsch ume het gruehiget.

U s‘chönnt ja ou si, dass aui die vur Sorte Überhäblech (läck bi ni vieu besser aus au die Trottle wo me i de Läde gseht) nume darum hei chönne Föteli vu offebar lääre Regal umeschicke, wüeu si ka säuber i däne Lade hätte wöue ga lädele u poschte.

Weisch, i gloube, dass die Dütsche (zum Biischpieu aber ou fasch aui angere um üs ume) eifach so ehrlich si, dass sie i Audi, BMW, Merz der VW hocke, i nächscht Aldi oder Lidl fahre u das iichoufe, wo sie meine, sig grad nötig für ne Wuche oder zwöi z‘überläbe oder 4 Wuche lang jede Tag s‘paar mau z‘Füdle z‘putze.

D‘Schwizer hingäge gö ou i ihres Öuetli, fahre aber mindeschtens vier bis füf Dörfer witer wäg u schliiche de dert möglechscht unuffällig i ne Lade. Für dass sie de, oh Schreck, merke, dass ziemlech vieu Mönsche us ihrem Quartier vermuetlech die gliichi Idee gha hei. U so heissts de haut, grüessech Frau Muschter oder tschou Sepp oder Kari. „Sooo ... ou da ? Wiesch mir hei grad e chliine Usflug gmacht u de dänkt, mir chönnte ja no öppis chlises ga iichoufe.“ ... bi platsch vouem Iichoufswägeli. 

U so chas öppe vorcho, dass die, wo sich so schuderhaft luschtig mache über e Teil vu ihrne Mitmönsche säuber de grad gar nid amne andre Ort schtöh, wes drum geit, s‘Überläbe vur Familie i de nächschte Täg u Wuche imne schtrube Umfäud z‘sichere.

U jede vu däne Ertappte zeut de uf Verschtändnis u Solidarität vum Vis–a–vis, dass de öppe nid plötzlech es verfänglechs Föteli im Facebook und Co. drinne schteit. Me het ja schlussändlech teils die gliiche „Fründe“. Aber lue mau a, da isch ja scho wieder eine us em Quartier. Zuefäu gits, ou i däne herte Zyte.

U weisch, im Quartier wo Du wohnsch, chasch jez ziemlich vieu Lüt us de Quartier u Dörfer näbe dra lehre kenne. Ou no ganz interessant.

Ou we Du jez vermehrt deheime sxhtatt ir Schtadt 

oder de Läde bisch ...

... wär seit de da, dass es dehei söu längwilig si ?

U jez isch är ändlech iitroffe

der Iichoufswage für de ehrlech Hamschter ... Hamschterer !

I säge aber nid wo ...

———————————————

Alli Corona–Gedanke vum Rüedu

https://huet-ha-ni.blogspot.com/search/label/Corona%20Gedanke

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Corona Gedanke vum Rüedu – Teil–3 — Null Komma Eis Prozänt u die andere

Sie spriesse gägewärtig. So wie Spargle zur Sparglezyt, so wie d‘Chnoschpe überau vieu z‘früeh wüe die globali Wärmi uf däre Wäut em Virus trotzt und immer no vieu z‘warm für üsi Zuekunft isch u blibt. Aber lö mir das. Ämu jeztz.

Churz, um ufs eigentleche Thema z‘rügg z‘cho: Sie schpriesse u wei sich verteile, die Video Botschafte vu säutsame Dökterlis, wo sich amasse, meh z‘wüsse über dä Virus als all die tuusige vu bescht schtudierte Expärte, wo wäutwit aune Regierige zur Verfüegig schtöh.

Aber no schtrüber si die, wo serigs tüe teile i de soziale Medie oder per SMS oder so. Serig wo vor Panik warne u derbi säuber uf Panik mache. Unbedingt teile, wichtig, ändlech Wahrheit ... bla bla bla). Serig wo meine, ou si ghöre wie die säutsame Dökterlis zu de Userwäuhte, wo wüsse was Sach isch u wo merke, dass die nünenünzg komma nün Prozänt vu de angere Unwüssende eifach Voutrottle si und „die Hischterie“ vu de Medie, der Tagesschou und Regiernde u Behörde u betroffene Schpitauärzt tüese gloube.

So eifach isch es. Eis oder zwöi Füf–Minute–Videos uf Youtbe lose u voyla scho ghörsch zur Elite u zu de Erhabene u Erlöste wo nümm müesse läse, sich informiere oder mau chli überlege u dänke. Schwupps da weisch es u ghörsch derzue, zu däre Chlinschtgruppe vu Userwählte, hätt bau gseit gschtöhrte.

Haut ... öppis muesch scho.

Nei ... nid ufpasse, Händ wäsche oder gar deheime blibe. Teile muesch das Zügs, so wie das bi angerem sektirerischem Rudelverhaute gang und gäb isch. U no öppis bruuchts: Durchhaltewille! Nei nid öppe zum deheime blibe. Nei ... zum sture Feschthaute a däne Verharmlosigs Schwindel Gsxhixhtli. Me isch ja schliesslech scho chli z‘schtouz ... aber uf was de ? Lose, überlege, dänke, handle, so wie üs das üsi zueverlässige u beschtes handelnde Behörde empfähle.

Verantwortig übernäh und nume seriöse Nachrichte u kei serige Mischt witergäh !

Alli Corona–Gedanke vum Rüedu

https://huet-ha-ni.blogspot.com/search/label/Corona%20Gedanke

https://www.nzz.ch/wissenschaft/coronaviruas-wolfgang-wodarg-verkennt-fakten-zu-covid-19-ld.1547589

https://www.watson.ch/schweiz/digital/885559885-warum-das-video-von-wolfgang-wodarg-zum-coronavirus-bloedsinn-ist

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Corona Gedanke vum Rüedu – Teil–2 – s‘Gliir mit de Zahle

Die veritabli Krise wo dä Corona Virus usglöst het geit vur individuelle Angscht, wo jede und jedi het (!) bis zur Krise im Chopf. Es isch doch eifach nume schwierig, immer vu neuem der Versuech z‘undernäh, das alles, was eim mängisch so bedrohlech vor chunnt und es paar Schtund schpeter wie surreal erschiint, irgendwie z‘begriife. Mir erlide alli im Momänt e chli d‘Ohnmacht vum Kontrollverluscht. U das isch schwierig u das tuet weh. U das cha schtill mache, das cha närvös mache und das cha no viel andri Sache mache. Zum Biischpieu ou, dass plötzlech die Junge gäg die Aute und die Aute gäg die Junge usgschpieut wärde. Wär verhautet sich dernäbe u wär nid. Wär darf go iichoufe u wär nid. Wär darf der Gring no zum Fänsxhter uusha und wär nid. Wär isch Ego und wär nid. Wär hets Rächt uf z,Läbe und wär nid. Wär sou no im Schpitau behandlet wärde umwär darf verrecke. Schtatt zäme ha (und solidarisch si) isch mängisch meh es usenander gah.

U so gits de ou immer wieder Mönsche, wo ir Verzwiflig vum Verschtah afö öppis vergliche. D‘Anzahl Toti vu früechere Ereignis (Pescht, Cholera, Schpanischi Grippe, Masere und normali Grippe (pro Jahr)) mit Anzahl Tote vumne Ereignis, wo jetzt grad passiert – jede Tag e chli meh – und darum erscht am Afang schteit. Sie vergliiche auso abgschlossni Sache mit öppis loufendem. Das geit schlicht und eifach nid. Isch no nie gange – im Fau.

Und mir aui wüsse doch nume öppis, nämlech dass mir aui eigentlech gar nüt wüsse! Aber meine (ämu dieeinte oder andere), dass aui Regierige und ihri tuusig beschtens gebildeti Berater uf der ganze Wäut dernäbe sige. Phuuu isch das aber borniert.

Und denn isch es eifach nume zynisch, makaber und gschmacklos – Anzahl Toti mit Tote z’vergliche. Das wird däne, wo gägewärtig richtiggehend verrecke u däne wo früecher gschtorbe si eifach nid gerächt. Es isch zudäm ou nüt anders als überhäblech und Härzlos. Höret eifach uf dermit. Subito.

PS: Toppt wärde serigi Gschmacklosigkeite nume no mit „relativierende“ Vergliiche mit Humgertote i der dritte Wält. Aber ... es isch däne arme lidende Chind und Mönsche dört völlig schnurz, ob sie jez plötzlech interessant si, als schtatistische Wärt ire überhäbleche erschte Wäut. Dert wo Lüt läbe, wo nume tüe lafere schtatt öppis tue. U nid nur jez im Corona Hype, sondern geng und geng wieder. So dass ou däne Lüt meh vu üsre Site z‘guet chunnt aus nume e Zahl imne schräge Zahleschpieli z‘si. Oder e Grund, der Moralin–Schpieugu vum einte oder andere z‘häbe oder z’sänke.

Alli Corona–Gedanke vum Rüedu

https://huet-ha-ni.blogspot.com/search/label/Corona%20Gedanke

Und vergiss nid ... blib de heime

Für Di, für Dini Liebschte und für aui andere o !

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Corona Gedanke vum Rüedu – Teil–1 — Hous ab

Hous ab, verreis, verzieh Di ! Ha ni ganz liislig gseit, wo ni hüt uf em Houmträner bi gsässe, wohlig warm gschwitzt ha, mi Körper gschpührt ha u der Schnuuf wieder mau zeigt het was Schnuuf heisst und bedütet. Grad ou i däne Täg.

Hous ab ha ni gseit und derbi dä Virus gmeint. Dä wo üs aune so e riesegrossi Angscht macht, dä wo üs verunsichertet und dä wo üses Läbe völlig neu büschelet. E so völlig neu büschelet wie sich das niemer, aber ou gar niemer het chönne vorschtelle, gschwige denn no erahne oder gar sich wünsche.

Mir wo alli so ahnigslos üse Alltäg Tag für Tag vor üs häre gläbt hei.

U plötzlech frag i mi, schnuufend u schwitzend uf däm Hoimträner, ob da nid e fiini – oder ischs am änd eher e luuti vorwitzige oder gar e triumpfierendi Schtimm – seit: Hous ab ... verzieh Di ...

... verzieh Di!?2. Isch das öppe gar dä Virus, wo da zu mir und zu Dir redt ? Wo seit: zieh Di zrügg und verchrüüch Di zu Dine Änscht, i dis Näscht, i Dini Erinnerige, zu Dine Wünsch und Sehnsücht u zu däne Lüt, wo dir am nechschte si. Ganz richtig und real oder i all dini liebevolle Gedanke.

Wo villicht ou meint, dass ou der siebzäht schräg Klopapier– oder Hamschter–Witz uusglachet, abgsugget und nümm würklech zum Lache isch und di nume ablänkt vu däm wo wird, wenn Facebook, Twitter und WhatsApp mau zwöi drü Minute andri Gedanke zuelöh, wenn du derzue bereit bisch. Wenn du merksch, dass ou all di plötzlech so zahlrich vorhandene gschide sälbschternannte Besserwüsser und VirusExperte mit ihrne toupatschige dernäbne Youtube Videos nur Schtuss verbreite. U dä chunnt a, bi einige, wüe ou si eigentlech nume Anscht hei und sich nach eifache banale Antworte sehne und i däre Angscht ganz unverhole unprüeft däne Zouberdökter uf e Liim göh. E Liim wo nid lang wird häbe wüe vienu früeher oder schpeter d Ouge tüe ufga. Si sötte vieu meh uf das lose wo der Virus seit. Hous ab und hieh und hieh di zrügg ... zu Dir säuber. Aber villicht het haut der Rüedu i sim Adrenalin–Ruusch ou nid richtig häre glost u im gröbere Iifer e chli afa fäu interpretiere. Du weisch säuber was richtig isch – für Di – und was guet tuet. Aber dänk dra. Mach nur das u würklexh nur das wo aune Mönsche i dire Umgäbig guet tuet. Und los ... wenigschtens einisch .... uf das wo der Bundesrat seit. Aber nimm no eine vum Rüedu entgäge. Beweg Di ... körperlech aber ou geschtig. Bliib nid hange i däm unsichere Bange.

U lies doch wieder mau es guets Buech ... am Rüedu sini Empfählig ... hervorragend gschribe ... eifach nume guet ... und es Vergnüege zum läse. Schprachlech und ou inhaltlich !

————————————————————————

Alli Corona–Gedanke vum Rüedu

https://huet-ha-ni.blogspot.com/search/label/Corona%20Gedanke

—————————————————————————

ES  ABSOLUT  WICHTIGS  UND  GUETS  VIDEO !

WIRD EMPFOHLE ZUM LUEGE

Blib deheim du Pfyffe

http://www.20min.ch/videotv/?cid=229&vid=742685

————————————————————————————

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Dankschön – Merci – es paar Gedanke und e Dank zur aktuelle Situation

https://huet-ha-ni.blogspot.com/2020/03/vergiss-nid-zlabe-gedicht.html

https://huet-ha-ni.blogspot.com/2020/03/was-hieuts-gedicht.html

Und ja ... schützet euch !

Machet das wo d´Behörde und der Bundesrat empfähle.

Denn tuesch nid nir Di sälber schütze sondern alli andere ou.

Das isch solidarisch ! Und das wei mir ja alli si.

Wichtige Informationen und Links:

https://schweizimspieglein.blogspot.com/2020/03/corona-virus-wichtige-wertvolle-seriose.html


Der Corona–Codex

—————————————————

Das Video isxh öppis vum Beschte zum Thema
Vu A bis Z
Im schönschre Züridütsxh
Es Muss

———————————————

Und da no der Bärner Schtapi

Alli Corona–Gedanke vum Rüedu

(Fasch jede Tag neu ... für Di)

https://huet-ha-ni.blogspot.com/search/label/Corona%20Gedanke

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Was hieufts ? – Gedicht

Was hieufts ?

Was hieufts Dir wenn Du dänksch

dass die andre oder die ganz Mönschheit gli vöng afa schpinne

Was hieufts wenn Du meinsch

dass aui andre nume no tüe übertribe

Was hieufts wenn d‘meinsch u scho fasch sicher bisch

dass Hyschterie und Hamschterchöif

e schlächte Witz si u guet gnue für es Bitzli Ironie

und Schpott

Denn wenn du all das meinsch de meinsch du doch nur

dass Du es bitzli besser als die andre bisch
(und denn ... was hieufts ?)

Und am Ändi und wenn ganz ehrlech  bisch

merksch ou Du, dass du mit DIRE Angscht ganz alleini bisch

und denn wär Zyt da dass Du die Chance packsch

und merksch dass me Angscht darf ha und ou e chli cha teile

und denn chas si dass da nume no e Hälfti isch
und du zwar geng no Angscht hesch aber nümm so ganz alleini bisch

Wär das schön ?
Wär doch schön !
Auso ... eh hopp


Vergiss nid z‘läbe
https://huet-ha-ni.blogspot.com/2020/03/vergiss-nid-zlabe-gedicht.html

Lischte mit allne Gedicht

Alli Corona–Gedanke vum Rüedu

(Fasch jede Tag neu ... für Di)

https://huet-ha-ni.blogspot.com/search/label/Corona%20Gedanke

— — — — —

AschiErnst runzelt die Stirn

Vom Zynismus, einem Virus und hilflosen Zahlenvergleichen

https://aschiernst.blogspot.com/2020/03/aschiernst-runzelt-die-stirn-zynismus.html

Empfählig:

Usgsuechti Artikel us der Press zum Thema Corona und drum herum

https://news-medien.blogspot.com/search/label/Corona

Vergiss nid z‘läbe – Gedicht und Gedanke

Vergiss nid z‘läbe und vergiss s‘Läbe nid

Är isch da, laht üs grad nümme eifach so la gah

dä Virus hocket überau, ir Zytig, am Radio, Fernseh Herrgott no mau

Är nimmt üs d‘Sinne, s‘paar vö scho afa schpinne

U mänge fragt wär chönnt i däm Schpiele da am Schluss de gwinne

Är isch da, laht üs nümm los und eifach so la gah

Dä Virus hocket überau, im Zug, im Bus oder ou im Fitti

Mir wäsche d‘Händ bau ununterbroche im liege, sitze und im schtah

Tag und Nacht, am Wuchenänd und vum Mäntig bis am Friti

U trotz auem oder grad ou wäge däm

empfili Dir – vergiss nid z‘läbe und fröhlech si wie gäng

Lue gschider mau was no aues geit

und mein nid s‘ig aues jetzt grad abverheit

Gniess aues wo‘s jetz grad z‘gniesse git

Weisch ... wahrschinlech ischs ja no nid so wit

U mängisch ... und das chönnt schtimme und ou wahr si

Ischs besser mau nid aues z‘läse und z‘gloube, da blib i derbi

*. *. *. *. *. *. *

U dänk dra

Aui ... würklech aui Mönsche gloube immer genau das, wo sie dra wei gloube
Aui ... würklech aui Mösche lose immer nur genau us das wo sie wei lose
......
nume das u aues andre schliesse si us ... meischtens

u der Räschte isch Verschwörig, Fake, Unwahrheit, Bschiss oder e grossi Lugi

säge si ... uf beidne Site ... uf aune Site, links wie rächts
Wües ne nid passt, nid i ihres Wäutbieud passt

 Und wüe si immer wei Rächt ha, d‘Mönsche

und wüe si immer aues wei verschtah

ou we d‘Experte säuber chli am Hag tüe schtah

S‘isch auä ou chli d‘Angscht vorem Kontrollverluscht 

und d‘Angscht vorem Schtärbe ganz generell

UND ... s‘einzige wo ni würklech weiss isch ...

... dass ig weiss das i eigentlech fasch gar nüt weiss !

Und ... dass würklech fasch aui Mösche überforderet si,
uf die einti oder anderi Site, egal ob sis ärnscht näme, zfescht ärnscht
Oder sich ir Hieuflosigkeit nume no wei luschtig mache (ohni z‘si)
und am Ändi Anzahl Toti mit Tote vergliche, zum öppis z‘relativiere
wo chuum geignet isch derzue.

Drum ... vergiss nid z‘läbe
 und vergiss s‘Läbe nid
Jetz ! Jetz erscht rächt !

U das wo üsi Bundesbehörde u die vu de Kantön und d’Medizinfachlüt etc. da leischte

Das find i guet und richtig und i bi froh und dankbar dass das so isch

(Gsehsch – I gloube ou das wo ni wott)

Isch auä nid eifach serig unpopuläri Massnahme z‘erlah

Das wünscht sich bi Gott wou niemer

++++++++++++++++++++++++++++++++++++++++++++

D‘Iiladig (i Corona Zyte) - Gedicht

https://huet-ha-ni.blogspot.com/2021/04/diiladig-churzgschicht.html

Lischte mit allne Gedicht

Der Troum im Troum – Gedicht

I ha tröimt I heig e Troum gha

U i däm Troum ha ni tröimt i heig e Troum

Vume Troum wo gseit het I heig e Troum gha

Bi de ufgwacht, ha nes feins Kaffee u grad no eis zue mir gnoh

Bi no mau is Bett u der Tag het eifach nid rächt wöue zue mir cho

Ha Angscht gha no mau i‘zschlafe u no mau e Troum vu Tröim z‘übercho

Ha afa Zytig läse und Musig us em Radio isch zue mir cho

S‘paar Sache hei mi intressiert u der Virus ha ni dusse gla

Wüll mir isch isch klar – i cha eifach nid alles guet verschtah

Wüll s‘einzige wo ni sicher weiss

Isch dass i eigentlech gar nüt weiss

E chli meh Händ wäsche u weniger im Gsicht ga täuple

Chli weniger vu däm u chli meh vu diesem

U akteptiere dass jez haut andri, neui Regle gäute

I re Zyt wo fasch keine vu üsre Generation Erfahrig het

Wes heisst uf das u dieses chli meh z’verzichte 

U s‘Läbe chli neu büschele und neu usrichte

Bis dass der Tag eis nach däm Virus fiiret sini erschti Schtund

Und i cha ume tröime vu Tröim mit guetem Grund

U mi freue uf so vieu schöns mit Dir, jede Tag und jedi Schtund
Wenn mir zwöi chöi und wei chli zäme si

Lischte mit allne Gedicht