Chumm mir gö zäme - Gedicht

Chumm mir gö zäme i Recycling Hof

Chli vu üsem Beziehigsmüll zäme ga entsorge

Oder seisch jetzt ou wieder Du wöllisch nid ga liire

Ja ... was wosch de eigentlech ussert geng chli fiire

Wes gar nümm meh zum fiire git

Und das was blibt isch eifach u immer nume Schtrit

Drum ...  chumm mir gö zäme i Recycling Hof

Ich finds guet und du findschs doof

Das isch e so und d‘Geiss die schläcket‘s nid e wäg

Und i bi froh oder irgendwie e so

Weisch no (1) - Nichte und Neffe

Weisch no (1)

Der Radio Unggle 

(Briefchaschteunggle)

Dä wo aues gwüsst het

Dä wo uf aui Frage e Antwort gha het

U die ganzi Schwiz het gwüsst was Du nid gwüsst hesch

Hüt weiss es nur no Google

Hey ... si mir chli am vereinsame ?

https://www.srf.ch/sendungen/sinerzyt/briefkastenonkel-hans-forster-liebe-nichten-und-neffen

Vum Wätter im Ouguscht

S‘Wätter wird besser

Irgend wenn, nümm so chalt, bald.

S‘Wätter wird andersch ... scho gli

U denn si die Rägetäg verbi

S‘Wätter wird besser u nid nesser

Säge si im Radio und Internet

Drum ga ni hüt mau früeh is Bett

U warte dert uf morn. Schöner ? Ich mache jez kei Wett.

Für teu ischs Wätter grad e Fruscht

S‘Wätter vur Mitti vum Ouguscht

Es paar wäre jez grad gluschtig druuf

Ir Aare umezplantsche u freue sich druf ....

.... dass alles so wie jez ... nur jez grad isch wies isch
(Und du dir desse sicher bisch)

Wenn‘s dusse gwittert

Und der Trump ume einisch twitteret

Und Du di muesch entscheide

Wählsxh am bescht kene vu beidne

Oder falls das das mal nid sött möglech si

Nimmsch lieber S‘Gwitter ... Wätter änderet ... So wird das ou dasmal si

Denn ... wenn ... Chatzebildli / Gedanke

Ha mi gfragt was söu das denn

Denn ... wenn ...

Wenn Corona e Teil vu üsem Alltag wird

Denn ... wenn ...

Händ wäsche plötzlech outomatisch wird

Denn ... wenn ...

Und uf Facebook Feriefoti, Chatzebildli und Lieblingssongs

Die tuusige vu Hobby Virologe, sälbschternannte Freidänker, Spinner und „Experte“

Ablöse u wieder Alltag wärde

Fotis, Freud, Musig  und villicht mau öppis ganz persönlechs

Denn ... wenn ...

D‘Spinner wieder ruhiger wärde

Und Alltag wieder Alltag isch ... viellicht eifach es chlises Bitzli andersch

Denn ... wenn ...

Denn wenn‘s wieder ruhiger wird

Und der agressiv Umgang vu de Verschwörerli,

(Teils Rächts)-Extreme und Spinner

Sich wieder normalisiert !

Wüll mängisch ha ni scho chli z‘Gfüehl

Dass Züge Johovas und Seintologe scho bau harmlos si.

Dergäge.

Vum Zytig läse i schrube Zyte - Gedicht

Zytige vu geschter si oft vieu besser aus die vu hüt

Denn hüt weiss i mängisch oder villicht gar oft

was geschter wahr isch gsi das isch hüt fausch oder umgekehrt

U bi so hüt viellicht gar gschider aus no geschter u das ganz unverhofft

Summer - Gedicht - Zwöiziler

Es isch Summer. Dusse isch es schön. Und dinne ou.

Tea Time isch immer fein. Mängisch gsellig und mängisch allein.