I bi voll vu nüt
I bi voll vu läär
Und wünschti dass das nid so wär
I bi so voll vu nüt
i bi so bvoll vu däm läär
wo vorhär Füür u Luscht u Liebi sine Platz het gha
isch jez als würdi alles starr u würde blibe stah
Wäg isch all die Läbesluscht
gwiche amne Riese Fruscht mit Truur
dass das jez so het müesse ände
I bi voll vu nüt
I bi voll vu läär
Und wünschti dass es so wie vorhär wär
denn wo’s no zablet, chrablet het i mir
wäge dir
Ha irgendwie grad chli chalt
Es bitzli inne und es bitzli usse
Ha s Gfüehl i sig grad imne teufe Schpalt
Irgendwie verlore und ganz ohni Halt
Weiss grad nid wo vore isch und wo hinde
Weiss grad nid wo der Wäg isch wo ni gärn würd finde
Weiss grad nid wo obe isch und wo unde
Weiss es villicht wenn der Wäg isch gfunde