Samstag, 22. Dezember 2018

Hüt ha ni a geschter dänkt und es si mir Wehgueteli i Sinn cho

Hüt ha ni hurtig hurtig a geschter dänkt u da dra, dass in ganz Bärn der Räge so ta het, wie wenn är würd s'alte Jahr wäg schpüehle oder ämu das, was drann nid guet gsi isch. U da gäbs ja einiges. Drum muess es halt ou hüt noc rägne u wahrschinlech ou no morn und mänge Tag. U gliich hei mir doch alli Sehnsucht nach chli schön und schöne Sache. U schön isch ou gsi, dass gan viel jungi Lüt u SchüelerInne si ga demonschtriere. Für nes bessers Klima oder derfür, dass mir alli zäme ändlech aues, aber ou würklech aues dra setze, dass es nid so schlimm wird mi viel gschidi Lüt üs tüe wis mache. Isch nid ganz eifach z'merke, das ou Du und ig dran tschued si, was für ne Misere uf die zuekünftige Generatione zue chunnt. s'einzige wo mir chöi mache isch handle. Jetzt und gruusig konsequänt, so dass es üs weh tuet. Weh tue cha ou guet tue. WehGuetli seit me dämm !

Beliebti Gschichte sit geng uf däm Blog