Früecher – Gedicht

Früecher ha ni albe no gmeint

Zyt renni und renni duurend a mir verbi

Hüt weiss i dass nur i sälber

der Boss vu mir sälber und miner Zyt cha si

Früecher ha ni albe no gmeint

dass all die andre geng öppis vu mir wei

Hüt weiss i dass nur i sälber

der Chef über mini Zyt u mi sälber cha si

Drum tue ni hüt nümm andre Lüt und Sache

Schuld zue schiebe

Nimes - so chönnt me säge - viel meh gelasse

und blibe offe

z luege und z erfüehle, was Zyt und die andre vu mir wei

Lischte mit allne Gedicht

Es blibt derbi – Gedicht

Wenn i im Zug hocke

zrügg nach Bärn

weiss i genau

ou dört bi ni geng ume gärn

Wenn i im Zug uf em Zugbank sitze

vu dir zrügg zu mir

weiss i genau

wie gärn wär i geng no chli bi dir

Wüll i nid beides uf‘s mal cha ha

la ni viel schöni Gfühel für ne Momänt la schtah

und weiss genau

dass auä nümm lang geit und i di wieder i mine Ärm cha ha

Sider trink i Tee und isse Linsertürtli

luege au das ir Fernsehchischte

wo schöner alleini z‘luege isch

wüll‘s bessers git wenn du i mire Nechi bisch 

D‘Gitarre spielt geng genau das

wo a Musig i mir inne isch

wüll du i Gedanke ganz ir Nechi bisch

und Musig für mi deheime eifach so wichtig isch

Scho bald wird e andre Zug

Vu mir zu dir

u du weisch das so wie ni

es chönnt ume einisch so chli schön u schöner si

Gäu, das blibt derbi ?

* * * * *

Epilog

?...? .... ?

Lischte mit allne Gedicht