Dr Flughafe – dr Gfüehlstopf – Gedicht

Vumne virtuelle imaginäre Uusflug

Hüt bi ni ds‘Züri uf em Flughafe gsi

Tönt villicht chli schpeziell, diesmal aber rein virtuell

Isch für mi e Topf voll vu tuusig Gfüehl

Wo entschtöh i däm grosse Mönschegwüehl

Dert schtöh Freud oder Truur näb Angscht, Unsicherheit

Dert vö Sache a und andri merksch si näb abe gheit

Uswägslosigkeit umarmt ganz zärtlech der Hoffnigschimmer

Teil Sache wärde besser, blibe gliich oder wärde schlimmer

Es tuet guet wenn’s zue lasch i däne viele Gfüehl ga bade

Bruucht chli Muet aber merksch dass das nid nur tuet schade

Hüt bi ni ds‘Züri uf em Flughafe gsi

Tönt villicht chli speziell, s’isch aber o guet rein virtuell

Dä Ort git Ruum und Platz für chli mit dir sälber z‘si

So isch das hüt und wird ou i Zuekuenft sicher e so si

Uf em Flughafe lande Flüger und andri schtarte

Uf es paar Frage gits Antworte und andri warte ...

... bis zum nächschte Trip a dä Zouberort

Wo‘d chasch mit dir sälber si ganz ohni Wort

... und eifach gschpühre was würklech isch
Und di frage ob Du so  imaginäreglücklech bisch

... wüll‘s villicht eifach isch wies halt so isch
Und z‘merke, obs das würklech würklech isch
und nid es Gschpängschtli i dim Chopf

... und das so und nid viel anders isch
Und di gliich z’frage, obs nid ou viellicht z’ändere wär

... und du mit däm villicht ganz z’friede bisch
Oder obs ou der ander Wäg ou e chli bisch
... und süsch ghört die Sach de uf e Tisch !

Drum wärs guet, du nimmsch e teufe Schnuuf
Und we dä nid längt schnuufsch gschiderwiis no mal teuf i und denn wieder us
iischnuufe ... usschnuufe ... witerschnufe
Was blibt si tuusig Frage
La sie zue u tue das wage

Lischte mit allne Gedicht