Im Reschtorant – Gedicht

I sitze imne Reschtorant

So wie‘s paar andri o

Jede glotzt dert häre wo‘s öppis z‘glotze git

am liebschte Zyttig oder s‘Smartphone, ämu öppe grad nid z‘wit

wüeus hütt zu Tag nümm ganz einfach isch

Ä Blick i d‘Ouge vume richtige Mönsch am Nachbarstisch

Dä chönnt ja meine dass i gar öppis wöu

Und gschnäu wird us mir e Lump oder Löu

Auso tue ni haut der Blick chli sänke

am Händy töggele und are unnütze Äpp Ufmerksamkeit schänke

Chönnt aber ou eifach nur d‘Ärm verschränke

Und d‘Gedanke dert häre länke wo‘s guet u schön isch

U eifach nur e chli träume und fescht a Di dänke

Lischte mit allne Gedicht