Der Zimmerli- Gedicht - Zwöiziler

Es isch fang eifach nume schlimm, meint d‘Frou Grimm

Ja, ja, s‘wird eifach immer schlimmerli, seit da druuf der Herr Zimmerli

Churzgedicht, Zwöiziler

Gwidmet allne Corona Lügner u Verschwörerli
Und beschte Genesigswünsxh

Weckruef - Bärndütisxhi Gedanke vum freie Dänke

Weckruef

Bim umetippsle u chli sörfe im grosse wite Internet ...

Es git Wörter, die ma ni ganz guet ertrage (eigentlech die meischte)

Andri wiederum gö mir uf e Geischt, si chuum meh zum ertrage

Eis vu däne Wörter wo mi tschuddere u mir der Gruus der Rügge abtribt.

Das isch WECKRUEF. Es sinnlos missbruuchts Wort wo bi mir nume öppis blibt

Verschwörerli, Lüt wo bhoupte, dass sie frei und sälbschtändig chönne dänke

Derbi nur eis im Sinn hei, möglechscht viel i die gliichi (falschi) Richtig z länke

U wes de drunder no penetrant heisst, me söll das unbedingt läse und mit andre teile

De dänk i dass was früecher nur bi Sekte hesch gfunde, jez macht bi andre d Runde

Und i fürchte würklech, dass Gsellschaft nume chränker wird statt dass sie würdi gsunde

Oh Corona, was hesch du teilne Lüt a ta ? So verbisse, schtur und schlicht dernäbe

Ha sälte so viel vu däne ghört und gseh, i mim Läbe

Schätzele und Mäskele - Gedicht über die Maskepflicht und übers Schmuuse

Chumm mir tüe chli schätzele

Weisch so, als ob mir Tiinis wäre

Chli schmuuse, drücke us eifach e chli schön ha

I weiss s‘wird niemer schtöre, s‘wird sich kene beschwäre

Und wenn ... denn lege mir gschnäu üsi Maske a

U lö die Schtänkeri u Schtürmi eifach chli im Räge la schtah

Wüll weisch wenn d‘Maske anne hesch

Chasch ungschtraft d‘Zunge use schtrecke

Zum all die Verschwörerli u Wuetbürgerli chli z‘necke
So wärde si chuum öppis vu all däm merke
U chöi glücklech witer ihrne Verschwörigsgschichtli nache hange
U mir chöi freudig uf nes witers schöns Müntschi plange
Deheime, ir Natur oder im Böss, Tram oder i der Bahn

Mir chöi, we mir wei
Schätzele und Mäskele
Und ar Gsundheit und am Läbe Freud ha
Einfach mau das und denn wieder dieses
Jedes zu sire Zyt am rächte Ort
Ehrewort