Dr. Rüedu tweetet - Churzriime - Gedanke-Schnipsel (2022-01 / 2) - Januar

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wag

01.01.2022 - 31.01.2022

Plag di nid säuber die ganzi Zyt Gniess das wo guet geit u schön isch So wies es paar wei ha, da si mir no lang nid so wit

= = = = = = = = = =

Der Bundesrat dä isch parat Är wetti nümm vom Morge früeh bis Abe spaht Ä Maske trage und s‘Gliir vu der „Oppsition“ ertrage Drum dänkt är drüber nache und das ziemi scharf Chli z‘Lockere und hoffet fescht dass är das darf

= = = = = = = = = =

Bisch du glücklech wenn du lächlisch oder lächlisch eifach so Egal eigentlecht. Wenn du lächlisch macht mi das froh

= = = = = = = = = =

S‘Wuchenänd steit vor der Tür S‘isch no chli früeh drum hett sich‘s auä nid derfür S‘wott di jez grad nid zfescht ablänke Dass du am Fritig no chli Zyt chasch schänke Doch gli gli isch‘s de scho bau sowit Chli Plampi- und Erhohligszyt

= = = = = = = = = =

Blibet gsund, häbet Sorg, lueget guet ufenand. Mitenand statt gägenand. Fang ou du a mit Solidarität - es isch nie z‘spät !

= = = = = = = = = =

Dä wunderbar neui Tag Isch ume eine wo ou di hüt bsunders mag

= = = = = = = = = =

S‘git Mönsche, das isch ziemli schwierig z‘verstah Die si sit däre Pandemie uf em rächte Oug so ziemlich blind Es paar Verschwörige züe sie weder am Tag no ir Nacht la ga Drum verschwinde die Schtürmis leider ou nid so gschwind

= = = = = = = = = =

Voller Stolz und voll vu Freud Geit dä Tag am Ändi zue Är hofft dass du ihn gnosse hesch Und wünscht dir schöni Abe Rueh

= = = = = = = = = =

Es isch schön wenns schön isch wües schön isch wenns schön isch.

= = = = = = = = = =

Wachet uf ! Säubschtändig dänke ! Freiheit u liibertee ! Wenn i serigs ghöre tüe mir d‘Ohre weh Und i mache d Ouge zu u tröime vor mi hi … … wie chönnt s‘Läbe ohni serig eifach schön u viel eifacher si

= = = = = = = = = =

S’isch mängs nümm so wie’s früecher isch gsi doch i frage mi, isch’s denn würklech so viel schöner gsi S’het jedi Jugend ihri Zyt u jedi Zyt het ihri Jugend S’isch mängs nümm so wie’s früecher isch gsi Aber es isch e so und so sölls si

= = = = = = = = = =

Pandemie ! Pandemie sig dank Hei jez es paar Milliardäre meh Gäld uf der Bank Während däm im Volk vieli ärmer und / oder chrank I weiss nid so rächt, aber da isch vor allem s‘Syschtem ziemli …… I bi jez schtill und tue kei Wank

= = = = = = = = = =

D'Pandemie sig, dank oder grad däm

Omikron, viellicht scho bald verbi

Da frag i mi ziemlich besorgt, wäg was

chöi die Stürmi, Trychler und Wuetbürger

denn nachhär no wüetig und unglücklech si

Denn wie mir üs alli leider chöi dänke

Wei die us Verrückti mimerem öppis schänke

Derbi chönnt Läbe eifach Läbe und obedri

no cheibe schön für alli si

= = = = = = = = = =

S‘isch nid immer positiv positiv z‘si.

= = = = = = = = = =

S'git gägewärtig Lüt

die wei eifach nid verstah

dass es Lüt git

wo gägewärtig Freud am Läbe chöi ha

= = = = = = = = = =

S'Läbe lächlet. 

S'Läbe lächlet mi jez grad a.

Und i lächle zrügg u fa vu neuem a

Chli Freud am Läbe z'ha

= = = = = = = = = =

Uf der Strass gö d'Hünd mit ihrne Meischter a der Leine

Uf und Ab bis keis Böuimli me ungschmöckt uf em Trottoir steit.

D'Chind strecke ire Grund neugierig zum Wägeli us

u d'Mammis tröime vu hüt u geschter

U gschpühre immer feschter, das Läbe da das chame läbe la

aber s'hätt sicher irgendwie und irgendwo ou es anders gha

= = = = = = = = = =

Änderig in Sicht … viellicht grad no chli wit e wäg ? So viel Zuefall gits nid dass du das em Zuefall söttsch überlah - drum packs a - jetzt.

= = = = = = = = = =

S‘Glück het kei Farb und kei Gschmack S‘Glück isch eifach für di da Muesch es wenn‘s chlopfet eifach nume ine la

= = = = = = = = = =

Mängisch interessiert mi öppis wo öpper interessiert, wües mi interessiert was anderi interessiert, ou we mi das säuber nid so sehr interessiert.

= = = = = = = = = =

„Aller Guten Dinge sind drei“ Ha ni gmeint u hocke dehei - ganz allei Ha chli Zyt zum hirne und sinne Und merke dass bereits sit em Tag drü vum neue Jahr All die guet Idee und Vorsätz vor sich häre zerrinne Und i nümm weiss was i eigentlech ha wölle, u jez wart i haut ume es Jahr

= = = = = = = = = =

Uf em Rückspiegel vu mim Läbe chläbt viel Dräck Cha putze u ribe wie ni wott, är geit nid wäg Oder doch ? Doch.

= = = = = = = = = =

Bruuchts Muet für Aluhuet We doch jede weiss Aluhuet tuet gar nid guet S isch nid wäg de Strahle wo chönnte ine cho S isch wäg der Stürmi im Chopf wo sött use gah Dass die Mönsche chöi wie andri o Eifach wieder chli glücklech u zfriede si

= = = = = = = = = =

Lezz rokk se rokk Meh gits grad nid z‘säge

= = = = = = = = = =

Es X steit im Ruum, breit steits dert, wie nes X

Chleider luege uf em Sims zum Fänschter us U du steisch dert wüll du eifach jez grad dert häre ghörsch U de Lutsprächer het scho lang ke gueti Musig meh ghört D Ching uf der Strass si wieder mau lut u tüe wie gschtört Winter

= = = = = = = = = =

Liebi Lüt vu nach u färn I informiere hie und zwar nid gärn Dass wit wit äne am Teich ganz ohni Seich E Nummer eis steit und wenn witer alles abverheit Mir vermuetlech Züge chönne wärde Wie us eis e Nullnummere cha wärde

ALLI Rüedu - Tweets

Rüedu uf Twitter

www.twitter.com/@RVuBaern

Dr. Rüedu tweetet - Churzriime - Gedanke-Schnipsel (2022-01 / 1)

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wag

01.01.2022 - 11.01.2022

https://digital-malen.blogspot.com

We me so i de soziale Medie umeturnet Chönnt me s‘Gfüehl übercho Die sige nume no mit Asoziale gschwemmt Däne hets vor luter liire u jammere dr Blick trüebt u dr Vernunftsnärv iiklemmt

*. *. *. *. *

S‘neue Jahr faht so a wie‘s alte uffhört het - schön !

*. *. *. *. *

Du bisch geschter sehr schpäht hei cho I ha nid gwüsst, söll i dir entgäge cho Ha de gwartet und e Schluck Tee zuemer gnoh U dänkt, hesch so viellicht mehr dervo

*. *. *. *. *

Irgendwo isch jetzt grad Mitternacht irgendwo fahrt jetzt der letschti zug Irgendwo nimmt eine der letzschti schluck Irgendwo isch irgendwo und sowieso Irgendwo tröchnet jetzt die letschti Träne Irgendwo lauft der Fernseh für sich allei

*. *. *. *. *

Sunnig isch,s gsi, schön isches gsi, doch jetz ischs verbi Der Schatte isch cho, het alles zäme zue sich gno

*. *. *. *. *

D‘ Nacht dreit sich no mau um U schlaft de friedlech i Ja he nu so de u eifach drum Bi ni jez ou derbi Tue d‘Ouge zue vergangne Tag Der nächscht chunnt morn und i hoffe sehr Dass ou är di und mi genau glich mag

*. *. *. *. *

Dr. Bundesrat. S‘Volk beobachtet ihn bis är fertig beobachtet het !

*. *. *. *. *

S‘git immer und i jedre Zyt Es paar Spinner Lueg mau ganz ganz fescht nach linggs Die si als „Neui Rächti“ no viel schlimmer Wit hei mir‘s bracht, sehr wit Gib acht und gib däne keiner Chance

*. *. *. *. *

Mis Vertroue i die australischi Regierig u Tenniswält sinkt. Guet, das isch däne auä ja ziemlich gliich. Im Momänt no.

*. *. *. *. *

Wenn ganz linggs mit ganz rächts Hand in Hand U das nur wägme Virus, es paar Iischränkige u Massnahme Denn chasch sicher si, es loufe gringsvora gäge d‘Wand Nid die Rächte, sondern die wo sich löh la verinahme Linggs … oh je oh je … ade!

*. *. *. *. *

Mängisch weiss i nid was söll i und was cha ni no alles gloube

Vu all däm wo ni cha läse u lose der ganz lieb läng Tag

Mängisch ha ni vu däm allem ziemlech gnue

Wott eifach nume e chli si und bruuche mini Rueh

Schnuufe i und schnuufe us

Ir Hoffnig i chöm de nachhär wieder besser druus

*. *. *. *. *

Aller Guten Dinge sind dre Ha ni gmeint u hocke dehei ganz allei Ha chli Zyt zum hirne und sinne und i gloub i spinne Merki i doch dass bereits am Tag drü vum neue Jahr All die guet Idee und Vorsätz vor sich häre zerrinne Und i nümm weiss was i eigentlech ha wölle, das isch wahr

*. *. *. *. *

Im Januar, wär würd das einem glouben Über vierzehn Grad bi üs unter de Louben Dr Wintermantel schwitzt und schwitzt und schwitzt Im Schoufänschter scho die erscht im Bikini ufme Sale Poschter sitzt Oh wie verschmitzt das sitzt

*. *. *. *. *

Wie wärs mit e chli meh lache Wie wärs mit chli meh Zfrideheit Wie wärs mit weniger liire und meh mache Für nes neus Jahr und ohni dass es vergheit Scho grad am Afang wenn als no früsch und schön

ALLI Rüedu - Tweets

Rüedu uf Twitter

www.twitter.com/@RVuBaern