Aktualisiert: 24. Oktober 2022
Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte - Schnitzelbänk zur Unzyt - Sinnigs und Unsinnigs eifach vur Läbere wäg
Dr. Rüedu dänkt - schribt - teilt - kommentiert
Uf Twitter - nur für Di www.twitter.com/@RVuBaern
Uf Facebook und uf däm Twitter
Gits Lüt, die kenne nume eis - Gwitter
Provoziere und anderi Lüt der ganz Tag ärgere
Wurum nume gits so viel Lüt, wo all däne schlächte Mönsche eifach nume rächt gäbe
Indäm dass sie das zue löh, das mit dem sich ärgere
-------------------------------------
Gwüssni Lüt kenne kener Gränze
Im öV s‘Händy i der Hand
I ghöre was der ander uf der andre Site seit u dänkt
U frage mi - wei die das ?
-------------------------------------
I warte uf de Zug
Der Himu isch grau in grau
D‘Sunne spielt Verschteckis
I warte uf de Zug
Es isch änds Oktober u es blitzt u tonneret
Härrgott Donner no mau
I gloube da isch öppis nid ganz normau
Wär wird da druus no schlau
-------------------------------------
Stört eim a anderne Mönsche öppe immer chli das am meischte vu däm me säuber am wenigscdhte het ?
-------------------------------------
Bi hütt wieder mau churz vor knapp gsi.
Het aber de doch no glängt.
-------------------------------------
Dilemma! Eis wo ni auä nid aus einzige tue ha.
Nachrichte si im Momänt zum chuum me chööne ushaute
S Klima, d Energie, Corona u dä huere Putin wo d Wäut tuet schpaute
Wott is wüsse? machi eifach d Ouge zue?
Im Wüsse dass ou das mir git kei Rueh
Ou wenn i vu auem ha eifach langsam gnue!
-------------------------------------
Es isch grad e chli Huduwätter
Trüeb, nass und e chli chüehl
Deswäge bechumi doch kei Seeleschmätter
Ab is Fitti, das git mir es guets Tages Gfüehl
-------------------------------------
Jez mue es use: I bi Millionär !
I zehre vu Millione vu Erfahrige.
Ganz vielne guete u es paar schlächte!
-------------------------------------
Ha mi vumne irrgleitete Optimismus la leite.
Bi mit der Sunnebrülle i d‘Schtadt
-------------------------------------
Me sött ab u zue ou wieder mau öppis positivs schribe oder verzelle:
Auso - i bi hüt im Coop und im Denner gsi.
Aues het wunderbar klappet. Ha aues gfunde, Priise hei gschtumme. Der Kassezedu ou. S’Personal ar Kasse super fründlech.
Auso i cha nume eis säge: mir geits guet !
So !
-------------------------------------
Hüt isch mini Gitarre wieder mal mi treu Begleiter
Sie isch schön
Sie macht schöni Tön
Mängisch so wie ni mir das wünsche
mau äbe andersch so dass i cha merke
mit übe, übe - nume so - chunnt me witer
U de wett i sie fasch nümm la gah
Aber zum Troscht - i cha ja morn vu neuem vu vor afa
-------------------------------------
Merci dass du da bisch
merci dass i di darf kenne
merci dass es so isch wies isch
mit üs zwöi
Hüt u i hoffe ou morn u de immer e Tag länger
-------------------------------------
Der Tag het z’Bärn klar agfange
Jez tüe es paar Näbufätze oder Wolke umehange
Wo ni de grad bim Tagesmotto wär
Chli la plampe u luege das alles nid so schwär
wie’s mängisch so derhär chunnt
we me z’viel i de Newsportal tuet ume schnöigge
Aber äbe - ganz ohni wär ja ou nid guet
-------------------------------------
Es git Lüt, die akzeptiere anderi Meinige.
Und es git Lüt, die akzeptiere anderi Meinige nume denn, wenn sie mit irne eigete überi stimme.
-------------------------------------
Zyte wärde schtrüber
Zyte wärde herter
E mänge Gürtel wird jetzt änger gschnallt
U gliich meine s‘paar immer no
S‘Läbe müess ou mit so Dinger wie Alk u Rouch glich witer gah
Ig ämu - i cha das nid verschtah
-------------------------------------
Öppis isch verbroche
denn
I dir
I mir
Hei beidi kei Chraft zum flicke gha
Aber weisch
I gloube dra
Mir hättes besser gmacht
Hätte mir die Chraft denn gha
-------------------------------------
Wär chunnt vur Stadt Bärn und het no nie bim Loeb Egge abgmacht ?
-------------------------------------
Mängisch ha ni s‘Gfüehl
S‘paar Mitmönsche heige im Hirni es huere Gwüehl
Es Chrüsi Müsi oder gar no viel schlimmer
Schreie ume, bhoupte, tobe - es wird geng schlimmer
Derbi hei sie vum meischte gar kei Ahnig, nid der gringscht Schimmer
-------------------------------------
Ha tröimt letscht Nacht u das ziemli heftig
vu Chäfer - grosse, chline, schwarze, farbige, dünne, dicke
U jez sitz i da, es Kafi i der Hand u geng no im Schlafgwand
U warte bis der letscht vu däne Chäfer zur Wohnigstür us gange isch
U vis a vis si sie geng no am boue
-------------------------------------
Der Kantönligeischt geit immer meh Lüt uf de Geischt
Unterschidlichi Chrankekasse Prämie, Corona Massnahme und Impfig, Schuelsyschtem, Energie Priise etc.etc. Cha me chum verstah, cha me mümm nachvollzieh …
Alti Zöpf ghöre ufgässe oder uf e Komposcht
-------------------------------------
Agnoh du heissisch Küre. U du schribsch öpperem wo du kennsch ufme messenger (whatsapp etc.) e mitteilig.
schribsch de am schluss „liebi grüess vum küre“ obwohl de empfänger weiss dass du küre heissisch ?
-------------------------------------
Är het nur eini
Sie het nur eini
Mir alli hei nur eini
U tüe e so, als wäre hunderti no zwenig
Sie tuet e so wie sie halt tue muess
U eifach nümme andersch cha
D‘Ärde
Wo nid so wie mir wei möchti wärde
u gliich nid andersch im Momänt cha si
Viellicht hälfe mir drum däre Ärde
Dass es gliich no schön für üsi Änkel chönnti wärde
-------------------------------------
Die beschti Zyt vu allne Zyte
Isch die wo‘s rund louft u kei Zyt zum schtrite
Die beschti Zyt vu allne Zyte
Isch - wes guet chunnt und es chunnt guet - die jez u hüt
I säge nid die andre sige für d‘Füchs u voll für nüt
Gniess jez was z‘gniesse git
Bisch so wit ?
-------------------------------------
Villicht isch’s nech scho ufgfaue ?
Vielleicht heit dir’s scho gmacht ?
Hüt !
Nei ?
Nei aber ou … hopp id Hose !
(ZUM TAG DES LÄCHELNS)
-------------------------------------
Wie vieu Bäumle ma e GeäLPe eigentlech verlide ?
-------------------------------------
Kafi, dusche - no mau e Kafi
u denn fangt dä neu Tag so richtig a
So dass i scho früeh chli cha afa Freud dra ha
-------------------------------------
BonjouR, good morning, guete Morge
Ga hurtig use, mues no öppis bsorge
U nachhär ume wieder hei
U gniesse dä Tag für mi allei
Wüll ou das o cheibe schön cha si
Mit mir allei gö die Täg so schnäll verbi
S’bruucht mängisch nid viel um würklech z’friede z’si
-------------------------------------
Ha tröimt, dass dä Putin id Ferie gang sig. U es heig ihm so guet gfaue, dass är nümm hei wott.
U jez bi ni am guugle ob das stimmt.
Auso die vur Press hei das auä nid mit übercho.
-------------------------------------
Was dänke eigentlech die #Grünliberale #GLP über dä #Martin #Baeumle ?
-------------------------------------
S’het grägnet - es paar Tag lang
U es paar Bürger hei si jez nümme binenang
Der Räge tuet der Natur u däne Bäde nume guet
Chas nid verstah - die wo nid chöi verstah - u das de no mit sore Wuet
Aber aui angre wüsses - eh ja das chunnt de scho no guet
-------------------------------------
Hüt bi ni s‘paarne Lüt begägnet
Die si so wunderbar tipp topp guet us cho mitenand
Zmindscht hei si so tah u i has ihne gla.
-------------------------------------
Hüt bi ni Beratigs resischtänt
Hüt machi was i wott
-------------------------------------
I liebe Röschti. I ha die huere gärn.
Aber d‘Röschti blibt im Bundesrat färn.
Süsch has sofort nümme gärn !
-------------------------------------
Auso nume wenn dir öppe mau öV fahret witerläse …
Heit dir i de letschte paar Wuche mau öpper mit are richtige Zyttig us Papier gseh ?
-------------------------------------
Dr Murer Ueli wott sich verändere u het kä Luscht meh
Mir ou - u si darum froh - hei mir ne i däm Bunderat gseh
U scho geits los, das Kandidate Karussel
e Ma, e Frou vu der SVP oder gar öpper Grüens ganz schnell
Es wird schpannend - doch üsi Problem die blibe !
-------------------------------------
I Zyte vu Krise u Chrieg boue die Gschide Brügge u gäbe sich d‘Hand
Die Dumme grabe Gräbe, uf em Schlachtföld u ir Politik u Diplomatie
Ps: chönnt das öpper uf russisch übersetze ?
-------------------------------------
Ou wes schiffet duss der ganzi Tag
Isch‘s für mi e Gnuss, wüll i das mag
Chli dinne höckle, Musig lose oder läse
De Tropfe wo uf mis Dach tüe falle
Zuelose wüll mir das tuet gfalle
S‘Wätter eifach so näh wie‘s isch
De nimmts ou di e so wie du bisch
-------------------------------------
Schtrom
Strom - kei Strom - Strom - kei Strom
U mir merke villicht, wie sehr mir abhängig si dervo
U chönnte üs frage - isches schlächt oder guet e so
Bruuche mir würklech all die Dinger
Für üses Hirni, de Mage und üsi Finger
Wird’s geng e chli besser oder eher schlimmer?
meh ähnlechs ...
https://huet-ha-ni.blogspot.com/2022/08/dr-ruedu-tweetet-u-dank-chli-uber-die.html
