Aktualisiert: 30. November 2022
Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte - Schnitzelbänk zur Unzyt - Sinnigs und Unsinnigs eifach vur Läbere wäg
Dr. Rüedu dänkt - schribt - teilt - kommentiert
Uf Twitter - nur für Di www.twitter.com/@RVuBaern
Alles verblüeht
Alles vergeit
Alles vergheit
Alles geit verbi
Schön isch wed chasch säge
Schön isch es schön gsi.
-------------------------------
Mängisch
Mängisch geits
Mängisch geits eifach
Mängisch geits eifach nid so eifach
So isch das haut eifach
-------------------------------
Es dunklet früeh
U Tage wäre chürzer
S‘isch schön e chli deheime z‘höckle
Es Glas Wy oder e feine Tee
Chli Fernseh luege
E guete Film oder viellicht ou Fuessbau
Oder eifach wieder mau zäme schwätze
Oder enang e Gschicht verzelle
Gäu - das hesch ou du scho lang mau wieder welle
-------------------------------
Es git Lüt
die si jez plötzlech Fän vur FIFA
Nume zum einisch meh chli chönne trötzele u opponiere
Sie merkes nid, dass ou das mal sie keiner Sou chöi imponiere
die Stiere …
-------------------------------
Es tuet weh
Die Weh Aemm
Fuessball isch mau Fuessball gsi
Drum hoffe mir alli das Truurspiel sigi bald verbi
Drum pfiffa mir uf die Fifa
-------------------------------
U de - nützts ?
Was ?
Du nimmsch ja scho es Zyteli die Vitamine und Nahrigsergänzige.
I weiss nid - weiss eifach nümm wie‘s isch vorhär ohni gsi.
-------------------------------
Z’Bärn seit me
Geits ? oder
Geits guet ?
Schön wär:
Wie geits ?
U de warte
u lose
-------------------------------
We Mönsche zäme si
De chas schön oder äbe ou nid so si
Es wird viel gschwätzt u s’wird viel glachet
mängisch ou eifach nume krachnet
Vieli tüe viel meh prichte statt lose
Vieli verzelle nume ihri eigne Gschichte
Mängisch grad e chli z’viel vu allem
-------------------------------
Bärn erwachet
D’Mönsche erwache
Langsam oder schnäll
Die einte müesse
Die andre wei
Wieder andri wäre am liebschte eifach no chli dehei
Im Bös u Tram es Gschtungg wie geng
Im Büro aues müedi Grinde
Ou dä Tag wird Mittag, Abe und es guets Ändi finde
-------------------------------
„In der Wut verliert der Mensch seine Intelligenz.“
Dalai Lama
-------------------------------
D Fründe vu der Verfassig und am Rimoldi si Verein si grad chli am Vergheie.
Dusse wotts eifach no nid so schneie
D Schneekanone verbrönne wieder mal z viel Energie
Viele frage, mues das so si (das mit de Schneekanone) ?
-------------------------------
Villicht hei mir i de letschte Jahr
Eifach viel z viel Gäld usgäh
hei gmeint, me chönn das über d’Schtüüre wieder ine näh
U jez rächne es paar Spezialischte u meine es sig am Beschte
Eifach so witer z’fahre, doch vielne isch es nümm zum Feschte
Drum wär es Bärner Budget NEI …
-------------------------------
Es wird schwierig, wenn Intoleranti Akzeptanz fordere.
-------------------------------
Mit der 2. Staffel von Wilder angefangen. Fängt recht gut an. Eine Bemerkung: Es bitzeli viel neblige Landschaften und die Drohne war wohl am meisten ausser Atem
-------------------------------
Es paar Ärde Mitbewohner gö mir langsam ziemli uf de Keks.
Geng das Gjamner, geng das Gliir.
Alli (sälber gwählte) Regierige, die ganzi Press und andri Medie,alli „Beamte“, d‘Medizin, d‘Lehrer, d‘Wüsseschaft sige nume no schlächt.
We ni serigs ghöre wird mir ganz schlächt! U du
-------------------------------
Isch das normau oder isch das öppe e chli gschpässig
Aber mi düechts uf der Gass da sige vieli im Momänt chli hässig
Isch das wägem Wätter, wägem Chrieg, wäg de Priise oder eifach e chli so
We’s nümm so wär, wär das sehr schön u i wäri eifach e chli froh
-------------------------------
I trage jez scho über 2 Mönet so ne Fitness Wotsch - auso ehrlech. Die nütze nüüt. Kes bitzli fitter
-------------------------------
Gschpräch:
A: NEI auso ! Säg nüt !
B: Wohär weisch Du das ?
A: Has gläse.
B: Aha - jä wo de ?
A: Uf Twitter
B: De mues es ja auä schtimme
-------------------------------
Ir letschte Zyt liest me immer wieder und immer meh
vu Kredit- und Bank-Charte vo i de Läde nid funktionniere.
Lüt - eifach gang chli Bargäld bi sich ha und wie seit me so schön
Nume Bares isch wahres - ou wenn das es paar Idealischte und Zuekunftseuphoriker nümme wahr wei ha !
-------------------------------
I ha immer e chli müeh, wenn Lüt säge, dass s Volch nid ärnscht gnoh wärdi. S‘Volch gits nid, nume immer e Teil dervo. Mir si viel z unterschiedlich zum eis si u wei das ou nid.
-------------------------------
Es brönnt chli hie, es brönnt chli da.
U niemer wett gärn z nach bi däne Füürli schtah.
Sie luege aui mau chli nach linggs u de nach rächts
Zum luege wär de gärn mit däne Füürli,spielt
Doch der Rouch isch z dicht
Zum erkenne so nes Gsicht
Drum brönnts so wies brönne mues
-------------------------------
Ha immer dänkt, morn tue ni öppis dri schribe. Wüll mir immer denn grand nüt i Sinn cho isch.
U denn wo das neue Morn Morn worde isch, hei sie‘s wäg gno gha. Das Kondolänzbuech vu däm Tisch.
-------------------------------
Antwort uf:
Vegetarierin kocht Fisch und Fleisch. Ist das für euch verlogen oder tolerant? dasperfektedinner
Antwort: Das isch doch keis würklechs Problem ! Fleischässer choche ja ou Gmües, Riis u mache Salat zum ässe.
-------------------------------
Chumm i nime di bir Hand
Chum mir göh zäme chli übers Land
Eifach zum es bitzli zäme z‘si
Eifach nume e chli glücklech si
Weisch mit dir geit mini Zyt so schön verbi
-------------------------------
Wenn Lüt säge oder schribe:
S isch fang verruckt … u de irgend so öppis banals hinde dri.
Denn frag i mi, was schribe/säge si ächt de, wenns würklech öppis verruckts isch ?
-------------------------------
Riich, wiss, alt und männlech !
I mache ja viel Blödsinn mit
Aber bi serigem Sch******k löschts ou mir ab
Verstande ?!
-------------------------------
Ha langsam fescht gschtellt, dass es mir Wurscht isch wenn‘s Lüt gut wo mi nid möge.
Ha aber ou gmerkt dass is ganz gärn ha wenns Mönsche git wo mi gärn hei.
So.
-------------------------------
Frag zum Tag:
Mues me wüsse, was anderi dänke
Zum sicher si dass me säuber richtig tuet dänke ?
-------------------------------
Wenn Lüt mir es Mail oder SMS oder WhatsApp schicke
Wo e Link zumne youtube Video druffe isch
U der bi steit, i söll das unbedingt teile, teile, teile
mit e Huufe serige 🙏🙏🙏 druff
De weiss i nume eis
🚮🗑🚮 -> u zwar SUBITO !
-------------------------------
Ou wenn i eigentlech e frohe u rächt positive Mönsch bi
Ganz allgemein
Wenn i immer aues würd schribe wo ni dänke
De würd i vermuetlech duur gschperrt si
Drum schrib i nume d Häufti u bi vou derbi
-------------------------------
Dä Näbu da - was wott dä da ?
Wott är mir öppe eifach zeige
Dass me nid immer überau cha düre gseh
Dass me nid immer aus im Griff cha ha
Dass me s‘einte oder andere viellicht eifach so wie‘s isch sött so la schtah
Teuf teuf schnuufe u es paar Schritt witer ga
