Aktualisiert: 30. Dezember 2022
Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte - Schnitzelbänk zur Unzyt - Sinnigs und Unsinnigs eifach vur Läbere wäg
Dr. Rüedu dänkt - schribt - teilt - kommentiert
Uf Twitter - nur für Di www.twitter.com/@RVuBaern
BONNE ANNEE - HÄPPY NEW YEAR - ES GUETS NÖIS
S‘isch no nid mau Silveschter
S‘wird ume warm, wärmer u das immer feschter
Die erschte Blüemli spriesse uf de Wiese
E mänge Struuch tuet scho chli spriesse
Langsam wird immer chli verrückter
Und us langsam wird immer schnäller
Mängs liit im Arge
Mir sötte nümme warte
* * * * * * *
I bi e Pändler
Pändle zwüsche zwöi Wälte
Viel ir Schtadt
U immer wieder uf em Land
Mal städtisch kleidet
U mal eifach für ufs Land
Aber immer mi säuber mit Hut u Haar
Solang i no ha fürwahr
* * * * * * *
Bevor s‘alte Jahr em Änd zue geit
S‘neue scho voll uf der Matte schteit
So isch das halt eifach u nid andersch
Ou dieses Jahr, so wie gäng, ja das isch wahr
* * * * * * *
Sit der Jesus uf d‘Wält isch cho isch jez es Cherli här
I frag mi grad was är, würd är jez uf üsi Wält cho
Üs i de nächschte Jahr säge u verzelle
U i frage mi, ob mir ihm ou dieses mal würde zuelose
U das was är seit anderne witerverzelle ?
* * * * * * *
D‘Wält isch ou das Jahr no nid untergange
Mängs isch vergange
Vieles het neu agfange
I hoffe, dass bi dir die schöne Bilder ir Erinnerig tüe blibe
Tue sie teile, tue dervo schribe
Dass sie möge gfalle, dass sie möge blibe
Viel Chraft, dass d Wält e guete Platz mag blibe
* * * * * * *
We d‘Rägetropfe id Pfütze gheie
De weisch: Hüt chunnts auä nümm cho schneie
* * * * * * *
Es schneielet, es beielet
Es weiht e chüehle Wind
Ou wenn‘s i däne Tage e chli schneielet
D‘Ärde erwärmt sich für üs alli viel z‘gschwind
Drum hoff i für üs alli, vor allem sner für üsi Chind
Dass mir‘s no schaffe
Das Schtüürrad ume z‘risse
Das hoff i sehr
* * * * * * *
Falls s‘Gäld chli knapp isch für Noeis ir Wohnig
Tue eifach oeppis umstelle
Moebel, Gschirr im Schaft, CD‘s, Buecher
De bruuchsch es Zytteli nüt nöis
* * * * * * *
I wünsche mir vum Wiehnachts Maa
Es paar Tesla Aktie, die choenn me jetz ganz günschtig ha
Viellicht gits de grad als chline Zuesatz no derzue
Ei, zwöi vum däm Twitter
Villicht doch lieber nid
Me seit ou die,sige grad ziemli schitter
* * * * * * *
S‘Znacht schteit vor der Tür
Wett ine cho
Het sich aber nid derfür
I tue d‘Türe drum es Schpäutli uf
Bi ganz schtill und ohni Schnuuf
E feine Duft mir um d‘Nase striicht
Bis das i säuber cha afa ässe
Wünsch i dir drum E Guete
Herrje, hätts bau vergässe
* * * * * * *
Ho ho ho
Der Wiehnachtsmaa isch do
Überleit sichs guet
Ob är söll blibe oder wieder goh
Wüll är i däre Wält nümm alles cha verschtoh
Chas si dass die einte oder andere
Viellicht z‘viel Glüehwii hei übercho
Oder andri Droge hei zue sich gnoh
* * * * * * *
Soo nes Gschtürm. Bi mir hüt bim dusche gar nid einig gsi. Si aber gliich geng rächt unterhaltendi Gspräch. I so mit mir. Meischtens.
* * * * * * *
S‘git serig, die näme aues soo ärnscht, dass me sie scho bau nümm cha ärnscht näh ! Die überbisse sich fasch.
Hesch es Biischpieu ?
* * * * * * *
Jedi Zyt het ihri Jugend
Jedi Jugend het ihri Zyt
Drum sötte mir de Junge ihri Zyt so lah
So wie sie’s und nid mir wei ha
De chöi sie de ou mau säge
Schön und guet hei mir‘s gha
* * * * * * *
Bundesrats-Zuteilig - Röschti
Ke guete Tag für üses Land
Kei guete Tag für üsers Land
Kein guete Tag für unser Land
* * * * * * *
Klarschtellig:
Nur wüll i ziemli viel gäge extremi Rächtsbürger
vur AfD und SVP ha
Bi ni no lang kei extreme Lingge !
* * * * * * *
I mache nid jede Tag 10000 Schritt
Für dass i fit und munter, gsund u glücklech bi
I mache jede Tag viel gnussvolli Schritt
tue luege, lose u schmöcke derbi
U Zyt wird Zyt u geit so wunderschön verbi
* * * * * * *
Das Jahr da, das geit
langsam e chli am Ändi zue
vu gwüssnigem da ha ni gnue
vu anderem überchum i gar nie gnue
I hoffe s’neue sigi genau so schön
wie das isch gsi
viellicht chli meh Rueh
aber süsch … göh mir doch eifach mau em Neue zue
* * * * * * *
Ohni Di i mim Läbe
wär mängs gliich
mängs wär liecht u nid so schwär
u mängs wär halt glich chli schwär
Wüll i nie weiss, wie’s wär ohni Di
Mängs wär nie so schön wie denn
wenn mir zwöi zäme si
I hoffe, s’blibt no lang genau so so u es blibt derbi
* * * * * * *
Mönsche wo über Mönsche, wo ihri Date (Dokumänt, Musig, Föteli …) lokal und nid nur i der Wolke (Cloud) abgschpicheret hei, nume gschpottet u glachet hei, merke villicht gli, dass sie sich gwaltig tüüscht hei.
Externi Feschtplatte loufe guet i de Läde.
* * * * * * *
Jez tüet nid so !
Dir heit euch scho lang chönne uf eventuelle Schtrommangu oder BlackOut vorbereite.
Chli Bargäld, Cherze, Ässresärve us der Büchs,
Es guets Buech, es Batterie-Radio mit UKW, warmi Chleider u de eifach Närve bhalte !
* * * * * * *
S’git Lüt, die schribe eigentlech für sich
Ganz ok, chöi sie o - aber am liebschte i nes Tagebuech
S’git Lüt, die schribe gärn für anderi u für Di
Drum schrib i witer i däm Twitter
viellicht gits es paar Smilies oder de halt Gwitter
Aber dänk dra - eigentlech schrib i für Di
* * * * * * *
Wed mit beidne Bei uf em Bode schteisch
U we de wisch, wo du häre geisch
Denn gits ganz sicher irgendwo s’paar Lüt
Wo di verschtöh, wo zueder schtöh u süsch nüt
Wüe meh bruuchts i däne Zyte wo viel tüe wanke
Egentlech nid ! Du kennsch dini Gränze, dini Schranke
Las ine las use !
* * * * * * *
Es isch e Chutte chälter worde
Die letschte Blätter a de Böim si gschtorbe
Dehei heizt d’Heizig wie sich’s ghört
i däm Jahr e chli weniger u nid so gschtört
die einte findes ganz OK u andri wieder unerhört
U i ga jez id Schtadt warmi Socke gogä poschte
Hoffe dass sie nid zviel…
* * * * * * *
Wünschet dir euch mängisch ou
dass da irgend so ne Zouberer derhär chunt
är eifach so chli häre schteit u seit - „tschou“
u meint: früecher isch’s ou nid besser gsi
jez weisch du das ou
