Es guets Nöis euch allne

 

Es guets Nöis

Es guets 2026

Scho bald gits wieder neui Värsli u Gedanke vum Rüedu

Lue doch sider ou mau hie verbi (Föteli)

https://bern-diesunddas.blogspot.com/

https://mattenhofbern.blogspot.com/

Einiges wo sich agsammlet hetf bis Aafang Dezämber 2025

I drücke mi wieder mau I drücke mi vor auem I drücke mi gäg di I drücke au mini Iidrück us I drücke mi vor em verdrücke 

I drücke mi

Zibele Märit

Hüt iss ig Chäs- u Zwiebele Chueche Und sinke denn - es isch e Gruus - e chli zur Schnure us. Aber so geits hüt z Bärn no viele gliich - arm u riich Wie jedes Jahr fürwahr

Es git Mönsche die tüe anderne Mönsche uf e Schlips tschaupe in däm sie sich verchrampft drum bemüehe anderne Mönsche nid uf e Schlips z tschaupe.

Mir wei jez nüt nöis afa Ha ni dänkt u eigentlech ou dra gloubt E chli doch gli Druf isch‘s denn passiert u der Momänt het mi furt treit Wit wäg furt vu dir u auem wo jez nur no im Fotoalbum chasch gseh U irgendwie tuet das weh

I luege di so chli a Vu obe bis unde u wieder zrügg U frage mi - wurum ha ni di denn la stah

Mir hei üsi Jugend gha. Isch cool u schön gsi. U jez packe mir s‘Alter a, dass es ou genau so cool u schön cha si.

Zug um Zug Chunnsch du necher Weisch nach es paar Tag Vermiss i di Ob‘s hudlet oder d‘Sunne schiint Ha di haut eifach gärn Bärn

sWätter

Uhh het das ta ! Hüt düre Tag

Die einte sueche U wüsse nid was sie eigentlech sueche Die andere flueche bim sueche wüll sie nid finde was sie sueche Sie sueche Halt, sie sie sueche Rat u Füehrig Ire Wält wo schiinbar füehrigslos und viel z komplex Und wähle drum viel z eifachi Lösige u Antworte U d Lösige läche dankbar derbi

„Gaza Demo“ Was letschte Samschtig z‘Bärn abgange isch Laht üs alli sprachlos zrügg So viel Wut, so viel Gwalt Gäge eigeni Lüt, gäge Unschuldigi Wo eifach chli i der Stadt hei wölle si Das git Narbe, wo no lang nid wärde verheile.

E Sicherheitsdiräkter kümmert sich um d‘Sicherheit vu der Bevölkerig - mit sine Lüt. Nid so in Bärn, we me sich a die müehsam gfährlechi Aktion vu sogenannte Demonstrante (Bahnhof und öV Bärn) erinnert. Es würd guet tue, sich e chli z überlege, was es da z überlege git. Ja das würds.

Ha tröimt i hocki dört i däre Brocki u i chönn eifach so widerstah u eifach ohni öppis Neus use gah Wo isch dä Vorsatz nume blibe dass weniger ou meh chönnt si

I dänke e chli Über di und über mi Nid sehr schpeziell Meh eifach so e chli Bi nid ufgregt derbi Aber es bitzeli ruhiger dörft i trotzdäm si

U plötzlech si si da U plötzlech si si wäg Ganz ohni Grüsch D Wolke luege uf üs abe U mache was Wolke so mache Mau chli schnäller Mängisch ohni Hascht U plötzlech si si da oder ume wieder wäg Gseh jedi Minute andersch us Sich loufend ändere macht ihne gar nüt us

Du bruchsch kei Droge Du bruchsch kei Alk S‘einzige wo‘d bruchsch Isch öppis z‘Ässe öppis z‘Trinke Chli Liebi u viellicht no chli Gäld und öpper wo‘s dir git

Tue mir doch uf Bluesky folge - i freue mi

https://bsky.app/profile/drruedubaern.bsky.social

Gedicht, Sprüch u säuber griimts Juli bis Mitti Septämber 2025

Wär sich nur mit

Glichgsinnte umgit

Mönsche wie Meinige

Verpasst die anderi Häufti

vum Läbe

-----------------------------

Ha mi grad gfragt wie das

ächt wär, wenn i dăm Land

ig der König wär

Wär hättis liecht und wär

hättis schwär

Oder ob i viellicht es bitzli

grächter zu allne wär ?

----------------------

I hocke wieder mal am Aare Bort

Weisch, dert a mim Lieblingsort

D Sunne brönnt, der Schweiss dä louft

U kene wo ne Glace verchouft

Chöpf schwümme a mir verbi

Bi froh bi ni mau nid derbi

Es Gschtungg wie i Bärns Gasse

Jede wott derbi si, nüt verpasse

Drum gniess i d Rueh a däm Aare Bort

A däm wunderschöne Ort

----------------------

 S'paar Müntschi

füehle sich no wohl

zwüsche däne Bartstopple

Es schmöckt irgendwie no

nach dir

mit gschlossne Ouge

U es isch fasch nid zum

gloube

I fuehle mi schampar nach

zu dir

Ou denn wo du jetzt

irgendwo im Irgendwo bisch

---------------------------------

Mir si es Volk vu

Rosinepicker

Doch die Zyte göh langsam

ou verbi

Rund ume löh sich die andre

Vögu das gepicke nümm la

gfaue

U de wirds übel für üs alli,

mit sötte das jez ändlech

schnalle

-----------------------------------

I fahre gäge d'Bärge zue

Ne nei, ha vu der Stadt no

lang nid gnue

S'isch äbe eifach wunderbar

Mau chi dieses und mau chli

das

wües hie bi üs fasch überau

So vieu schöns zum luege u

zum gniesse het

-----------------------------

Viellicht ha ni z wenig gseit,

dass i di gärn ha

Oder hesch du der

Empfänger nid uf Empfang

igschtellt ?

-----------------------------

Früecher isch nid aues

besser gsi.

Es isch andersch gsi.

Drum löh mir bitte de hütige

Junge ihri Wält la ihri Wält si !

---------------------------------

I bi e Pändler

Pändle zwüsche zwöi Wälte

Viel ir Schtadt

U immer wieder mal uf em Land

Mal städtisch kleidet

U mal eifach für ufs Land

Aber immer mi säuber mit

Hut u Haar

Solang i no mag u cha fürwahr

-------------------------------

D'Wält isch ou das Jahr no

nid untergange

Mängs isch vergange

Vieles het neu agfange

I hoffe, dass bi dir die

schöne Bilder ir Erinnerig tüe

blibe

Tue sie teile, tue dervo

schribe

Dass sie möge gfalle, dass

sie möge blibe

Viel Chraft, dass d Wält e

guete Platz mag blibe

----------------------------

Jedi Zyt het ihri Jugend

Jedi Jugend het ihri Zyt

Drum sötte mir de Junge ihri

Zyt so lah

So wie sie's und nid wie

mir's wei ha

De chöi sie de ou mau säge

Schön und guet hei mir's

gha

--------------------------------

Meditiersch du ou

Ab u zue

Tuets dir ou so guet

Meischtens

De isch guet

---------------------------------

Zum hütige Mäntig

Der hütig Tag isch wieder

mau so ne „läck isch dä ume

schnäu verbi gange" Tag.

Bi zfriede

---------------------------------

Ob dusse heiss

Ob dusse warm

Ob dusse chüehl

Bim dusse si ha ni gäng es

ganz guets Gfüehl

Ob ir Natur

Am Wasser

Oder ir Stadt im Gwüehl

--------------------------------

Ob linggs ob rächst

Die meischte wei ja nume

eis

Dass me sie gärn het so wie

si si

Doch das min Fründ isch

ziemli schwierig

Doch das min Fründ das

hätsch du gärn

Mir chöi das aber immer

wieder üebe

Oder löss haut eifach besser si

-------------------------------

Der Mäntig isch mi

Lieblingstag

Der Zischtig tuet beleidigt

Der Mittwuch seit ihm i

verstah di scho

Der Donnschig meint „ach

Wo"

Der Fritig meint „tuet jez nid

e so"

Der Samschtig meint wie

wärs mit mir

Der Sunntig dreit sich um u

meint „die Wuche wär jetzt

um"

------------------------------

Mir sötte probiere, dass mir

üs i üsereVerloreheit

weniger einsam füehle.

-----------------------------

Härze wachse

immer denn

We sie vu andere

berüehrt wärde

--------------------------

Schmärz isch meischtens unvermislich

Lide isch optional

--------------------------

Lah der Troum la Troum si

D Realität steit eh scho im

Vorrum u wartet

-----------------------------

Angscht isch e schlächte

Ratgäber

Angscht isch kei Fründ

U glich isch sie da !

Arbeitsplätz, Banke wo

wanke

Umwält u

Klimakataschtrophe

Wohnigsnot u Chrieg fasch

ume Egge

Aber aues das isch niemals

e Grund

Zu de Rächte u Nazis

z'achiele - DAS isch

ungsund !

----------------------------

Geschter, bim Zyt

verplämperle

Bi ni ume mau z vieu ga

ganggele

Ha jez es chlises Loch ir

Kasse

D Lag isch ärnscht u nid

zum spasse

---------------------------

Mängisch ha ni s Gfüehl

Dass viel Mönsche

Nümm chöi Fröid ha wenn

anderi Freud hei

Irgendwie immer alles

besser wüsse oder schlächt

rede

-------------------------

Bewegig tuet guet

Die mit em Körper

Die mit em Chopf

Die mit em Härz

----------------------------

Im Stägehuus

Es isch afe schlimm

Seit d Frou Grimm

Es wird immer schlimmerli

Meint da der Herr Zimmerli

Tue mir doch uf Bluesky folge - i freue mi

https://bsky.app/profile/drruedubaern.bsky.social

NEU - Dr. Rüedu schreibt auch ab und zu auf BLUESKY -- follow me !

 

Tue mir uf Bluesky folge - i freue mi

https://bsky.app/profile/drruedubaern.bsky.social

https://bsky.app/profile/drruedubaern.bsky.social

Dr.Ruedu legt den Twitter / X Account per sofort still

 Dr.Ruedu legt den Twitter / X Account per sofort still

Ein Wechsel auf BLUESKY ist in Vorbereitung

BlueskyBlueskyhttps://bsky.app

---------------------------

Interessant und BRAVO watson.ch 

(wie zuvor schon WOZ und Republik)

https://www.watson.ch/international/schweiz/412303735-elon-musk-wird-in-schweizer-medien-verteidigt-geht-s-noch

https://www.watson.ch/digital/schweiz/336593168-diese-persoenlichkeiten-und-institutionen-haben-den-exit-gewagt

https://www.watson.ch/international/social-media/100220972-warum-watson-seine-accounts-auf-x-stilllegt

Dr. Rüedu tweetet - Churzriime - Gedanke-Schnipsel (2023-04 bis 2024-11)

Letztmals aktualisiert am: 5.11.2024

(Aktualisierung wird fortgesetzt)

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wäg

Dr. Rüedu dänkt - schribt - teilt - kommentiert

                                  Uf Twitter - nur für Di www.twitter.com/@RVuBaern 

Ha mi grad gfragt wie das ächt wär, wenn i däm Land ig der König wär

Wär hättis liecht und wär hättis schwär

Oder ob i viellicht es bitzli grächter zu allne wär ?

* * * * * * *

Repeater

Wär sich nur mit Gliichgsinnte umgit

Mönsche wie Meinige

Verpasst die anderi Häufti vum Läbe

* * * * * * *

* * * * * * *

Liebe Parfum Träger...

Ein kleiner Tipp an euch:

Pft, pft reicht dicke aus!

Pft,pft,pft,pft,pft,pft,pft, pft,

pft, pft,pft,pft ist eher zu viel!

* * * * * * *

Früecher isch nid aues besser gsi. 

Es isch andersch gsi. 

Drum löh mir bitte de hütige Junge ihri Wält la si !

Dr. Rüedu tweetet - Churzriime - Gedanke-Schnipsel (2023-03)

 Aktualisiert: 22. März 2023

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wäg

Dr. Rüedu dänkt - schribt - teilt - kommentiert

                                  Uf Twitter - nur für Di www.twitter.com/@RVuBaern 

Mit jedem Jahr wo ni älter wirde

Wir klar dass i de irgendwenn mal stirbe

U de überleg i halt gäng ume chli

Was lah ni la si u vu was chas ruhig no chli meh si

Drum isch‘s vermuetlech e guete Rat

Bis dankbar u gniess jede Tag

Im grosse wie im chline

------------------------

Angscht isch e schlächte Ratgäber

Angscht isch kei Fründ

U gliich isch sie da !

Arbeitsplätz, Banke wo wanke

Umwält u Klimakataschtrophe

Wohnigsnot u Chrieg fasch ume Egge

Aber aues das isch niemals e Grund

Zu de Rächte u Nazis z‘schiele - DAS isch ungsund !

-------------------

Wär vum #Köppel globt wird

Isch auä genau dört acho

Wos nümm witer nidsi geit

----------------------------

Es git so Tage

Da bi ni eifach gärn mit mir allei

Chli s‘Dänke la Dänke si

Meh chli vu usse wie ne Bsuecher si

Statt hässig, sauer oder süsch überforderet si

Eifach chli dankbar für alles si

Wo ni ha, jede Tag vu neuem

Eifach chli meh dankbar si

------------------------

Är het mängs müesse düre schtah

Doch jez het ihn Vernunft offebar völlig verlah

Pandemie, chli mit em Flügerli über Frankriich gsi

U irgendwo so ne Brut wie bösi Zunge si sicher gsi

Doch verreckter Schtoupere aus jez

Bringt kei andere so locker häre

------------------------

Die viele unnötige schtrube Sache wo ni hütt ume gläse ha hei nume eis bewürkt

D‘Falte uf der Schtirn hei sich einisch meh e chli verschobe.

-------------------------

Der Chüngel hockt duss im Garte

Der Fuchs dervor, är mag nümm warte

Us der Serie: Wildtier erobere d Stadt

-------------------

I ghöre gäng no s‘liise Gränne am andre Ändi vu der Stadt

Der Morge schliicht sich langsam dür verlassni Gasse

Wurum müesse die einte die andre hasse ?

-----------------------

I dänke e chli

Über di und über mi

Nid sehr schpeziell

Meh eifach chli so 

Bi nid ufgregt derbi

Aber es bitzeli ruhiger dörft i trotzdäm si

---------------------

I gloube, dass Hueschte Sirup u Hueschte Tee

absichtlich soo gruusig müesse si

S’hilft dass är sich rasch verzieht

bi so viel schlächtem Gschmack wott niemer länger al nötig chrank u deheime si

--------------

Mir tüe au die #Männer leid, wo meine, me dörf hüt als Maa nümm männlech si ! Me darf ! Und me darf ou andersch si. Isch doch so schön, jede so wie‘s ihn glücklech macht. Auso höret uf jammere, Memmene.

--------------------

Ä neue Tag isch do

är isch - wie jede ander vor ihm o

eifach plötzlech da gsi u cho

isch mit ihm ou - wenn’s ä Mäntig isch

e neui Wuche

ja so isch’s wüll’s immer wieder isch wie’s isch

Mir Mönsche hei kei Zyt da drüber truurig z’si

wüll ou dä Tag geit sicher viel z’schnäll verbi

-------------------

S’isch chaut 

Verusse

Bi de einte ou ganz wiit inne

die einte vö afa suufe, die andre schpinne

Doch isch das würklech nötig

Chönnte mir üs nid wieder afa bsinne

was eigentlech alles no so guet louft i üsem Land

Ohni dass mir bruuche so nes Faschiste Gwand

ALLI Rüedu - Tweets

Rüedu uf Twitter

www.twitter.com/@RVuBaern

 

Dr. Rüedu tweetet - Churzriime - Gedanke-Schnipsel (2023-02)

 Aktualisiert: 28. Februar 2023

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wäg

Dr. Rüedu dänkt - schribt - teilt - kommentiert

                                  Uf Twitter - nur für Di www.twitter.com/@RVuBaern  

I gibe mir immer wieder Müeh

Dass i alles schöne u guete

Wo mir zwöi hei

Nid eifach so als sälbschtverständlech tue näh

Dass i merke, was mir zwöi üs immer wieder schöns u guets chöi gäh

I gibe mir Müeh, wüll i weiss, mängisch ha ni Müeh

------------------------

Der Zug isch im Tunnu drin

I s$ge, das isch nid so schlimm

Jede wo uf re Schiene fahrt

Findet der Wäg u isch parat

Z‘warte bis s‘Ändi naht

Wo jede Tunnu het

--------------------------

I bi mau so u de mau so

Meischtens z‘friede u ziemlich froh

Dass du mi nimmsch so wie ni bi

Ou darum ha di gärn, ja liebe di

Das wär, i weiss nid ob du‘s merksch

Es merci für di alleini gsi

-----------------------------

I choufe ä Locki i der Brocki

I choufe es Bambi i der Landi

I choufe dieses

I choufe eis

I choufe vu früeh

I choufe bis spot

Äbe dieses oder eis

Im Coop

Nume d Migros fählt das isch doch nid so schlimm

Die si de derfür im nächschte Värsli drin

--------------------------

Viellicht ha ni‘s e chli fausch gseit

Weisch, ha‘s nid so gmeint

Probieres de schpäter no mau

----------------------------

Es isch punkt sächsi

Nümm ganz häll

No nid richtig fiischter

Dä Tag isch wunderprächtig gsi

Genau so und nid andersch isch es guet u söu so si.

------------------------

Gäu s‘Läbe isch so schön ?!

S‘git bau für würklech aues e Äpp.

Wo hieuft oder de ou nid.

Aber i üebe - gliich - jede Tag

Wie‘s isch, wenn mi mis Händy plötzlech nümme mag.

Eifach so glücklech u zfriede si

Ganz ganz ohni

-------------------------

Täg wie dä

Vu däne sötts no vieu meh gäh

Serig Täg

Würd i gärn no vieu meh näh

Täg wo zwar nid aues 

Aber vieu für mi trotzdäm schtimmt

U da derfür wott i dankbar si

Drum hoff i sie chöme de scho no

Ganz beschtimmt

----------------------

Us em Lutsprächer spiele sie de Blues

Dusse drückt d’Sunne, aber d’Wolke halte immer no dergäge

Us der Tasse dampft e feine Tee

Und i wett vu däre schöne Musig meh und meh

I luege was hüt no so alles gmacht sött si

U hoffe, s’einte oder andre chönn ou morn erscht si

Bim bim bimbeli bim

Der eint vu däne Glöggeler sig würklech schlimm

Mit chline Chind heig är in Öschtriich gschwind

Aber äbe ou nid gschwind gnue

Drum het me ne packt und hoffet

Es sig jetzt Rueh

Für alli Chind und ou mit däm müehsame bim bim bimbeli bim

-------------------------

Wes imne Nachfass Mail heisst …

„Aufgrund der grossen Nachfrage, wird unser Januar-Angebot verlängert!“

… bedütet das, dass die Rabatt Aktion offebar kei Erfoug het gha.

--------------------

Der Rock‘n‘Roll isch wieder da

Är chlopfet, mir chöi dä doch nid la schtah

Also hopp und ab i d‘Tanzchleider

Aber wo si die Discos für dä Sound

finde fasch keiner - leider

-------------------

Dür d‘Schtadt

Gasse uf u Gasse ab

Zum z‘Hirni lüfte

U ou e chli zum ruhig wärde

Isch guet für Lüt mit Dänkbeschwärde

U aui andre natürlech ou

Sigsch du e Ma oder sigsch du e Frou

Wo eifach nume chli

Under d‘Lüt wei gah u nid alleini si

----------------------------

Zyt - du bisch mi Fründ

Zyt - ja das bisch

Wüll Du mir immer wieder chli vu Dir gisch

---------------------------

-----------------

I hasse der Hass.

I liebe d‘Liebi.

Cha me das ?

------------------

Ir Ougeklinik

I sitze hie

I bi am warte

Es si ou no anger Lüt da

Ha e Termin, wott mi la berate

Wei mir oder wei mir nid

Es wird ou dasmal nid eifach si

Wei mir doch eifach sicher si

ALLI Rüedu - Tweets

Rüedu uf Twitter

www.twitter.com/@RVuBaern

Dr. Rüedu tweetet - Churzriime - Gedanke-Schnipsel (2023-01)

 Aktualisiert: 24. Januar 2023

Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte  - Schnitzelbänk zur Unzyt - Sinnigs und Unsinnigs eifach vur Läbere wäg

Dr. Rüedu dänkt - schribt - teilt - kommentiert

                                  Uf Twitter - nur für Di www.twitter.com/@RVuBaern  

Es trample geng irgendwo es paar Trampeltier

die einte riich u die andre halt immer e chli schtier

Sie trample eifach e chli so

oder sie trample gärn uf dir

Me sött halt eifach nid so zue lah

dass sie vum trample nie wei gnue ha

*  *  *  *  *  *  *  *  *  *  *  *  *  *

S‘paar Müntschi

füehle sich no wohl

zwüsche däne Bartstopple

Es schmöckt irgendwie no nach dir

mit gschlossne Ouge

U es isch fasch nid zum gloube

I füehle mi schampar nach zu dir

Ou denn wo du jetzt irgendwo im Irgendwo bisch

*  *  *  *  *  *  *  *  *  *  *  *  *  *

Mir si es Volk vu Rosinepicker

Doch die Zyte göh langsam ou verbi

Rund ume löh sich die andre Vögu das gepicke nümm la gfaue

U de wirds übel für üs alli, mit sötte das jez ändlech schnalle

*  *  *  *  *  *  *  *  *  *  *  *  *  *

Ha tröimt i hocki

dört i däre Brocki

u i chönn eifach so widerstah

u eifach ohni öppis Neus use gah

Wo isch dä Vorsatz nume blibe

dass weniger ou meh chönnt si

*  *  *  *  *  *  *  *  *  *  *  *  *  *

Het’s bi euch früecher ou nume aube am Wuchenänd Fleisch gäh ?

U wie isch es hütt e so ?

*  *  *  *  *  *  *  *  *  *  *  *  *  *

Früsch duschet

D‘Haar si gschtrählt

D‘Schue suber putzt

Der Hemmlichrage zue

I ga jez use

Vum dinne höckle ha ni grad chli gnue

Tue der erscht Schritt use u de d‘Türe zue

*  *  *  *  *  *  *  *  *  *  *  *  *  *

Wär knallt het e Knall !

Richtig ?

Fausch ?

S ‚isch wies isch

*  *  *  *  *  *  *  *  *  *  *  *  *  *

Cha me sich a aues gwöhne ?

D‘Frag isch fausch.

Wott me sich a aues gwöhne ?

ALLI Rüedu - Tweets

Rüedu uf Twitter

www.twitter.com/@RVuBaern