Gueti Mönsche – Gedicht

Gueti Mönsche tüe guet

Si mache froh u gäbe Muet

Gueti Mösche schtelle uf 

Mache glücklech, gäbe guete Groove

Gueti Mönsche gits überall

Ou Du findsch sie ... uf jede Fall

Söttsch Di aber vu de Schlächte trenne

La sie la zieh und tue ne nid nomache renne

Drum bis guet zu guete Mönsche

Und lue was schöns de druuf passiert

We‘s lasch la gscheh

Wirsch es merke immer meh

Lischte mit allne Gedicht

S‘einzige ... – Gedanke

S‘Einzige wo mir sicher wüsse

isch dass mir nid wüsse

ob mir d‘Wahrheit und alles wüsse

So ... das mau zu däm Corona Virus,

De vielne richtige oder falsche Mäudige 
usem Fernseh, Radio oder de Zytige

Aber vor auem ou (leider wieder mau) Mäudige vu vieune 

dubiose und hinterlischtige gemeine Internet Sitene 
vu däne unzählige Verschwörigstheoretiker

wo nume eis wei ...

mit üsne Emozione schpiele

und Chöle u no mai Chölemache

We‘s nid zum hüüle wär denn wär‘s zum lache

Lischte mit allne Gedicht

Tuusig und eis – Gedicht

Tuusig Tröim und no eine meh

Tuusig Tröim vu Dir und no eine derzue

Verzelle Wünsch und Sache wo si gscheh

Mache mis Härz z‘gumpe, verbi isch’s mit der Rueh

Tuusig u ei schöni Nächt u äbesoviel schöni Täg

Wenn i da dra dänke bi ni so richtig glücklech u guet zwäg

Schwanke zwüsche teufer Rueh, Ungeduld und Luscht

S‘git da die schöni Vorfreud und immer wieder Gluscht

Uf dass Gwohnheit nie zur reine Gwohnheit wird

Und Spass, Freud und Innigkeit

e stete Gascht am gmeinsame Tisch mit üs möge si

Lischte mit allne Gedicht

Was isch – Gedicht

Was isch wenn die Guete verlore hei

Nümme möge – alle wei nur no hei

Und wüsse nümm wo genau das denn isch

Was isch wenn die Böse gwunne hei

Füehle sich schtarch, füehle sich frei

Und was isch, wenn du keine vu däne Böse bisch

Was isch wenns Läbe äbe Läbe isch

Und du nid imne Film oder Märli bisch

Wosch zur Mehrheit oder blibsch lieber chli allei

Kümmrets Di oder ischs dir einerlei

Lieber gfange oder lieber frei

Im dänke, tröime, läbe so wies Läbe äbe Läbe isch

Lischte mit allne Gedicht

Was sii wott darf si – Gedicht

Was sii wott darf sii

Genau so und nid andersch

Lah‘s zue denn so wott es sii

Und so geits viellicht de o mau verbi

Was wott sii das darf e so sii

Gfüehl vu früecher wo genau so si gsi

( früecher und hütt ou e chli )

E mau e chli truurig und e mau e chli froh

Gedanke vu denn wo grad jez wieder füre wei cho

Was sii wott darf sii

Wüll‘s so gsi isch und jetzt haut verbi

Emu e chli fang –  uf der länge Schtrass

Vu früecher bis zum hütt u viellicht ou wieder chli zrügg

E Schritt zrügg und zwöi gäg vore

So wirsch es mache und hesch nüt derbi verlore

Wüll was sii wott das darf si

Wülls jetzt grad so isch und nid andersch cha si

... andersch wott si

..... u morn wird hütt früecher si

Jetzt grad Erwachse u gliich no Chind

Viellicht bau säuber z‘oberscht uf em Schtägli

Ja herr jesses ... irgendwie geits glich grad (chli) gschwind

Lischte mit allne Gedicht

U

Aui zäme – Gedicht

Aui zäme wei es bitzeli Glück

Aui wette dervo es chlises Stück

Aui zäme sehne sich dernah

Dass keine eim ir Sunne tuet schtah

Aui zäme plange nach es bitzli Liebi

Hoffe dass sie chunnt u de ou chli bliebi

Aui zäme wettes eifach e chli schön u no vieu schöner ha

U hoffe dass s‘Schöne chunnt, nid ufs mau, sondern na dis na

Aui zäme hoffe chli uf Schmuuse und chli Zärtlechkeit

Es würd so guet tue, si wäre jetz bereit

Aui zäme wei es bitzli Glück

U wünsche sich e Bitz vu däm guete Stück

Aui zäme sehne sich dernah

Nach Geborgeheit und e chli ir Sunne und ar Wermi schtah

Aui zäme wettes eifach gmüetlech und chli kuschlig ha

Sich chönne recke, strecke u chli chönne der Alltag hinder sich la schtah

Aui zäme hoffe uf chli Striichle und sich bi de Hände näh

Wäre bereit u würde gärn chli gäh u nid nur näh

we sie ändlech öpper würdi häbe und eifach e chli näh

* * * * *
U am liebschte hätt i jez grad gseit
We‘s hesch – denn gniess es u zeig chli Dankbarkeit


A alli wo gärn liebe u gärn gliebt wärde

Lischte mit allne Gedicht

Lischte mit allne Gedicht