Aktualisiert: 2022-03-31
Dr. Rüedu tweetet - Churzriime - Gedanke-Schnipsel - Gedankeblitze - Usschnitte us Songtegschte - Schnitzelbänk zur Unzyt - Sinnigs und Unsinnigs eifach vur Läbere wag
Bim bim … bim bim … bimbeli bim
Es isch so schtill und das isch öppe de gar nid schlimm
Die Glöggeler hei usglöggelet
Die vu Massvoll findet scho lang eh keine me so toll
Bärn isch ohni euch no viel meh das schöne Bärn
Wo mir so gärn hei … ohni eue Lärm
*. *. *. *. *. *. *. *. *. *. *. *
Liebi Lüt
Hie vu mire Site e ganz e chline Warner
Gäbet acht und passed uf … vor däm Maa mit Name Glarner
*. *. *. *. *. *. *. *. *. *. *. *
Aus was rächt isch
Wenn nümme richtig rächt isch
Eh bhüeti wou Frou i weiss nid wär
Mir nämes ärnscht aber nid au zu schwär
Aber es nou gou isch so z tue wie wenn gar nüt wär
*. *. *. *. *. *. *. *. *. *. *. *
Die absoluuut gröschti Verliererin i däne Kanton Bärn Wahle
isch …
D‘Schtimmbeteiligung
I ma die nächschte 4 Jahr nümme ghöre, die mache sowieso was sie wei ! Absolut nümme !
*. *. *. *. *. *. *. *. *. *. *. *
I ma die Tatort Krimis
Scho so mängs Jahr und immer neu und angersch
Die Guete si gäng uf der guete und richtige Site
U meischtens gits Fride nach Totschlag, Mord oder striite
U drum gib i Rueh u vergliche nid mit däm wo d Wält üs jez grad bietet statt verbietet
*. *. *. *. *. *. *. *. *. *. *. *
Wahle im Kanton Bärn.
I bi ja gspannt … mängisch bi ni nid ganz sicher ob me sech meh wünscht dass die einte göh oder die andere chöme ?
S chunnt wies chunnt oder wie du es wosch !
*. *. *. *. *. *. *. *. *. *. *. *
Ii dir. Hüt isch mir es Missgschick passiert.
I ha mi eiget Biitrag gleiked.
Tschuedigung.
*. *. *. *. *. *. *. *. *. *. *. *
Wie mängisch hesch hüt glächlet ?
Viellicht ganz fiin und still zu dir, für di
Egal wie mängisch, viellicht einisch z‘wenig
Probiers no mau - jetzt grad. Für di
*. *. *. *. *. *. *. *. *. *. *. *
Ha mir grad mau überleit
Dass wenn das Internet mau so richtig nümme geit
Was denn uf däre Wäut ir Folg zergheit
U wenn de no der Strom nümm wott
De hei mirs nümm so schön und warm dehei
Ja denn wüsste mir aui dass mir nümme wüsse
U de hei mir alle zäme s‘Gschänk - bhüeti Gott
Ha ni mir vori überleit
*. *. *. *. *. *. *. *. *. *. *. *
Schad
*. *. *. *. *. *. *. *. *. *. *. *
Wurum chöi nid es paar Politiker und Wältwuche Schriberlinge
Eifach es paar Mönet i so ne Vorbeuge Isolation
Mir … der Räschte - hätte mega freud u chönnte üs ohni ihre Blödsinn sehr guet i däre Wält z‘rächtfinde
*. *. *. *. *. *. *. *. *. *. *. *
I ha di eifach nümme gseh
Ha nöime andersch häre gluet
U jez wünschti das wär so nid gscheh
U es wäre so wie geng u eifach nume guetI ha di eifach nüme ghört
Ha nöime andersch häre glost
Ha nume glost uf das wo mi schtört
U Oug, Ohr u Härz amne andre Ort la schtah
*. *. *. *. *. *. *. *. *. *. *. *
Mänge würd gschider wenn är hirnlos desume polteret
Eifach häre schtah u säge: i bi überforderet
Das tuet - im Fau - nid weh
Liebi Lüt vur SVP
*. *. *. *. *. *. *. *. *. *. *. *
Mit em Kafi uf em Bettrand
Bi ni no nid ganz richtig wach
Tue drum no chli i dä neu Tag ine döse
Und hoffe uf es paar Gedanke - vum Schöne und nid vum Böse
*. *. *. *. *. *. *. *. *. *. *. *
I würd ou hüt di no mau frage
I weiss i würd das no mau wage
We aus no mau so wär wies denn gsi isch
Und andersch use chiem als leider use cho isch
Wüeu vieu derzwüsche schön und guet gsi isch
U wülls äbe so worde und nid andersch isch
Aber du geng no e feini gueti bIsch
*. *. *. *. *. *. *. *. *. *. *. *
Was hei mir aui doch chönne lache
und fiesi Witzli mache
Über dä Zivilschutz, so ne Nichtsnutz
ohni üs Gedanke z‘mache
Wie‘s de si chönnt wenn statt Chaltem Chrieg
Dä Russ doch plötzlech mit eim Bei bi üs im Ländli schtiend
U jez ? Statt Lache chli id Hose mache
Schiss .. gäu !
*. *. *. *. *. *. *. *. *. *. *. *
Hüt gits nau nume es paar Rüebli und ei zwöi Härdöpfu derzue
U ha ni de nächhär no nid gnue
De viellicht no die Banane wo scho lang wett gässe wärde
Bevor sie schinkt vor em verdärbe
*. *. *. *. *. *. *. *. *. *. *. *
I mim Chopf dreit eine sini Rundi
Nid allzu schnäll
E Gedanke wo nüt angers cha als blibe hange
U der Wäg nach use eifach nid finde wott
E Gedanke - es einzigs Wort
*. *. *. *. *. *. *. *. *. *. *. *
Liebi PutinversteherInne bi üs ir Schwyz
Ja, es git e Opposition in Russland
Ja, es git Demonstratione und Rebellion in Russland
Je, es git freiheitsliebi und freidänkendi Mönsche in Russland
Ja, es git grossi Repressione und Unterdrückig in Russland
Und drum verstah i euch nid
*. *. *. *. *. *. *. *. *. *. *. *
Vu gwüssne Sache ha ni meh gha als me brucht
Der Durscht isch grösser gsi als eigentlech ine ma
Die eint oder ander Fläsche hät i gschider la stah
*. *. *. *. *. *. *. *. *. *. *. *
Die Duur Überforderete mälde sich wieder z’ Wort
Wie scho bir Pandemie isch ihre einzig Sport
Eifach nur gäg alles si - eifach nur denäbe si
Nume motze, schimpfe … kei Lösig und keis Zämesi.
Mitenand statt gägenand … und s‘ganze mit äre Portion Vernuft und Astand.
*. *. *. *. *. *. *. *. *. *. *. *
I findes eifach nume no ungloublech.
U dir ?
*. *. *. *. *. *. *. *. *. *. *. *
Es sött ume mau so richtig cho rägne - im Fau !
*. *. *. *. *. *. *. *. *. *. *. *
So; liebi Kandidierendi und Parteie
I ha gwählt und bruche keiner Flyer meh
Vor allem nid die vur SVP
Und ou anderi si eher grad für d'Füchs
Sit nech desse gwüss
*. *. *. *. *. *. *. *. *. *. *. *
I gloube und i säge euch, das chönnti wahr si
Dä Putin het kei Fründe, weder dört no anderswo
Halt nei … ir Schwyz hei s‘paar Verschwörer u s‘paar vur SVP
Im Putin sine Wort - einisch meh - wölle Wahrheit gseh
No meh serig bi üs und um üses Ländli ischs baud gscheh
*. *. *. *. *. *. *. *. *. *. *. *
Für Stadt UND Land im Kanton Bärn:
Im Kanton Bärn würs de Mönsche viel besser ga
Wenn dir KandidatInne vur SVP im Räge löht la schtah
Es git no so vieu Gueti linggs vu däne Rächte
Ou die wärdes richte, ou die luege de zum Rächte
Du wirsch scho die Richtige finde
Unter däne …
*. *. *. *. *. *. *. *. *. *. *. *
Ja hoppala - jetzt isch är da
Der Briefumschlag mit all däne vielne Grinde drin
Wo lächle oder ärnscht dri luege
Luter Phrase und gschidi Sprüch
Doch es git unter au däne Grüene, Rote, Blaue
No die vu ganz rächts - oh je mine - die SVP
Die wett i im neue Rat de gar nümm gseh
*. *. *. *. *. *. *. *. *. *. *. *
Früecher isch nid aus besser gsi
Früecher isch vieu eifach angersch gsi
Klar ischs schön vu „weisch no“ z schwärme
Aber wäg desse isch Musig vu hüt emu nid e Lärme
Weisch jedi Zyt het ihri Jugend
U jedi Jugend het ihri Zyt
Das isch es so u das isch geng so gsi
U so sölls si
*. *. *. *. *. *. *. *. *. *. *. *
Wenn öpper seit, der ander verbreiti Fakenews oder so
Tuet är de nid grad im däm Ougeblick ou grad e chli e so ?
*. *. *. *. *. *. *. *. *. *. *. *
D Trolle schöpfe wieder mau chli us em Volle
Drum säg i dir „Troll keim vo däne übere Wäg“
*. *. *. *. *. *. *. *. *. *. *. *
Wahrschinlech geits nid nur dir e so
Dass du jetz ziemlech ratlos bisch
Wahrschinlech hei o viel andri Lüt
Es Gfüehl als würd öppis wahr
Wo vorhär wit wäg isch gsi als sone Gfahr
Wo chuum mit Wort chasch beschribe
Wül die Wort schiints fasch nid z gäh
Wort wo dini Angscht chöi nä
*. *. *. *. *. *. *. *. *. *. *. *
S git Ereignis die überrolle dini Gfüehl und dini Vorschtelligschraft
S git Ereignis die si so schtarch und prassle mit voller Macht uf di i
Es fählt der Verglich zu Ding wo du scho kennsch
Zu erfahrnem u Sache wo du mit Name benennsch
U däm seit me de villicht Überforderig
*. *. *. *. *. *. *. *. *. *. *. *
Bots vu Russland und Schwyzer Trolle
Wüete mit Lüge, Grücht und Unwahrheit
us em Volle
Doch mir lö üs da doch nid la verwirre
Chöi unterscheide zwüsche Wahrheit und Lug vu es paar Irre
*. *. *. *. *. *. *. *. *. *. *. *
Trotz Chrieg vu Russland gäg d Ukranie
Trotz Leid und Lide vu all däne Zivilischte
Trotz Russe Trolle bi üs i üsem Land
Sötte mir üs nid nur la abezieh
Mir sötte zämeschtah und jede am andre der Muet jez gäh
Dass mir üs dä nid eifach so lö la näh
*. *. *. *. *. *. *. *. *. *. *. *
Früecher het me vumne Tollhuus gredt
Hüt redt me vumne TROLLhuus
Das isch es Land wo es paar
Ferngschtüüreti unzfriedni Mönsche
Mit grosser deschtruktiver Chraft
Im eigne Land viel wo jahrzähnte lang
Isch ufbout, pflegt worde
Eifach wei zerschöre
Nume wüll sie nid zur Masse wei…
*. *. *. *. *. *. *. *. *. *. *. *
Merkt sie‘s ächt
Gschpührt sie‘s chli
Jez mit däm Chrieg
Wo Russland gäg d‘Ukraine zieht
U vorhär i de Pandemie
Mit all däm Gliir
Ischs vielne klar
Mit däre SVP isch‘s für vieli langsam verbi
*. *. *. *. *. *. *. *. *. *. *. *
Ischs nid interessant, wie viel vu däne Mönsche
Wo vehemänt u schtrub gäg aui Corona Massnahme si gsi
Jez plötzlech ou uf der Site vu Russland schtöh
Und der Weschte nid zum Beschte im Räge löh la schtah
Faht jez das Fake- und Propaganda Theater wieder vu neuem a ?
*. *. *. *. *. *. *. *. *. *. *. *
Mängisch wott me weniger, doch meischtens wott me meh
Aber hütt da wett i am liebschte eifach nüt
Kei Chrieg me und e Schwyz ohni SVP
*. *. *. *. *. *. *. *. *. *. *. *
S Kaffee Tassli i der Hand
E Blick zum Fänschter us
Wie schön die Sunne hüt wieder schiint
Für di und mi jnd all die andre o
Da derfür bi ni jez scho chli froh
*. *. *. *. *. *. *. *. *. *. *. *
