S‘isch jez scho s‘paar Stunde här
Sit i Di umarmet ha und s‘isch als wär
Dini Nechi immer no ganz nach
Der Zug isch halb voll oder halb läär
Ämu voll vu Larve und vu Maske
Und kene weiss was wär wenn dert eine drunder wär
Wo du dir wünschisch dass är nid dert drunder wär
Isch ganz ir Ornig und villicht ou besser so
Cha chli gäbiger döse, tröime, weisch eifach so
Vu chli Nechi wo ni scho baud vermisse u drum wär i ziemlech froh
Wenns nächschte Wuchenänd
der Wäg zu dir und mir gli gli fänd
Nachtrag
S‘Guete a de Maske isch
Das du wenn du würklech wosch
Jedem Zunge chasch use schtrecke
Ohne dass är das würdi merke
