Hesch Di ou scho mau gfragt ? Auso weisch, gfragt wie blöd. Auso gfragt für wie blöd üs die da im Radio, i jedem Radio de überhoupt tüe haute.
Fasch nach jedem Musigschtück oder nach jeder unnötige Nachricht seit eini oder eine mit künschtlech hochghautener Fröhlechkeits–Schtimm geng grad sofort ... Dir ghöret uf „Radio Äxtra Blöd“ mit oder ohni Energie ...., uf wellem Sänder Ich grad bi..
Aber hallo ... für was hautet dir üs denn da ?iseiss doch genau,wele Sänder ig da ine trüllet ha. I ha si ja no aui. Gwüss Gott.
U de die fröhleche Schtimmlim wo schlächte Wätterpricht abeliire, wie we si eim wette säge, dass me grad e Sächser im Lott heigi oder bim Glückssxhpiel ir Migros zwöifachi Cumuluspünt. Oder die immer wieder (g?)luschtige Sexfrage im Partnerschpieli. Wie we si eim wette zeige, dass si ou scho mau bir Beate Unse ingegooglet hei und s‘Ufkläerigsbuech hinde u vorne uswändig chöi. Eh wie härzig auso. Und oh wie piinlech für all die Meitschi u Buebe, wo da freiwillig mitmache, zum wenigschtens einisch immRadio cho z‘si. Wie wäre de mau au die Änkelchind sich winde ab söfu Piinlechkeit. Aber he nu.
Lieber e CD ine legge oder chli Schpottifei oder Öpfumusig. Dert isch der Musiggnuss e Wohltat und e Gnuss und no völlig schtressfrei. Musig pur ohne dernäbnigs Gschnurr. Und der Schtou wird sich ou so uflööse. Irgendwenn.
No eine zum inelose:
